- Чакъырылмай келген къонакъ сыйланмай кетер.
- Бермеген къол, алмайды.
- Акъыл неден да кючлюдю.
- Джырчы джырчыгъа – къарнаш.
- Билимсиз иш бармаз.
- Ашда – бёрю, ишде – ёлю.
- Ариу сёз джыланны орнундан чыгъарыр.
- Ашхылыкъ джерде джатмайды, аманлыкъ суугъа батмайды.
- Джаханимни кёрмей, джандетге кёл салмазса.
- Баш – акъыл ючюн, акъылман – халкъ ючюн.
- Айтылгъан буйрукъ, сёгюлмез
- Тилчиден кери бол.
- Тин – байлыгъынг, терен саулугъунг.
- Ишлегенде эринме, ишде чолакъ кёрюнме.
- Бал ашаргъа сюе эсенг, чибин ургъаннга тёз.
- Ойнаб айтсанг да, эслеб айт.
- Ургъан суудан башынгы сакъла.
- Джумушакъ терекни къурт ашар.
- Кёзню ачылгъаны – иги, ауузну джабылгъаны – иги.
- Тура эдим джата, къайдан чыкъды хата?
- Тиширыусуз юй – отсуз от джагъа.
- Адеб базарда сатылмаз.
- Хазыр ашха – терен къашыкъ.
- Чабар ат – джетген къыз.
- Гырджын – тепсини тамадасы.
- Чыкълы кюнде чыкъмагъан, чыкъса къуру кирмеген.
- Итли къонакъ джарашмаз.
- Иги сеники эсе да, сюйген кесимикин этеме.
- Къалгъан ишге къар джауар.
- Сормай – алма, чакъырылмай – барма.
- Биреуню къыйынлыгъы бла кесинге джол ишлеме.
- Ач – эснер, ат – кишнер.
- Билим къая тешер.
- Эл бла кёргенинг эрелей.
- Ач да бол, токъ да бол – намысынга бек бол.
- Уллу атлама – абынырса, уллу къабма – къарылырса.
- Байлыкъ болгъан джерде, тынчлыкъ джокъду.
- Эл ауузу – элек, анга ийнаннган – халек.
- Ана – юйню кюн джарыгъы.
- Айран ичген – къутулду, джугъусун джалагъан – тутулду.
- Башынга джетмегенни сорма.
- Бет бетге къараса, бет да джерге къарар.
- Къаллай салам берсенг, аллай джууаб алырса.
- Сабий кёргенин унутмаз.
- Тил джюрекге джол ишлейди.
- Бал – татлы, балдан да бала – татлы.
- Тойгъа алгъа да барма, тойда артха да къалма.
- Адам сёзюнден белгили.
- Ауузу бла къуш тута айланады.
- Ата джурт – алтын бешик.
Профиль
|
|
|
|||