- Тюзлюк тас болмайды.
- Джиби бир къат джетмей эди да, эки къат тарта эди.
- Тилчи бир сагъатха айлыкъ хата этер.
- Киштикге къанат битсе, чыпчыкъ къалмаз эди.
- Джангызны оту джарыкъ джанмаз!
- Къарт бла баш аша, джаш бла аякъ аша.
- Къаллай салам берсенг, аллай джууаб алырса.
- Джюрекге ариу – кёзге да ариу.
- Джаханимни кёрмей, джандетге кёл салмазса.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Башсыз урчукъ тюзюне айланмаз.
- Ишлерге уял да, ашаргъа табма.
- Къыйынлы джети элни къайгъысын этер.
- Тилде сюек болмаса да, сюек сындырыр.
- Къарнынг бла ёч алма.
- Джыланны къуйругъундан басарынг келсе, аны башы болгъанын унутма.
- Арба аугъандан сора, джол кёргюзтюучю кёб болур.
- Адамны адамлыгъы къыйынлыкъда айгъакъланады.
- Зар адамны насыбы болмаз.
- Джумушакъ сёз къаты таякъны сындырыр.
- Къонакъ аз олтурур, кёб сынар.
- Ашлыкъ – бюртюкден, джюн – тюкден.
- Биреуге аманлыкъны тилеме да, кесинге ашхылыкъны тиле.
- Джарлыны тону джаз битер.
- Ат басханны джер билед.
- Тенги кёбню джау алмаз, акъылы кёбню дау алмаз.
- Ёлген аслан – сау чычхан.
- Ойнаб айтсанг да, эслеб айт.
- Кесинг сынамагъан затны, адамгъа буюрма.
- Эрине къаргъыш этген къатын, эрнин къабар.
- Болджал ишни бёрю ашар.
- Чабакъсыз кёлге къармакъ салгъанлыкъгъа, чабакъ тутмазса.
- Алтыда кюлмеген, алтмышда кюлмез.
- Акъыл бла адеб эгизледиле.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аллахдан тилесенг, кёб тиле.
- Айтхан сёзюне табылгъан.
- Къошда джокъгъа – юлюш джокъ.
- Терслик кетер, тюзлюк джетер.
- Тамбла алтындан бюгюн багъыр ашхы.
- Джангыз терек къынгыр ёсер.
- Насыблы элин сюер, насыбсыз кесин сюер.
- Ашыкъгъанны этеги бутуна чырмалыр.
- Къууут – джелге, берне – бошха.
- Агъач – джерни чырайы, кийим – эрни чырайы.
- Ауругъаннга – кийик саулукъ, джетген къызгъа – чилле джаулукъ.
- Босагъагъа джууукъ орун болса, ашыгъыб тёрге озма.
- Нарт сёз – тилни бети.
- Ёпкелегенни ашы татлы болады.
- Адебсиз адам – джюгенсиз ат.
Профиль
|
|
|
|||