- Окъуу – билимни ачхычы, окъуу – дунияны бачхычы.
- Бети къызарыучу адамны, джюреги харам болмаз.
- Кёб джашагъан – кёб билир.
- Тёрдеги кюлсе, эшикдеги ышарыр.
- Эки элинги тыйсанг, джети элде махталырса.
- Къарт бла баш аша, джаш бла аякъ аша.
- Бичгенде ашыкъма, тикгенде ашыкъ.
- Айтханы чапыракъдан ётмеген.
- Махтаннган къыз, тойда джукълар.
- Азыгъы аз, алгъа къабар, аты аман, алгъа чабар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къарын къуру болса, джюрек уру болур.
- Уллу айтханны этмеген – уллаймаз.
- Аууз сакълагъан – джан сакълар.
- Джюрекге ариу – кёзге да ариу.
- Тамырсыз терекге таянма – джыгъылырса.
- Джети тилни билген джети кишиди.
- Уясында не кёрсе, учханында аны этер.
- Мал тутхан – май джалар.
- Къыз чыгъаргъан – къызыл къымжа.
- Айныгъанлы алты кюн, тогъайгъанлы тогъуз кюн.
- Мени джылытмагъан кюн, меннге тиймесин!
- Тенгинг джокъ эсе – изле, бар эсе – сакъла!
- Аш кетер да бет къалыр.
- Магъанасыз сёз – тауушсуз сыбызгъы.
- Босагъа таш юйге кирмей эди, тыбыр таш эшикге чыкъмай эди.
- Соргъан айыб тюлдю, билмеген айыбды.
- Айтхан – тынч, этген – къыйын.
- Байлыкъ келсе, акъыл кетер.
- Къатыны харакетли болса, эри къымсыз болур.
- Джаз бир кюнню джатсанг, къыш талай кюнню абынырса.
- Ёгюзню мюйюзюнден тутадыла, адамны сёзюнден тутадыла.
- Уллу сёзде уят джокъ.
- Эри аманны, къатыны – аман.
- Къартны сыйын кёрмеген, къартлыгъында сыйлы болмаз.
- Суу кетер, таш къалыр.
- Ишин билген, аны сыйын чыгъарады.
- Арбаз къынгырды да, ийнек сауалмайма.
- Чомарт бергенин айтмаз.
- Экеулен сёлеше тура эселе, орталарына барыб кирме.
- Юй кюйдю да, кюйюз чыкъды, ортасындан тюйюш чыкъды.
- Къарт айтханны этмеген, къартаймаз.
- Этни бети бла шорпасы.
- Тешигини къатында, чычхан да батыр болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Телиге акъыл салгъандан эсе, ёлгеннге джан салырса.
- Ашын ашагъанынгы, башын да сыйла.
- Тёзген – тёш ашар!
- Акъыл аздырмаз, билим тоздурмаз.
- Ариу сёз – джаннга азыкъ, аман сёз – башха къазыкъ.
Профиль
|
Автор
 Эльбрусоид
Cообщений: 132
Баллов: 105
Регистрация: 19.09.2020
Последний визит: 12.06.2024 10:53:12
|
 |
|||
|
|
|
|||