Расширенный поиск
5 Августа 2026 года
Логин: Регистрация
Пароль: Забыли пароль?
Навигация
Словарь
  • Джерни букъусу кёкге къонмаз.
  • Айранын берсенг, челегин да къызгъанма.
  • Къоркъакъны кёзю экили кёрюр.
  • Аллахдан тилесенг, кёб тиле.
  • Айыбны суу бла джууалмазса.
  • Берекет берсин деген джерде, берекет болур.
  • Ауузу бла къуш тута айланады.
  • Чоюнну башы ачыкъ болса, итге уят керекди.
  • Таугъа чыгъаллыкъ эсенг, тюзде къалма.
  • Иесиз малны бёрю ашар.
  • Чомарт къолда мал къалмаз.
  • Ана къойну – балагъа джандет.
  • Эртде тургъан джылкъычыны эркек аты тай табар.
  • Ауурну тюбю бла, дженгилни башы бла джюрюген.
  • Тилчи тилден къаныкъмаз.
  • Ашына кёре табагъы, балына кёре къалагъы.
  • Эки итни арасына сюек атма, эки адамны арасында сёз чыгъарма.
  • Эринчекге кюн узун.
  • Болджал ишни бёрю ашар.
  • Эри аманны, къатыны – аман.
  • Намысы болмагъанны, сыйы болмаз.
  • Аджаллыгъа окъсуз шкок атылыр.
  • Къарнынг тойгъунчу аша да, белинг талгъынчы ишле.
  • Билим къая тешер.
  • Бал – татлы, балдан да бала – татлы.
  • Адамны аты башхача, акъылы да башхады.
  • Джангыз терек къынгыр ёсер.
  • Джылыгъа джылан илешир.
  • Иги джашны ышаны – аз сёлешиб, кёб тынгылар.
  • Уллу къашыкъ эрин джыртар.
  • Ойнай билмеген, оюн бузар.
  • Акъыллы айтыр эди, акъылсыз къоймайды.
  • Джолунга кёре – джюрюшюнг, джагъанга кёре – юлюшюнг.
  • Айраннга суу къош, телиге джол бош.
  • Тойгъан джерге джети къайт.
  • Атлыны ашхысы, ат тизгининден билинир
  • Аурууну келиую тынч, кетиую – къыйын.
  • Сескекли кесин билдирир.
  • Джюрекге ариу – кёзге да ариу.
  • Айтханы чапыракъдан ётмеген.
  • Ишлегенден, къарагъан уста.
  • Джюз элде джюз ёгюзюм болгъандан эсе, джюз джууугъум болсун.
  • Юй ишлеген балта эшикде къалыр.
  • Шекер бла туз – бир болмаз, ушамагъан – юй болмаз.
  • Бозанг болмагъан джерге, къалагъынгы сукъма.
  • Эр абынмай, эл танымаз.
  • Джылкъыдан – ат чыгъар, тукъумдан – джаш чыгъар.
  • Джети тилни билген джети кишиди.
  • Зарда марда джокъ.
  • Киштикге къанат битсе, чыпчыкъ къалмаз эди.

Форум

Форум / Бёлюмле :: Тематические разделы / Санат бла маданият :: Искусство и культура
Страницы: 1
"ХВАСТАТЬ, МИЛАЯ, НЕ СТАНУ", Эти популярные в свое время песни я когда-то перевела на родной язык, может быть с большим юмором, чем в оригиналах. Надеюсь, найдется джигит, который захочет исполнить их. на карачаево-балкарском языке.
 
#1
Джаратама3
19.10.2015 14:06:28 Translit
Наным, аны билиб къой
(Хвастать, милая, не стану)

Сен ариугъа келечи айтмай,
Сансыз озуб кетелмем.
Кесими къаты махтамай,
Муратыма джетелмем.

Бир адамгъа джолукъмазса,
Меннге иги айтмагъан.
Сен бир къызгъа тюбемезсе,
Сукълана, кёз атмагъан.

Мен бурнуму кёкге тагъа
Айланыргъа керегем.
Алай сени кёргенимде...
Джаным чыкъмай ёлгенем.

Бер дей эсенг, мен джанымы
Терк чыгъарыб берейим.
Джюреклени, сюе эсенг,
Ауушдуруб кёрейик.

Сенде джюрек сууукъ болур,
Меники уа кюйдюред.
Сенде сюйюм, аяу салмай,
Тамам къаты сюйдюред.

Кюн да, ай да, джулдузла да
Сени сюй деб туралла.
Джюрегими, кёзюмю да
Сени таба бургъанла.

Айт сёзюнгю тынгылама,
Менден иги кимди, айт!
Келечиге ёлюм джокъду –
Кел мени бла бизге къайт.

Сенсиз джашау джашау тюлдю,
Къачырлыкъма, келмесенг.
"Башханы сюй", - деб ойнама,
Сюйрерикме, тюнгюлсем.

Джюрек отну суу джукълатмайд,
Наным, аны билиб, къой.
Анга дарман джангыз олду –
Бизни юйде барлыкъ той...

Загрузка плеера


(Былайгъа орус джырны кеси салынса, иги боллукъ эди, макъамын билмеген да юренирча)

«СОЛТАН БОЛСАМ ЭД…»
(«Кавказская пленница» фильмде джырны эниклеу)

Юч къатын алырем, болсамед Солтан!
Кёлюме джарагъан – юч сейирлик джан…
Къызыныб, ашыгъыб этмейим палах –
Ненча бла таб болур, о сыйлы Аллах?!
Бир излейме ючню алыргъа,
Бир къоркъама башсыз къалыргъа.

Зульфия халатха итиу урады,
Фатима, ышара, тепси къурады.
Гюлгюлюм тигеди. Меннге уа – хана:
Къанымы ичерле юч къайын ана.
Бир излейме ючню алыргъа,
Бир къоркъама башсыз къалыргъа.

Юч мёлек юч тюрлю тепсеб булджутса!
Хар бийчем хар кюнде ачха тутдурса!..
О, неле айтама?! Тыбырым къурур –
Юч къатын башымы юч джары бурур.
Бир излейме ючню алыргъа,
Бир къоркъама башсыз къалыргъа.

Ючден аз – азды, деб, алайды кёлюм.
Ючден аз алыргъа къыймайды кёзюм.
«Юч къатын юч башлы эмеген болур!» –
Деб кетди тюшюмде бир ариу обур.
Бир излейме ючню алыргъа,
Бир къоркъама башсыз къалыргъа.

Сайлагъан тюлдю тынч юч бла джангыздан –
Атламынг терс болду – тюнгюл джанынгдан.
Оллахи, ант этдир, турсам да кюсей,
Мен болсамед Солтан, къалырем кютей!
Бир излейме ючню алыргъа,
Бир къоркъама башсыз къалыргъа.


 
 
 
#2
Джаратама0
19.10.2015 14:16:12 Translit
Цитата
Айгюль пишет:
Наным, аны билиб къой
"Куплеты Курочкина"!!!))))))))) :emoji106:
Ма шаа Аллах! Бек джаратдым))))))))))

http://muzmix.com/catalog/films/2560/11913 - вот здесь минус и возможность записать)). Это для "широких масс")). А если кто из профессиональных певцов в студии запишет, то тоже с удовольствием послушаем)).
Я самая классная на форуме))))))))))))))
 
 
 
#3
Джаратама2
19.10.2015 14:34:30 Translit
Тамам да келишдиргенсе эгечим, бек джарат дым. Энди эсге салыб джырлаб айланныкъ ма! Сау бол АЙГЮЛЬ!

Кюлме ансы, менда бир зат салаим - орус джырны бизнича. Типа загадки.

Терезе тюбюндеда, чаккъанды ахсыл БИШНЯ))) ,
Чыккъанды толгъан АЙЧЫКъ ой ариуа кекке.
Подругла талай болуб, орамгъа джилгъанла,
Мен да ой кесим джангыз ЭЛЬБАда ойнайма...... Орус тилде макъамын билгенге - без проблем))))))))))))))))))))
COGNOSCE TE IPSUM!
 
 
 
#4
Джаратама0
19.10.2015 14:36:04 Translit
Я самая классная на форуме))))))))))))))
 
 
 
#5
Джаратама0
30.10.2015 11:21:25 Translit
Энтда бир джыр... сюймекликни юсюнден


ГОРИ, ГОРИ, МОЯ ЗВЕЗДА

Джарыт, джарыт, ариу джулдуз,
Сюймекликни нюр джулдузу.
Сенден башха насыб излемей
Ётдюрлюкме джашаууму.

Сюймекликни шам джулдузу,
Ётген кюнню джарыкъ ызы.
Ёмюрлюкге болгъанса, наным,
Джюрегими сукъланч джыры.

Сени нюрюнг тёкген джарыкъ
Джылытады тыбырымы.
Ёлсем да мен, ариу джулдузум,
Джарытырса къабырымы.


Ана тилге "тюшюрген" Байрамукъланы Фатима
 
 
 
#6
Джаратама0
30.10.2015 16:11:42 Translit
"ВЕЧЕРНИЙ ЗВОН" деген аламат джырны эниклей, аны макъамы бла джырларча джазылгъан назму

***
Ингир аяз, ингир аяз,
Сагъышлагъа тартхан аууаз.

Туугъан джуртха элтед эсим –
Тансыкъ джюрек къозгъайд кесин.

Туугъан джуртда мийик тауум,
Балий татыу этген джауум.

Туугъан джуртда ата юйюм,
Ана кёзле, сабий кюнюм.

Туугъан джуртха къайтырем мен,
Келесе деб, тюбесенг сен…

Ингир аяз, ингир аяз,
Сагъышлагъа тартхан аууаз...
 
 
 
Страницы: 1
Читают тему (гостей: 1)

Форум  Мобильный | Стационарный