Расширенный поиск
15 Июня 2026 года
Логин: Регистрация
Пароль: Забыли пароль?
Навигация
Словарь
  • Ашаса, ашамаса да, бёрюню ауузу – къан.
  • Джашны джигитлиги сорулур, къызны джигерлиги сорулур.
  • Келгинчи, къонакъ уялыр, келгенден сора, къонакъбай уялыр.
  • Уллу къазанда бишген эт, чий къалмаз.
  • Гырджын – тепсини тамадасы.
  • Босагъагъа джууукъ орун болса, ашыгъыб тёрге озма.
  • Зар адам ашынгы ашар, кесинги сатар.
  • Ашхы адам – халкъ байлыгъы, ашхы джер – джашау байлыгъы.
  • Къыз тиширыу кеси юйюнде да къонакъды.
  • Кеси юйюмде мен да ханма.
  • Акъыл сабырлыкъ берир.
  • Ышармагъан – кюлмез, кюлмеген – къууанчны билмез.
  • Хар адамгъа кеси миннген тау кибик.
  • Таукел адам тау тешер.
  • Насыблы элин сюер, насыбсыз кесин сюер.
  • Уллу суу бла уллу ауруудан башынгы сакъла.
  • Сабыр джетер муратха, сабырсыз къалыр уятха.
  • Ауругъанны сау билмез, ач къарынны токъ билмез.
  • Айтылгъан буйрукъ, сёгюлмез
  • Эр абынмай, эл танымаз.
  • Ачылгъан эт джабылыр, кёрген кёз унутмаз.
  • Тёзген – тёш ашар!
  • Мени джылытмагъан кюн, меннге тиймесин!
  • Эки къатын алгъан – эки ташны ортасына башын салгъан.
  • Чыбыкълыкъда бюгюлмеген, къазыкълыкъда бюгюлмей эди.
  • Къуллукъчума, деб махтанма, къуллукъ – хаух джамчыды!
  • Биреу ашаб къутулур, биреу джалаб тутулур.
  • Келинин тута билмеген, къул этер, къызын тута билмеген, тул этер.
  • Къолунгдан къуймакъ ашатсанг да, атаны борчундан къутулмазса.
  • Къонакъ хазыр болгъанлыкъгъа, къонакъбай хазыр тюлдю.
  • Арыгъан къош чамчы болур.
  • Кесине гебен этелмеген, биреуге черен эте эди.
  • Ойнаб айтсанг да, эслеб айт.
  • Къарны аманнга къазан такъдырма, къолу аманнга от джакъдырма.
  • Сёз – кюмюш, джыр – алтын.
  • Дженгил джетерикме деб, узун джолну къоюб, къысхасын барма.
  • Айраннга суу къош, телиге джол бош.
  • Бастасын ашагъан, хантусун да ичер.
  • Хансыз джомакъ болмаз.
  • Къайгъыны сюйген, къайгъы табар.
  • Ишге юренсин къоллары, халкъ бла болсун джоллары.
  • Адам къаллай бир ишленмесе, аллай бир кесин уллу кёреди.
  • Кимни – тили, тиши онглу, кимни – къолу, иши онглу.
  • Билимсиз иш бармаз.
  • Сёз садакъдан кючлюдю.
  • Аман киши кеси юйюнде – къонакъ.
  • Къартха ушагъан джаш – акъыллы, джашха ушагъан къарт – тели.
  • Ата – баланы уясы.
  • Аман адамны тепсинге олтуртсанг, къызынгы тилер.
  • Оюмсуз атлагъан, аджалсыз ёлюр.

Форум

Форум / Бёлюмле :: Тематические разделы / Ана тилде :: Ana tilde
Страницы: 1 2 След.
Шо, джамагъат, тюз бир сёлешейик, Келигиз ана тилде сёзлени тюз айтыргъа кюрешейик!
 
#1
Джаратама3
24.04.2013 01:42:21 Translit
Былай тарс деб атылыргъа джетиб джазама, арт кёзюуде бир кёб адам, тилибизни орусча бла къатышдыргъанлары джетмей кесин да бир тюрлю айтханлары джюрек къыйнайды. Джюрек къыйнайды дегеним бошду, былай къулагъымы кесгенча болады. БараМЫСА дер орнуна БАраСАМЫ, КелеСЕМИ, СенСЕМИ, ЧыгъаСАМЫ д. а. к. Шо тилеб айтама, сёлешмегиз алай:(
 
 
 
#2
Джаратама0
24.04.2013 02:15:55 Translit
къарачайлы,

Дагъыда къалай сёлешедиле - бир айт: мен да билмегенлей, Къарачайда бир джангы тил къурала тура эсе уа...
 
 
 
#3
Джаратама0
24.04.2013 13:24:08 Translit
Sabr, да неологизмлерибиз да кёбдю, алай а сёз ючюн кёб джаш адам нг тауушну орусча н айры, г айры айтадыла, джангы дер орнуна джан гы болуб чыгъады. Джангы алфавитни билмейме, алгъынгы нъ харифге къайтсакъ керек болур эди, эшта.
 
 
 
#4
Джаратама1
24.04.2013 14:44:32 Translit
Sabr, Саламалейкум Билял!
къарачайлыны айтханына менда бир эки джангы терс сёз къошайым:
тюзю - терси
сёлешген - шёллешген
сагъыш - шагъыш
биз а- биз а уа
Ушакъ - Ошакъ, Ушаш - Ошаш
болур - болурду , болурла-болурдула
тебреген - тербеген
неме - меме
этемисе? - эте?

(эсиме тюшсе ,энтда къошарма бери)




Цитата
къарачайлы пишет:
алай а сёз ючюн кёб джаш адам нг тауушну орусча н айры, г айры айтадыла, джангы дер орнуна джан гы болуб чыгъады.
"нг" харифни "н" -ча айтханлада бардыла.
Изменено: ALANULAN - 24.04.2013 14:47:28
с УВАЖЕНИЕм !
 
 
 
#5
Джаратама0
24.04.2013 14:44:57 Translit
къарачайлы,

Бары да школда (1-4 классслада) иги окъутмагъанларындан чыгъады.
Н+Г = НГ. Бу затны ингилиз тилде окъусала, тюз айтадыла, не ючюн десенг, окъутхан, ангылатхан этедиле. Ингилиз тилде айталгъан, къарачай тилде нек айталмайды?

5-чи классха дери сабийни тили бурулмаса, артда къыйын болады. Уллу класслада сабийле устазлагъа тынгыларгъа, юренирге да излемейдиле - джашау терсейгенди. "Чыбыкълыкъда бюгюлмеген - къазыкълыкъда бюгюлмез" дегенлейди иш.

Гитче класслада (ал башланнган класслада) тил юретиуге бек къаты болургъа керекди - ол заманда хар не да таб боллукъду.
Алай этилмесе уа - артда кеч болуб къалады.
 
 
 
#6
Джаратама0
24.04.2013 17:45:29 Translit
къарачайлы, хош кел)) Эртдеден бери кёрюнмей эдинг)):браво:
Тюз айтаса, энди хар бирибизнида болушлугъбуз барды - Сёзлюк))))
Верные слова не изящны. Красивые слова не заслуживают доверия. Добрый не красноречив. Красноречивый не добр. Знающий не доказывает, доказывающий не знает. (с) Лао Цзы
 
 
 
#7
Джаратама0
24.04.2013 18:15:12 Translit
ALANULAN, алейкум салам!

Алай сёлешгенле - Малкъарны "Заман" газетинде ишлеяллыкъдыла: анда хар ким сюйгенича джазады...

Тилибизни "бай" болуб баргъанына сейирсине, 1980-чи джылада журналист Лайпанланы Сейит эшитгенлерин джазгъан эди. Анда джаш адамла бир-бирине " пей, нек пей-мейсе?" деб сёлеше эдиле. Адамла аны окъуб, кюлюб айлана эдиле.

Энди киши кюле болмаз...
 
 
 
#8
Джаратама0
24.04.2013 20:43:27 Translit
Sabr, ))кюлдюрдюнг, келсинле, Заманда иш табылыр ) бизни жаныбызда уа сезлени жартыларын айтыб къойгъаннга тюзелиб турадыла. Сез ючюн : келе ,бере ,эте, сюе д.а .з. Аны юсюне уа жаш телю сезледе басымланы жерлери бла алышындырады. Къайгъырырчады! Оноуун этерге керекди кеч болгъунчу!
"Къадарны этегинде...","Сени ючюн"...(с)
 
 
 
#9
Джаратама0
24.04.2013 21:16:30 Translit
Неуловимая, Сау бол:) Сёзлюк ючюн бек уллу ыспас-бюсюреу, бир бек джарайды:гоккачыкъ:
 
 
 
#10
Джаратама0
24.04.2013 21:17:58 Translit
ALANULAN, биз а уа деген терсдими дейсе?:(
 
 
 
#
Джаратама0
  Translit
 
 
 
#11
Джаратама0
24.04.2013 21:19:05 Translit
Къара чачлы, да бизде да бардыла аллайла, бара, келе, ол орусчадан калька болурму деб сагъыш да этгенме, оручада этим бизнича соруу аффикс бла тамамланмайды да.
 
 
 
#12
Джаратама0
24.04.2013 21:20:09 Translit
Шойду - Ушайды, бир къауумла шойду орнуна ушайды деб айтадыла.
 
 
 
#13
Джаратама0
24.04.2013 21:25:43 Translit
Sabr, да хоу, ана тилни окъутууну дараджасы мийикде болмагъаны хакъды. Ол проблема къуру биз бла къалмай, бютеу гитче халкъланы проблемасы болур! Терслик къуру дерследе тюлдю, ата-анадады, ана тилни бюсюремей, джукъгъа санамай къоядыла, сора сабий не школда къаты къадалыб юретмеселе, не юйде - "балам, бу сени ана тилингди хайда окъу" деб къадалмаса, 6-7 джыл болгъан сабийни миллет ангысы джетиб къайдан тырмашсын?

Цитата
Sabr пишет:
Анда джаш адамла бир-бирине " пей, нек пей-мейсе?" деб сёлеше эдиле. Адамла аны окъуб, кюлюб айлана эдиле.
80-чы джыллада орусчагъа алкъын джангы келише башлаб этгендиле аллай хатала, алгъынча тамыры орус, ахыры къарачай этиб кюрешмей, бютеулей да орусча сёлешиб къоядыла:)
Изменено: къарачайлы - 24.04.2013 21:47:42
 
 
 
#14
Джаратама0
27.04.2013 10:44:34 Translit
:усипуси: АЛАМАТ ТЕМА !
 
 
 
#15
Джаратама0
27.04.2013 19:27:37 Translit
Ана тилни унутулуб баргъаны белгилиди. Ол алай нек болуб барады? Ата-ананы ангысызлыгъынданмы? Огъесе школлада устазла ишлерин баджаралмагъанлыкъларынданмы? Мен ангылагъаннга кёре, алайда не ата-ананы, не устазны уллу терслиги джокъду.

Устазланы бек кёбюсю бек кёб школда башха предметледен (къуру ана тил бла ана литература болса уа!) окъутуб да баджармайдыла. Школ окъууну агъачы алгъын замандан бек тюшгенди. Экзаменле, дипломла сатылыб алыннган дунияда устазланы ана тилге (башха предметге да) иги юретмейле деб терслеген дурус иш болмаз.

Сабийни орус тилден, математикадан неда анга кёре магъаналы предметден иги белгиси (оценкасы) болмаса, аннга баш билим алгъан къыйын боллукъду, ишлеген къыйын боллукъду; ана тилин билгени бла билмегенинден а уа аны джашау джолу уллу тюленник тюлдю: профессиясы боллукъду, иши боллукъду (кърал къуллукъ болсун, халкъ мюлк болсун). Бюгюнлюкде къарачай-малкъар тилибиз джамагъат джашауну бир сферасында да адамгъа амалсыз керек болмайды, аны адамгъа керек этген бир закон-джорукъ огъуна джокъду. Тамам тюзюн айтыргъа, ана тилни (иги-аман, аз-кёб болса да) бусагъатха дери шаколлада окъутулгъанын - совет замандан къалгъан анахронизмге санаргъа боллукъду.

Ата-ана эсе сабийин (бусагъатда джангыздан кёб да къураб айланмайла) аннга джашауунда, окъууунда, ишинде керек боллукъ тилге юретирге сюедиле. Аланы аны ючюн терслергеми керекди сора? Ана тилни болумун не ата-ана, не устаз тюрлендиреллик тюлдю. Бютеу гитче европалы миллетлени сынамлары ажымсыз кёргюзтеди: тилни тиргизиу, айнытыу, сакълау - политика ишди, къуру политика адырла болумну тюрлендирелликдиле. Джамагъат джашауну эм аздан бир сферасында закон-джорукъ бла амалсыз халгъа келтирилмесе, тилни келеджеги боллукъ тюлдю...
 
 
 
#16
Джаратама0
29.04.2013 02:02:06 Translit
Цитата
къарачайлы пишет:
БараМЫСА дер орнуна БАраСАМЫ, КелеСЕМИ, СенСЕМИ, ЧыгъаСАМЫ д. а. к.
Болгарские турки как раз так и говорят, билеСЕМИ, чыгъАСАМЫ.. может и это верно)?
 
 
 
#17
Джаратама0
29.04.2013 02:38:45 Translit
Цитата
Albert пишет:
Цитата
къарачайлы пишет:
БараМЫСА дер орнуна БАраСАМЫ, КелеСЕМИ, СенСЕМИ, ЧыгъаСАМЫ д. а. к.
Болгарские турки как раз так и говорят, билеСЕМИ, чыгъАСАМЫ.. может и это верно)?
бизде алай селешгенле бла аланы бир тамырлары болургъа боллукъдуму?

Альберт, открыть бы тебе тему "Потомки и предки Алан"? Менича ол хапарны излегенле кёб болурла, бек сюйюб окъуб турлукъ эдик! Бир этсенг а уа алай?
WE WERE BORN TO SHINE
*Чистые помыслы - добрые дела*

 
 
 
#18
Джаратама0
29.04.2013 02:43:38 Translit
Цитата
КёлКёз пишет:
боллукъдуму?
:гыы::гыы::гыы:
ма санга)
WE WERE BORN TO SHINE
*Чистые помыслы - добрые дела*

 
 
 
#19
Джаратама0
29.04.2013 13:25:29 Translit
Цитата
КёлКёз пишет:
бизде алай селешгенле бла аланы бир тамырлары болургъа боллукъдуму?

Альберт, открыть бы тебе тему "Потомки и предки Алан"? Менича ол хапарны излегенле кёб болурла, бек сюйюб окъуб турлукъ эдик! Бир этсенг а уа алай?
Тамырыбыз бир болгъанына ишегим джокъду:) Они даже антропологически очень близки нам)

По поводу открытия темы, интересная идея) Аллах айтса ачарма бир кесек замандан))
 
 
 
#20
Джаратама0
29.04.2013 14:24:20 Translit
Цитата
Albert пишет:
Цитата
къарачайлы пишет:
БараМЫСА дер орнуна БАраСАМЫ, КелеСЕМИ, СенСЕМИ, ЧыгъаСАМЫ д. а. к.
Болгарские турки как раз так и говорят, билеСЕМИ, чыгъАСАМЫ.. может и это верно)?
Ну вариации могут быть разные, литературный то язык у нас один, и эта форма у нас не всплывшая случайно память предков, а обычная неграммотность
 
 
 
#21
Джаратама1
29.04.2013 15:50:51 Translit
"Эльбрусоидчиле" кёп зат сизни къолугъуздады. Темаланы жарымын къарачай-малкъар тилде бардырсагъыз (аллай онгугъуз а барды) тилибизни айнытыуда уллу иш этерик эдигиз. Бу акъыл айтыла-айтыла турады, этилмейди ансы.
Хау, орус тилге тюзелгенле алгъа къыйынсынып жазарыкъдыла, алай ана тилге къайтышхан бир бирле суннганча къыйын тюйюлдю.
"Дуния былай турмаз!"
 
 
 
#22
Джаратама0
29.04.2013 23:01:37 Translit
Цитата
къарачайлы пишет:
Ну вариации могут быть разные, литературный то язык у нас один, и эта форма у нас не всплывшая случайно память предков, а обычная неграммотность
Согласен, литературный язык один и так говорить, будет правильнее.. это имеет интерес возможно с исторический точки зрения..
 
 
 
#23
Джаратама0
04.05.2013 01:21:28 Translit
Бюгюн да эсиме n.il. - мурсагъа къумурсха дегенле кёбдюле, эллиге - эллю)))
 
 
 
#24
Джаратама0
04.05.2013 23:54:51 Translit
Цитата
къарачайлы пишет:
Шойду - Ушайды, бир къауумла шойду орнуна ушайды деб айтадыла.
Ашыкъмаикъ!
1 -- алай шойду(?) = Так же (уверенное полувопросительное утверждение).
2 -- алай ушайды? = Ну так же? (вопросительное предположение).

Цитата
Albert пишет:
Болгарские турки как раз так и говорят, билеСЕМИ, чыгъАСАМЫ.. может и это верно)?
Всякие формы не препятствующие однозначной(В ГЛАВНОМ СМЫСЛЕ) трактовке должны сохраниться, а все

что разница меж ними - это оттенки языка(т.е. её богатство, нюансы события).

Цитата
къарачайлы пишет:
Ну вариации могут быть разные, литературный то язык у нас один, и эта форма у нас не всплывшая случайно память предков, а обычная неграммотность


А почему нет? Хазарланы, аланланы, куманланы туудукълары эсебиз? Например с детства знаю три варианта слова "влезть" на...),
а именно -- мим, мин, им. Сам же говорил: "МИН". Причисляют нас также к потомкам гуннов. Но есть историческое свидетельство
что и немало АВАР ушло на северный кавказ спустя 300-400 лет после гуннов (года три(?) назад в поезде мск-мин.в. РЖД вносила
свою лепту в антикавказскую истерию -- по местному радио передавали отрывки какой-то летописи, что авары запрягали в
телеги славянских девушек и разъезжали по деревне. ...., а потом они ушли куда-то на северный кавказ.). Все эти племена
были тюркоязычными, а тогда почему бы и нет?
 
 
 
#25
Джаратама0
06.05.2013 15:08:35 Translit
Цитата
къарачайлы пишет:
Шойду - Ушайды, бир къауумла шойду орнуна ушайды деб айтадыла.
алай айтылса терс боламыды?



Цитата
къарачайлы пишет:
Бюгюн да эсиме n.il. - мурсагъа къумурсха дегенле кёбдюле

муну уа тюзелтген бек къыйын боллукъду, бек кёб адам, гитчелигибизден алай юреннгенбиз, къумурсха деген къамжакъгъа уа джюджю)) къатынгдагъы бла сёлешсенг англарыкъ огъуна тюлдюле
 
 
 
#
Джаратама0
  Translit
 
 
 
#26
Джаратама2
06.05.2013 16:11:17 Translit
Цитата
къарачайлы пишет:
Шойду - Ушайды, бир къауумла шойду орнуна ушайды деб айтадыла.
"Ушайды" дегенде чырт терслиги джокъду. Биринчи ушайды деб айтылгъанды, артдан "ушайды" "шойду"-гъа тюрленгенди.
 
 
 
#27
Джаратама0
06.05.2013 16:22:18 Translit
Цитата
Барисбий пишет:
"Ушайды" дегенде чырт терслиги джокъду. Биринчи ушайды деб айтылгъанды, артдан "ушайды" "шойду"-гъа тюрленгенди.
:alamat:
 
 
 
#28
Джаратама0
06.05.2013 23:59:35 Translit
Ну вариации могут быть разные, литературный то язык у нас один, и эта форма у нас не всплывшая случайно память предков, а обычная неграммотность.

"Ну, вариации могут быть разные, литературный-то язык у нас один, и эта форма у нас - не всплывшая случайно память предков, а обычная неграМотность" - так будет грамотней.
 
 
 
#29
Джаратама0
07.05.2013 00:12:56 Translit
Цитата
Барисбий пишет:
Цитата
къарачайлы пишет:
Шойду - Ушайды, бир къауумла шойду орнуна ушайды деб айтадыла.
"Ушайды" дегенде чырт терслиги джокъду. Биринчи ушайды деб айтылгъанды, артдан "ушайды" "шойду"-гъа тюрленгенди.
Мени сартын терсди, тамыры бир болургъа болур, бир сёз бир сёзден къуралыргъа да болур, алай а магъаналары бираз башхаракъды. Аны ючюн ушайды- шойду болгъанды!!!
 
 
 
#30
Джаратама0
07.05.2013 00:55:09 Translit
Цитата
къарачайлы пишет: Мени сартын терсди, тамыры бир болургъа болур, бир сёз бир сёзден къуралыргъа да болур, алай а магъаналары бираз башхаракъды. Аны ючюн ушайды- шойду болгъанды!!!
Бирди магъаналары. Алай болса да "ушайды"-ны "ушатыргъа" этим (глагол) бла тамыры бирди. "Шойду"-ну уа бир этим бла келишдиралмайса, джокъду аллай."Шойдургъа" деб сёз джокъ ушайды?! Нек десенг, шойду ушайдыны джангы тюрленген формады.
 
 
 
Страницы: 1 2 След.
Читают тему (гостей: 1)

Форум  Мобильный | Стационарный