- Ат да турмайды бир териде.
- Къарт бла баш аша, джаш бла аякъ аша.
- Тил джюрекге джол ишлейди.
- Ёксюзню къалачы уллу кёрюнюр.
- Ёпкелегенни ашы татлы болады.
- Сабий болмагъан джерде, мёлек болмаз.
- Адеби болмагъан къыз – тузсуз хант.
- Къыйынлы джети элни къайгъысын этер.
- Ашхылыкъ джерде джатмайды, аманлыкъ суугъа батмайды.
- Сагъыш – къартлыкъгъа сюйюмчю.
- Элиб деген, элге болушур.
- Гырджын – тепсини тамадасы.
- Джети тилни билген джети кишиди.
- Тели турса – той бузар.
- Джумушакъ терекни къурт ашар.
- Адеб базарда сатылмаз.
- Борчунг бар эсе, хурджунунга ойлаб узал.
- Эшекге миннген – биринчи айыб, андан джыгъылгъан – экинчи айыб.
- Терслик кетер, тюзлюк джетер.
- Джол бла сёзню къыйыры джокъ.
- Телиге от эт десенг, юйюнге от салыр.
- Къартха ушагъан джаш – акъыллы, джашха ушагъан къарт – тели.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ариу сёзде ауруу джокъ.
- Нёгерсизни джолу узун.
- Къайгъы тюбю – тенгиз.
- Ашхы болсанг, атынг чыгъар, аман болсанг, джанынг чыгъар.
- Чакъырылмагъан къонакъ къачан кетерин сормаз.
- Тил – миллетни джаны.
- Кимни – тили, тиши онглу, кимни – къолу, иши онглу.
- Аз сёлешген, къайгъысыз турур.
- Ач къалгъандан, кеч къалгъан къолай.
- Хар сёзню орну барды.
- Джангыз терек къынгыр ёсер.
- Накъырда – кертини келечиси.
- Тойгъа барсанг, тоюб бар, эски тонунгу къоюб бар.
- Кийиминг бла танылма, адамлыкъ бла таныл.
- Халкъны джырын джырласанг, халкъ санга эжиу этер.
- Чыбыкълыкъда бюгюлмеген, къазыкълыкъда бюгюлмей эди.
- Ат басханны джер билед.
- Бастасын ашагъан, хантусун да ичер.
- Адамны бетине къарама, адетине къара.
- Таукел адам тау тешер.
- Тойгъан антын унутур.
- Ач уят къоймаз.
- Иги – алгъыш этер, аман – къаргъыш этер.
- Азыкъ аз болса, эртде орун сал.
- Эм ашхы къайын ана мамукъ бла башынгы тешер.
- Ач къарным, тынч къулагъым.
- Байдан умут эте, джарлыдан ёгюз багъасы къорады.
Профиль
|
|
|
|||