- Тойгъа барсанг, тоюб бар, эски тонунгу къоюб бар.
- Джаш болсун, къыз болсун, акъылы, саны тюз болсун.
- Мухар, кеси тойса да, кёзю тоймаз.
- Адеб этмеген, адеб кёрмез.
- Ашхы атаны – джашы ашхы, ашхы ананы – къызы ашхы.
- Кёл – къызбай, къол – батыр.
- Къалгъан ишге къар джауар.
- Къоркъакъны кёзю экили кёрюр.
- Кюн – узун, ёмюр – къысха.
- Ашарыкъда сайлагъаннга – чий гырджын.
- Аллахдан тилесенг, кёб тиле.
- Суу ичген шауданынга тюкюрме.
- Байны къызы баймакъ болса да, юйде къалмаз!
- Билмейме деген – бир сёз
- Аякъларынгы джууургъанынга кёре узат.
- Кюн кёрмеген, кюн кёрсе, кюндюз чыракъ джандырыр.
- Ариу сёзде ауруу джокъ.
- Арба аугъандан сора, джол кёргюзтюучю кёб болур.
- Ойнай-ойнай кёз чыгъар.
- Тил – миллетни джаны.
- Джан саулукъ бермей, сан саулукъ бермезсе.
- Эшекге миннген – биринчи айыб, андан джыгъылгъан – экинчи айыб.
- Адам сёзюнден белгили.
- Джыйырма къойну юч джыйырма эбзе кюте эди.
- Окъуу – билимни ачхычы, окъуу – дунияны бачхычы.
- Гырджын – тепсини тамадасы.
- Аджалсыз ёлюм болмаз.
- Къая джолда джортма, ачыкъ сёзден къоркъма.
- Кёзю сокъурдан – къоркъма, кёлю сокъурдан – къоркъ.
- Шекер бла туз – бир болмаз, ушамагъан – юй болмаз.
- Сабий кёргенин унутмаз.
- Адам къаллай бир ишленмесе, аллай бир кесин уллу кёреди.
- Джумушакъ сёз къаты таякъны сындырыр.
- Рысхы – насыбха къор.
- Ач, тоймам, дейди, тойгъан, ач болмам, дейди.
- Окъугъанны бети джарыкъ.
- Кютгени беш эчки, сызгъыргъаны уа, джерни джарады.
- Хансыз джомакъ болмаз.
- Джаралыны джастыгъында сау ёлюр.
- Аманны тукъумуна къарама, игини тукъумун сорма.
- Кёзден кетген, кёлден да кетеди.
- Ач къарынны, токъ билмез
- Душманны тышы – акъ, ичи – къара.
- Юреннген ауруу къалмаз.
- Ата Джуртун танымагъан, атасын да танымаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къыйынлы джети элни къайгъысын этер.
- Ашына кёре табагъы, балына кёре къалагъы.
- Къаллай салам берсенг, аллай джууаб алырса.
- Тура эдим джата, къайдан чыкъды хата?
Профиль
|
|
|
|||