Расширенный поиск
1 Мая 2026 года
Логин: Регистрация
Пароль: Забыли пароль?
Навигация
Словарь
  • Аш берме да, къаш бер.
  • Ётюрюкню къуйругъу – бир тутум.
  • Аш хазыр болса, иш харам болур.
  • Ач да бол, токъ да бол – намысынга бек бол.
  • Арыгъан къош чамчы болур.
  • Ариу – кёзге, акъыл – джюрекге.
  • Бал ашаргъа сюе эсенг, чибин ургъаннга тёз.
  • Билеги кючлю, бирни джыгъар, билими кючлю, мингни джыгъар.
  • Кёб джат да, бек чаб.
  • Иги – алгъыш этер, аман – къаргъыш этер.
  • Арбаз къынгырды да, ийнек сауалмайма.
  • От кюйдюрген, сау болса да, тот кюйдюрген, сау болмаз.
  • Ариу сёз – джаннга азыкъ, аман сёз – башха къазыкъ.
  • Аман эсирсе, юйюн ояр.
  • Рысхысына кёре, джаш ёсер, къышлыгъына кёре, мал ёсер.
  • Мухарны эси – ашарыкъда.
  • Ашлыкъны арба юйге келтирир, чана базаргъа элтир.
  • Ёксюзню тилеги къабыл болур.
  • Тешик этген тынчды, аны джамагъан къыйынды.
  • Ёлген эшек бёрюден къоркъмайды.
  • Мал ёлсе, сюек къалыр, адам ёлсе, иши къалыр.
  • Алтыда кюлмеген, алтмышда кюлмез.
  • Чомартны къолу берекет.
  • Джашда акъыл джокъ, къартда къарыу джокъ.
  • Къартны сыйын кёрмеген, къартлыгъында сыйлы болмаз.
  • Мадар болса, къадар болур.
  • Ауузу бла къуш тута айланады.
  • Ачлыкъ отха секиртир.
  • Миллетни бойну – базыкъ, аны бла кюрешген – джазыкъ.
  • Кенгеш болса, уруш болмаз.
  • Адеб джокъда, намыс джокъ.
  • Аман адам элни бир-бирине джау этер.
  • Кийиминг бла танылма, адамлыкъ бла таныл.
  • Мал кёб болса, джууукъ кёб болур.
  • Тилде сюек болмаса да, сюек сындырыр.
  • Намыс болмагъан джерде, насыб болмаз.
  • Кюлме джашха – келир башха.
  • Баргъанынга кёре болур келгенинг.
  • Ата Джуртча джер болмаз, туугъан элча эл болмаз.
  • Ётюрюкден тюбю джокъ, кёлтюрюрге джиби джокъ.
  • Адам къаллай бир ишленмесе, аллай бир кесин уллу кёреди.
  • Чакъырылмагъан джерге барма, чакъырылгъан джерден къалма.
  • Уллу сёлешме да, уллу къаб.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Чомартха хар кюн да байрамды.
  • Адебсиз адам – джюгенсиз ат.
  • Ёксюзню къалачы уллу кёрюнюр.
  • Орундукъ тюбюнде атылсам да, орта джиликме, де да айлан.
  • Къуру гыбыт бек дыгъырдар.
  • Бетинги сатма, малынгы сат.