- Кийим тукъум сордурур.
- Адам къаллай бир ишленмесе, аллай бир кесин уллу кёреди.
- Ашаса, ашамаса да, бёрюню ауузу – къан.
- Борчунг бар эсе, хурджунунга ойлаб узал.
- Джашны джигитлиги сорулур, къызны джигерлиги сорулур.
- Акъыл неден да кючлюдю.
- Чомартны къолу берекет.
- Нарт сёз – тилни бети.
- Джумушакъ сёз къаты таякъны сындырыр.
- Иги – алгъыш этер, аман – къаргъыш этер.
- Тешигини къатында, чычхан да батыр болур.
- Булут кёкге джарашыу, уят бетге джарашыу.
- Ёгюзню мюйюзюнден тутадыла, адамны сёзюнден тутадыла.
- Ач къалгъандан, кеч къалгъан къолай.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кесинге джетмегенни, кёб сёлешме.
- Джылыгъа джылан илешир.
- Мал тутхан – май джалар.
- Ата Джуртуму башы болмасам да, босагъасында ташы болайым.
- Къумурсхала джыйылсала, пилни да джыгъадыла.
- Ата Джуртун танымагъан, атасын да танымаз.
- Суугъа – чабакъ, къаягъа – ыргъакъ.
- Байлыкъ болгъан джерде, тынчлыкъ джокъду.
- Билим – акъылны чырагъы.
- Ата джурт – алтын бешик.
- Къарын къуру болса, джюрек уру болур.
- Таукелге нюр джауар.
- Босагъагъа джууукъ орун болса, ашыгъыб тёрге озма.
- Сёз къанатсыз учар.
- Мени джылытмагъан кюн, меннге тиймесин!
- Ач келгенни – тойдур, кеч келгенни – къондур.
- Ишге юренсин къоллары, халкъ бла болсун джоллары.
- Джашынгы кесинг юретмесенг, джашау юретир.
- Огъурлуну сёзю – суу, огъурсузну сёзю – уу.
- Акъыл бла адеб эгизледиле.
- Суу кетер, таш къалыр.
- Кёл ашады да, кеси ашады.
- Биреуню тёрюнден, кесинги эшик артынг игиди.
- Окъдан джара эртде-кеч болса да бителир, сёз джара, ёмюрге къалыр.
- Ашын ашагъанынгы, башын да сыйла.
- Мураты болгъанны джюрек тебюую башхады.
- Бир абыннган – минг сюрюнюр.
- Биреуню къыйынлыгъы бла кесинге джол ишлеме.
- Бек ашыкъгъан меннге джетсин, дегенди аракъы.
- Халкъгъа джарагъан, джарлы къалмаз.
- Аман киши кеси юйюнде – къонакъ.
- Тил бла келеди джыр да.
- Джумушакъ терекни къурт ашар.
- Бозанг болмагъан джерге, къалагъынгы сукъма.
- Рысхы – сют юсюнде кёмюк кибикди.
Профиль
|
|
|
|||