- Иги болса, тамадама – махтау, аман болса, меннге – айыб.
- Намысы болмагъанны, сыйы болмаз.
- Ач да бол, токъ да бол – намысынга бек бол.
- Халкъгъа джарагъан, джарлы къалмаз.
- Орну джокъну – сыйы джокъ.
- Къумурсхала джыйылсала, пилни да джыгъадыла.
- Байдан умут эте, джарлыдан ёгюз багъасы къорады.
- Ариу – кёзге, акъыл – джюрекге.
- Адамны сабийин сюйген джюреги, бычакъча, джитиди.
- Джарлы эскисин джамаса, къууаныр.
- Эри аманны, къатыны – аман.
- Уруну арты – къуру.
- Тойгъандан сора, ашны сёкме.
- Аманны эки битли тону болур, бирин сеннге кийдирир, бирин кеси киер.
- Тик ёргени, тик энгишгеси да болады.
- Билим къая тешер.
- Кёб джат да, бек чаб.
- Тил джюрекге джол ишлейди.
- Булут кёкге джарашыу, уят бетге джарашыу.
- Шапа кёб болса, аш татымсыз болур.
- Къызгъанчдан ычхыныр, мухардан ычхынмаз.
- Кёбден умут этиб, аздан къуру къалма.
- Мураты болгъанны джюрек тебюую башхады.
- Гырджын – тепсини тамадасы.
- Къызны минг тилер, бир алыр.
- Босагъагъа джууукъ орун болса, ашыгъыб тёрге озма.
- Аманнга игилик этсенг, юйюнге сау бармазса.
- Элни кючю – эмеген.
- Ариу сёз джыланны орнундан чыгъарыр.
- Нёгерсизни джолу узун.
- Аякъларынгы джууургъанынга кёре узат.
- Aдам боллукъ, сыфатындан белгили.
- Джаш къарыу бла кючлю, къарт акъыл бла кючлю.
- Сютден ауузу кюйген, суугъа юфгюре эди.
- Ургъан суудан башынгы сакъла.
- Къолунгдан къуймакъ ашатсанг да, атаны борчундан къутулмазса.
- Тас болгъан бычакъны сабы – алтын.
- Адамны бетине къарама, адетине къара.
- Хунаны тюбюн къазсанг, юсюнге ауар.
- Малны кют, джерни тюрт.
- Бюгюн дуния кибик, тамбла ахыратды.
- Къайгъы тюбю – тенгиз.
- Джигер – джаннга къыйынлыкъ.
- Ишни аллы бла къууанма да, арты бла къууан.
- Ишлегенде эринме, ишде чолакъ кёрюнме.
- Кёлю джокъну – джолу джокъ.
- Тил – миллетни джаны.
- Къонакъ болсанг, ийнакъ бол.
- Аджал соруб келмез, келсе, къайтыб кетмез.
- Тёзген – тёш ашар!
Профиль
|
Jhonigo
 Эльбрусоид
Cообщений: 2
Баллов: 1
Регистрация: 24.08.2019
Последний визит: 05.09.2019 21:57:12
|
|
||||||||
|
|
|
||||||||