- Эр абынмай, эл танымаз.
- Къралынгы – душмандан, башынгы от бла суудан сакъла.
- Бети – къучакълар, джюреги – бычакълар.
- Айтылгъан сёз ызына къайтмаз.
- Къарны аманнга къазан такъдырма, къолу аманнга от джакъдырма.
- Кюн кёрмеген, кюн кёрсе, кюндюз чыракъ джандырыр.
- Баш – акъыл ючюн, акъылман – халкъ ючюн.
- Чоюнну башы ачыкъ болса, итге уят керекди.
- Иги адамны бир сёзю эки болмаз.
- Къоркъакъны кёзю экили кёрюр.
- Юй ишлеген балта эшикде къалыр.
- Аман къатын сабий табса, бий болур…
- Къайгъыны сюйген, къайгъы табар.
- Олтуруб кёрюнмей эди да, ёрге туруб кёрюне эди.
- Байлыкъ тауусулур, билим тауусулмаз.
- Аманны къуугъан, аманлыкъ табар.
- Намыс сатылыб алынмайды.
- Дуния мал дунияда къалады.
- Суу кетер, таш къалыр.
- Термилгенинги табмазса, кюлгенинге тюберсе.
- Аманны эки битли тону болур, бирин сеннге кийдирир, бирин кеси киер.
- Ашына кёре табагъы, балына кёре къалагъы.
- Къонакъ аз олтурур, кёб сынар.
- Ёмюрлюк шохлукъну джел элтмез.
- Таукел тауну аудурур.
- Аллахдан тилесенг, кёб тиле.
- Ашда – бёрю, ишде – ёлю.
- Ата – баланы уясы.
- Мен да «сен», дейме, сен да «кесим», дейсе.
- Къызны минг тилер, бир алыр.
- Кёбден умут этиб, аздан къуру къалма.
- Джаш къарыу бла кючлю, къарт акъыл бла кючлю.
- Кёкдеги болмаса, джердегин кёрмейди.
- Уллу сёлешме да, уллу къаб.
- Джыланны къуйругъундан басарынг келсе, аны башы болгъанын унутма.
- Ата джурт – алтын бешик.
- Башы джабылгъан челекге, кир тюшмез.
- Алгъанда – джууукъ, бергенде – джау.
- Экеу тутушса, биреу джыгъылыр.
- Тёзгеннге, джабылгъан эшик ачылыр.
- Кёбню кёрген – кёб билир.
- Джолунга кёре – джюрюшюнг, джагъанга кёре – юлюшюнг.
- Кёбге таш атма.
- Бал ашаргъа сюе эсенг, чибин ургъаннга тёз.
- Бети къызарыучу адамны, джюреги харам болмаз.
- Душманны тышы – акъ, ичи – къара.
- Сагъыш – къартлыкъгъа сюйюмчю.
- Ётюрюкню къуйругъу – бир тутум.
- Келлик заман – къартлыкъ келтирир, кетген заман – джашлыкъ ёлтюрюр.
- Экеулен сёлеше тура эселе, орталарына барыб кирме.
Профиль
|
|
|
|||