- Аман къатын сабий табса, бий болур…
- Биреуге аманлыкъны тилеме да, кесинге ашхылыкъны тиле.
- Акъыллы айтыр эди, акъылсыз къоймайды.
- Адамгъа аман кюн соруб келмейди.
- Мураты болгъанны джюрек тебюую башхады.
- Сёз къанатсыз учар.
- Бек анасы джыламаз.
- Къарыусузгъа кюлме, онгсузгъа тийме.
- Ана – юйню кюн джарыгъы.
- Аман къатын алгъан, арыр, иги къатын алгъан джарыр.
- Къан бла кирген, джан бла чыгъар.
- Ауругъан – джашаудан умутчу.
- Агъач халкъгъа алтынды, иссиликге салкъынды.
- Джашынгы кесинг юретмесенг, джашау юретир.
- Тенгни тенглиги джашай барсанг билинир.
- Терек ауса, отунчу – кёб.
- Къыз келсе, джумуш эте келеди, къатын келсе, ушакъ эте келеди.
- Бичгенде ашыкъма, тикгенде ашыкъ.
- Арпа, будай – ащды, алтын, кюмюш а – ташды.
- Аман киши кеси юйюнде – къонакъ.
- Тили узунну, намысы – къысха.
- Джарлыны тону джаз битер.
- Бозанг болмагъан джерге, къалагъынгы сукъма.
- Къатын байлыкъны сюер, эр саулукъну сюер.
- Битмегеннге сакъал – танг.
- Ашхы тенг джолгъа салыр, аман тенг джолдан тайдырыр.
- Иги адамны бир сёзю эки болмаз.
- Aдам боллукъ, сыфатындан белгили.
- Бир онгсуз адам адет чыгъарды, деб эштирик тюлсе.
- Суугъа – чабакъ, къаягъа – ыргъакъ.
- Аман адамны тепсинге олтуртсанг, къызынгы тилер.
- Юйюнгден чыкъдынг – кюнюнгден чыкъдынг.
- Харам къарнашдан, халал тенг ашхы.
- Терслик кетер, тюзлюк джетер.
- Узун джолну барсанг, бюгюн келирсе, къысха джолну барсанг, тамбла келирсе.
- Джан саулукъ бермей, сан саулукъ бермезсе.
- Гугурук къычырмаса да, тангны атары къалмаз.
- Келинни – келгинчи, бёркню кийгинчи кёр.
- Джарлыны эшигин махтагъан джабар.
- Ёзденликни кёбю ётюрюк.
- Къарнынг бла ёч алма.
- Айран ичген – къутулду, джугъусун джалагъан – тутулду.
- Чабакъсыз кёлге къармакъ салгъанлыкъгъа, чабакъ тутмазса.
- Уллу атлама – абынырса, уллу къабма – къарылырса.
- Эрни эр этерик да, къара джер этерик да, тиширыуду.
- Джылар джаш, атасыны сакъалы бла ойнар.
- Тёрдеги кюлсе, эшикдеги ышарыр.
- Бозаны арты дауур болур.
- Этни да ашады, бетни да ашады.
- Атадан ёксюз – бир ёксюз, анадан ёксюз – эки ёксюз.
Профиль
|
безуший кролик
 Эльбрусоид
Cообщений: 16
Баллов: 8
Регистрация: 14.01.2021
Последний визит: 06.06.2021 00:35:26
|
 |
|||
|
|
|
|||