- Айранын берсенг, челегин да къызгъанма.
- Баш болса, бёрк табылыр.
- Башы джабылгъан челекге, кир тюшмез.
- Тилде сюек болмаса да, сюек сындырыр.
- Джыланны къуйругъундан басарынг келсе, аны башы болгъанын унутма.
- Ана кёлю – балада, бала кёлю – талада.
- «Ма», - дегенни билмесенг, «бер», - дегенни билмезсе.
- Юйюнг бла джау болгъандан эсе, элинг бла джау бол.
- Джиби бир къат джетмей эди да, эки къат тарта эди.
- Адам туугъан джеринде, ит тойгъан джеринде.
- Эрине къаргъыш этген къатын, эрнин къабар.
- Джылар джаш, атасыны сакъалы бла ойнар.
- Уруну арты – къуру.
- Ашхы тенг джолгъа салыр, аман тенг джолдан тайдырыр.
- Къонагъы джокъну – шоху джокъ.
- Халкъны юйю – туугъан джери.
- Окъугъан озар, окъумагъан тозар.
- Ашыкъгъанны этеги бутуна чырмалыр.
- Адебни адебсизден юрен.
- Ёпкелегенни ашы татлы болады.
- Дууулдаса – бал чибин, къонса – къара чибин.
- Джаралыны джастыгъында сау ёлюр.
- Чакъырылмай келген къонакъ сыйланмай кетер.
- Джан саулукъ бермей, сан саулукъ бермезсе.
- Иесиз малны бёрю ашар.
- Кёб къычыргъандан – къоркъма, тынч олтургъандан – къоркъ.
- Аманны тукъумуна къарама, игини тукъумун сорма.
- Ач уят къоймаз.
- Бети къызарыучу адамны, джюреги харам болмаз.
- Ариу сёз – джаннга азыкъ, аман сёз – башха къазыкъ.
- Эшекге миннген – биринчи айыб, андан джыгъылгъан – экинчи айыб.
- Акъыл сабырлыкъ берир.
- Кесине гебен этелмеген, биреуге черен эте эди.
- Тойгъа барсанг, тоюб бар, эски тонунгу къоюб бар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Насыб бютеу халкъны юлюшюдю.
- Къоркъакъны кёзю экили кёрюр.
- Адамны артындан къара сабан сюрме.
- Джарлыны тону джаз битер.
- Бастасын ашагъан, хантусун да ичер.
- Ушамагъан – джукъмаз.
- Насыблы элин сюер, насыбсыз кесин сюер.
- Къарнынг ауруса, ауузунгу тый
- Чёбню кёлтюрсенг, тюбюнден сёз чыгъар.
- Ата джурт – алтын бешик.
- Ашын ашагъанынгы, башын да сыйла.
- Къонакъ болсанг, ийнакъ бол.
- Юреннген ауруу къалмаз.
- Эринчекни аурууу – кёб.
- Орну джокъну – сыйы джокъ.
Профиль
|
|
|
|||