- Ашхы атаны – джашы ашхы, ашхы ананы – къызы ашхы.
- Джукъу тёшек сайламайды.
- Аман адам этегингден тутса, кес да къач.
- Иги бла джюрюсенг, джетерсе муратынга, аман бла джюрюсенг, къалырса уятха.
- Рысхысына кёре, джаш ёсер, къышлыгъына кёре, мал ёсер.
- Джюрекден джюрекге джол барды.
- Юйюнг бла джау болгъандан эсе, элинг бла джау бол.
- Ёлген эшек бёрюден къоркъмайды.
- Юй ишлеген балта эшикде къалыр.
- Тили узунну, намысы – къысха.
- Ашаса, ашамаса да, бёрюню ауузу – къан.
- Аманны эки битли тону болур, бирин сеннге кийдирир, бирин кеси киер.
- Узун джолну барсанг, бюгюн келирсе, къысха джолну барсанг, тамбла келирсе.
- Намыс болмагъан джерде, насыб болмаз.
- Болджал ишни бёрю ашар.
- Терслик кетер, тюзлюк джетер.
- Ачыкъ джюрекге джол – ачыкъ.
- Билеги кючлю, бирни джыгъар, билими кючлю, мингни джыгъар.
- Къая джолда джортма, ачыкъ сёзден къоркъма.
- Дуния малгъа сатылма, кесингден телиге къатылма.
- Мураты болгъанны джюрек тебюую башхады.
- Бети къызарыучу адамны, джюреги харам болмаз.
- Тойгъанлыкъ къойгъа джарашады.
- Ач уят къоймаз.
- Керти сёзге тёре джокъ.
- Башда акъыл болмаса, эки аякъгъа кюч джетер.
- Адам къыйынлыгъын кёлтюрюр, зауукълугъун кёлтюрмез.
- Элге къуллукъ этмеген, элге ие болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Сабыр джетер муратха, сабырсыз къалыр уятха.
- Чабар ат – джетген къыз.
- Татлы тилде – сёз ариу, чемер къолда – иш ариу.
- Айранын берсенг, челегин да къызгъанма.
- Баргъанынга кёре болур келгенинг.
- Кёб джашагъан – кёб билир.
- Къатын къылыкъсыз, эр тынчлыкъсыз.
- Халкъны юйю – туугъан джери.
- Къызгъанчдан ычхыныр, мухардан ычхынмаз.
- Къаллай салам берсенг, аллай джууаб алырса.
- Кесине гебен этелмеген, биреуге черен эте эди.
- Алтыда кюлмеген, алтмышда кюлмез.
- Чоюнну башы ачыкъ болса, итге уят керекди.
- Сакъалы текени да бар, мыйыгъы киштикни да бар.
- Келлик заман – къартлыкъ келтирир, кетген заман – джашлыкъ ёлтюрюр.
- Ана къойну – балагъа джандет.
- Босагъагъа джууукъ орун болса, ашыгъыб тёрге озма.
- Джерни букъусу кёкге къонмаз.
- Аман адам элни бир-бирине джау этер.
- Тамчы таш тешер.
- Аман киши кеси юйюнде – къонакъ.
Профиль
|
Monique Renard
 Эльбрусоид
Cообщений: 11
Баллов: 5
Регистрация: 28.09.2019
Последний визит: 30.06.2020 04:49:55
|
|
||||||
|
|
|
||||||