- Сабийни джумушха джибер да, ызындан бар.
- Терек ауса, отунчу – кёб.
- Бет бетге къараса, бет да джерге къарар.
- Миллетни бойну – базыкъ, аны бла кюрешген – джазыкъ.
- Къозулугъунда тоймагъан, къойлугъунда тоймаз.
- Ауурну тюбю бла, дженгилни башы бла джюрюген.
- Тик ёргени, тик энгишгеси да болады.
- Акъыл бла адеб эгизледиле.
- Уллу къазанда бишген эт, чий къалмаз.
- Элге къуллукъ этмеген, элге ие болмаз.
- Шекер бла туз – бир болмаз, ушамагъан – юй болмаз.
- Байдан умут эте, джарлыдан ёгюз багъасы къорады.
- Тюзлюк тас болмайды.
- Джаным-тиним – окъуу, билим.
- Азыкъ аз болса, эртде орун сал.
- Онгсузну – джакъла, тенгликни – сакъла.
- Билгенни къолу къарны джандырыр.
- Ханнга да келеди хариблик.
- Кёзюнде тереги болгъан, чёбю болгъаннга кюле эди.
- Ач келгенни – тойдур, кеч келгенни – къондур.
- Ёгюзню мюйюзлери ауурлукъ этмейдиле.
- Къартны сыйын кёрмеген, къартлыгъында сыйлы болмаз.
- Эри аманны, къатыны – аман.
- Аш кетер да бет къалыр.
- Къарыусузгъа кюлме, онгсузгъа тийме.
- Тойгъан джерден туугъан джер игиди.
- Эки къатын алгъан – эки ташны ортасына башын салгъан.
- Сибиртки да сыйлы болду, кюрек да кюнлю болду.
- Ишни аллы бла къууанма да, арты бла къууан.
- Игиге айтсанг – билир, аманнга айтсанг – кюлюр.
- Джаралыны джастыгъында сау ёлюр.
- Ауругъан – джашаудан умутчу.
- Аман эсирсе, юйюн ояр.
- Къызгъанчдан ычхыныр, мухардан ычхынмаз.
- Тай асырагъан, атха минер.
- Адамны джюреги нени кёрюрге сюйсе, кёзю да аны кёрюрге ёч болады.
- Юй ишлеген балта эшикде къалыр.
- Акъыл неден да кючлюдю.
- Джеринден айырылгъан – джети джылар, джуртундан айырылгъан – ёлгюнчю джылар.
- Ишленмеклик адамлыкъды.
- Чакъырылмагъан къонакъ тёрге атламаз.
- Болджал ишни бёрю ашар.
- Чакъырылмай келген къонакъ сыйланмай кетер.
- Тили узунну, намысы – къысха.
- Мени джылытмагъан кюн, меннге тиймесин!
- Келлик заман – къартлыкъ келтирир, кетген заман – джашлыкъ ёлтюрюр.
- Ичимден чыкъды хата, къайры барайым сата?
- Суугъа – таянма, джаугъа – ийнанма.
- Джаш къарыу бла кючлю, къарт акъыл бла кючлю.
- Рысхысына кёре, джаш ёсер, къышлыгъына кёре, мал ёсер.
Профиль
|
|
|
|||