- Бастасын ашагъан, хантусун да ичер.
- Ёзденликни кёбю ётюрюк.
- Атадан ёксюз – бир ёксюз, анадан ёксюз – эки ёксюз.
- Сёз къанатсыз учар.
- Джюрек кёзден алгъа кёрюр.
- Сабий болмагъан джерде, мёлек болмаз.
- Тойну къарнашы – харс, джырны къарнашы – эжиу.
- Аман къатын алгъан, арыр, иги къатын алгъан джарыр.
- Кёзюнде тереги болгъан, чёбю болгъаннга кюле эди.
- Эки ойлашыб, бир сёлешген.
- Ашхы атаны – джашы ашхы, ашхы ананы – къызы ашхы.
- Тил – миллетни джаны.
- Чомартны къолу берекет.
- Джетген къыз джерли эшекни танымаз.
- Ашда уялгъан – мухар, ишде уялгъан – хомух.
- Тамбла алтындан бюгюн багъыр ашхы.
- Сууда джау джокъ, кёб сёзде магъана джокъ.
- Джаным-тиним – окъуу, билим.
- Бетинги сатма, малынгы сат.
- Кёб джашагъан – кёб билир.
- Ёлмесенг да, къарт дамы болмазса?
- Ариу сёзде ауруу джокъ.
- Ушамагъан – джукъмаз.
- Кёбге таш атма.
- Акъыллы – эл иеси, тели – эл баласы.
- Акъыл бла адеб эгизледиле.
- Уллу суу бла уллу ауруудан башынгы сакъла.
- Игилик игилик бла сингдирилиучю затды.
- Халкъны юйю – туугъан джери.
- Накъырда – кертини келечиси.
- Ичимден чыкъды хата, къайры барайым сата?
- Бир онгсуз адам адет чыгъарды, деб эштирик тюлсе.
- Джашлыкъ этмеген, башлыкъ этмез.
- Ётген ёмюр – акъгъан суу.
- Ким бла джюрюсенг, аны кёзю бла кёрюнюрсе.
- Юре билмеген ит, къонакъ келтирир.
- Ач къалгъандан, кеч къалгъан къолай.
- Эртде тургъан бла эртде юйленнген сокъуранмаз.
- Билимден уллу байлыкъ джокъду.
- Урунуу – насыбны анасы.
- Чомартха хар кюн да байрамды.
- Юйюнг бла джау болгъандан эсе, элинг бла джау бол.
- Билеги кючлю, бирни джыгъар, билими кючлю, мингни джыгъар.
- Нафысынгы айтханын этме, намысынгы айтханын эт.
- Къарт айтханны этмеген, къартаймаз.
- Киштикге къанат битсе, чыпчыкъ къалмаз эди.
- Ёксюзню тилеги къабыл болур.
- Хунаны тюбюн къазсанг, юсюнге ауар.
- Къарнынг тойгъунчу аша да, белинг талгъынчы ишле.
- Къошда джокъгъа – юлюш джокъ.
Профиль
|
|
|
|||