- Иги бла джюрюсенг, джетерсе муратынга, аман бла джюрюсенг, къалырса уятха.
- Ёлюк кебинсиз къалмаз.
- Босагъагъа джууукъ орун болса, ашыгъыб тёрге озма.
- Киштикге къанат битсе, чыпчыкъ къалмаз эди.
- Билим насыб берир, билим джолну керир.
- Кенгеш болса, уруш болмаз.
- Кёлю джокъну – джолу джокъ.
- Къобан да къуру да къобханлай турмайды, адам да къуру да патчахлай турмайды.
- Намыс сатылыб алынмайды.
- Гитче джилтин уллу элни джандырыр.
- Таукел тауну аудурур.
- Окъугъанны бети джарыкъ.
- Башда акъыл болмаса, эки аякъгъа кюч джетер.
- Джарлы эскисин джамаса, къууаныр.
- Кёпюр салгъан кеси ётер, уру къазгъан кеси кетер.
- Окъуусуз билим – джокъ, билимсиз кюнюнг – джокъ.
- Хата – гитчеден.
- Къартны сыйын кёрмеген, къартлыгъында сыйлы болмаз.
- Ач къарным, тынч къулагъым.
- Ач къалгъандан, кеч къалгъан къолай.
- Къонакъ аман болса, къонакъбай джунчур
- Ёгюзню мюйюзюнден тутадыла, адамны сёзюнден тутадыла.
- Эки элинги тыйсанг, джети элде махталырса.
- Арбаз сайлама да, хоншу сайла.
- Ханы къызы буюгъа-буюгъа киштик болду.
- Ач келгенни – тойдур, кеч келгенни – къондур.
- Ашыкъгъан cуу, тенгизге джетмез.
- Къанны къан бла джуума, аманны аман бла къуума.
- Тойгъан джерге джети къайт.
- Кийимни бичсенг, кенг бич, тар этген къыйын тюлдю.
- Кийиминг бла танылма, адамлыкъ бла таныл.
- Ашаса, ашамаса да, бёрюню ауузу – къан.
- Ач къарынны, токъ билмез
- Ашлыкъны арба юйге келтирир, чана базаргъа элтир.
- Ач да бол, токъ да бол – намысынга бек бол.
- Ана кёлю – балада, бала кёлю – талада.
- Билген билмегенни юретген адетди.
- Адеб базарда сатылмаз.
- Къозулугъунда тоймагъан, къойлугъунда тоймаз.
- «Ма», - дегенни билмесенг, «бер», - дегенни билмезсе.
- Тешик этген тынчды, аны джамагъан къыйынды.
- Юй ишлеген балта эшикде къалыр.
- Урама да – ёледи, сатама да – келеди.
- Тёзген – тёш ашар!
- Тойгъандан сора, ашны сёкме.
- Баш болса, бёрк табылыр.
- Джогъун бар этген, барын бал этген.
- Таугъа чыгъаллыкъ эсенг, тюзде къалма.
- Нарт сёз – тилни бети.
- Сескекли кесин билдирир.
Профиль
|
|
|
|||