- Тилде сюек болмаса да, сюек сындырыр.
- Джети тилни билген джети кишиди.
- Болджал ишни бёрю ашар.
- Ач бёрюге мекям джокъ.
- Кийим тукъум сордурур.
- Бозанг болмагъан джерге, къалагъынгы сукъма.
- Тили узунну, намысы – къысха.
- Иши джокъну, сыйы джокъ.
- Хатерли къул болур.
- Баш – акъыл ючюн, акъылман – халкъ ючюн.
- Ашлыкъ – бюртюкден, джюн – тюкден.
- Ашыкъгъанны этеги бутуна чырмалыр.
- Кёзю сокъурдан – къоркъма, кёлю сокъурдан – къоркъ.
- Ёксюзню тилеги къабыл болур.
- Ач келгенни – тойдур, кеч келгенни – къондур.
- Сёз садакъдан кючлюдю.
- Элиб деген, элге болушур.
- Эл тойса, тоймагъан, эл къойса, къоймагъан.
- Юй ишлеген балта эшикде къалыр.
- Окъдан джара эртде-кеч болса да бителир, сёз джара, ёмюрге къалыр.
- Чакъырылмагъан джерге барма, чакъырылгъан джерден къалма.
- Кёзден кетген, кёлден да кетеди.
- Сабийни джумушха джибер да, ызындан бар.
- Тилсиз миллет джокъ болур.
- Билмейме деген – бир сёз
- Босагъагъа джууукъ орун болса, ашыгъыб тёрге озма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тешигини къатында, чычхан да батыр болур.
- Билеги кючлю, бирни джыгъар, билими кючлю, мингни джыгъар.
- Къазанда болса, чолпугъа чыгъар.
- Джеринден айырылгъан – джети джылар, джуртундан айырылгъан – ёлгюнчю джылар.
- Бет бетге къараса, бет да джерге къарар.
- Бозаны арты дауур болур.
- Ачлыкъ отха секиртир.
- Аш иеси бла татлыды.
- Къарт болгъан джерде, берекет болур, сабий болгъан джерде, оюн болур.
- Эм уллу байлыкъ – джан саулукъ.
- Къайгъы тюбю – тенгиз.
- Ата – билек, ана – джюрек!
- Танг атмайма десе да, кюн къоярыкъ тюйюлдю.
- Кирсизни – саны таза, халалны – къаны таза.
- Мал тутхан – май джалар.
- Кеси юйюмде мен да ханма.
- Чарсда алчыны эл кёреди.
- Уллу къазанда бишген эт, чий къалмаз.
- Тура эдим джата, къайдан чыкъды хата?
- Накъырда – кертини келечиси.
- Кийиминг бла танылма, адамлыкъ бла таныл.
- Къуллукъчума, деб махтанма, къуллукъ – хаух джамчыды!
- Айтылгъан сёз ызына къайтмаз.
Профиль
|
|
|
|||