- Аууз сакълагъан – джан сакълар.
- Ач келгенни – тойдур, кеч келгенни – къондур.
- Къартха ушагъан джаш – акъыллы, джашха ушагъан къарт – тели.
- Бозаны арты дауур болур.
- Айран тёгюлсе, джугъусу къалыр.
- Арыгъан къош чамчы болур.
- Ишлемеген – тишлемез.
- Билимден уллу байлыкъ джокъду.
- Эки къатын алгъан – эки ташны ортасына башын салгъан.
- Ёзденликни кёбю ётюрюк.
- Мени джылытмагъан кюн, меннге тиймесин!
- Киштикге къанат битсе, чыпчыкъ къалмаз эди.
- Тюзлюк шохлукъну бегитир.
- Иги адам абынса да, джангылмаз.
- Къонакъ хазыр болгъанлыкъгъа, къонакъбай хазыр тюлдю.
- Къыз келсе, джумуш эте келеди, къатын келсе, ушакъ эте келеди.
- Ашатыргъа иш – ашхы, ишлетирге аш – ашхы.
- Эринчекни аурууу – кёб.
- Кёлю джокъну – джолу джокъ.
- Азыкъ аз болса, эртде орун сал.
- Этим кетсе да, сюегим къалыр.
- Сёз сёзню айтдырыр.
- Къыйынлы джети элни къайгъысын этер.
- Къатыны харакетли болса, эри къымсыз болур.
- Ариу сёз джыланны орнундан чыгъарыр.
- Биреу ашаб къутулур, биреу джалаб тутулур.
- Аууздан келген, къолдан келсе, ким да патчах болур эди.
- Уясында не кёрсе, учханында аны этер.
- Аман адам элни бир-бирине джау этер.
- Тёзгеннге, джабылгъан эшик ачылыр.
- Мадар болса, къадар болур.
- Ата – баланы уясы.
- Хар ишни да аллы къыйынды.
- Босагъагъа джууукъ орун болса, ашыгъыб тёрге озма.
- Аман киши кеси юйюнде – къонакъ.
- Ашда уялгъан – мухар, ишде уялгъан – хомух.
- Орну джокъну – сыйы джокъ.
- Адеб этмеген, адеб кёрмез.
- Баланы адам этген анады.
- Чыкълы кюнде чыкъмагъан, чыкъса къуру кирмеген.
- Адебсиз адам – джюгенсиз ат.
- Эр абынмай, эл танымаз.
- Игилик игилик бла сингдирилиучю затды.
- Ачыу алгъа келсе, акъыл артха къалады.
- Билимли ёлмез, билимсиз кёрмез.
- Юре билмеген ит, къонакъ келтирир.
- Сакъалы текени да бар, мыйыгъы киштикни да бар.
- Джаш болсун, къыз болсун, акъылы, саны тюз болсун.
- Аш кетер да бет къалыр.
- Джумушакъ терекни къурт ашар.
Профиль
|
|
|
|||