- Къатын къылыкъсыз, эр тынчлыкъсыз.
- Иги сёз – джаннга азыкъ, аман сёз башха – къазыкъ.
- Къууут – джелге, берне – бошха.
- Айтылгъан сёз ызына къайтмаз.
- Рысхы джалгъанды: келген да этер, кетген да этер.
- Тас болгъан бычакъны сабы – алтын.
- Шайтан алдады, тюзлюк къаргъады.
- Аманнга алтын чыдамаз.
- Окъугъан – асыу, окъумагъан – джарсыу.
- Халкъны джырын джырласанг, халкъ санга эжиу этер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Гугурук къычырмаса да, тангны атары къалмаз.
- Къошда джокъгъа – юлюш джокъ.
- Тенгни тенглиги джашай барсанг билинир.
- Этни да ашады, бетни да ашады.
- Кесинг сынамагъан затны, адамгъа буюрма.
- Тешигини къатында, чычхан да батыр болур.
- Ойнай билмеген, оюн бузар.
- Хоншуну тауугъу къаз кёрюнюр, келини къыз кёрюнюр.
- Кечеси – аяз, кюню – къыш, джарлы къаргъагъа бир аш тюш!
- Бек ашыкъгъан меннге джетсин, дегенди аракъы.
- Кесинге джетмегенни, кёб сёлешме.
- Тынгылагъан тынгы бузар.
- Аманнга игилик этсенг, юйюнге сау бармазса.
- Ачны эсинде – аш.
- Аман адам элни бир-бирине джау этер.
- Намыс болмагъан джерде, насыб болмаз.
- Ётюрюкню башын керти кесер.
- Ашха уста, юйюнде болсун
- Акъыллы айтыр эди, акъылсыз къоймайды.
- Ауузу бла къуш тута айланады.
- Тюкюрюк баш джармаз, налат кёз чыгъармаз!
- Кёпюр салгъан кеси ётер, уру къазгъан кеси кетер.
- Къызны минг тилер, бир алыр.
- Кёл – къызбай, къол – батыр.
- Биреуге аманлыкъны тилеме да, кесинге ашхылыкъны тиле.
- Ариу сёз – джаннга азыкъ, аман сёз – башха къазыкъ.
- Бюгюн дуния кибик, тамбла ахыратды.
- Ишлемеген – тишлемез.
- Байлыкъ тауусулур, билим тауусулмаз.
- Къозулугъунда тоймагъан, къойлугъунда тоймаз.
- Ишлерге уял да, ашаргъа табма.
- Айтылгъан буйрукъ, сёгюлмез
- Аджашхан тёгерек айланыр.
- Къартны сыйын кёрмеген, къартлыгъында сыйлы болмаз.
- Эшекге миннген – биринчи айыб, андан джыгъылгъан – экинчи айыб.
- Ашыкъгъанны этеги бутуна чырмалыр.
- Ариу сёз аурууунгу алыр.
- Ёксюзню къалачы уллу кёрюнюр.
- Агъач – джерни чырайы, кийим – эрни чырайы.
Профиль
|
|
|
|||