Расширенный поиск
21 Июня 2026 года
Логин: Регистрация
Пароль: Забыли пароль?
Навигация
Словарь
  • Уллу атлама – абынырса, уллу къабма – къарылырса.
  • Бойнуму джети джерден кессенг да, мен ол ишни этеллик тюлме.
  • Тамчы таш тешер.
  • Кирсизни – саны таза, халалны – къаны таза.
  • Кеси юйюмде мен да ханма.
  • Нафысынгы айтханын этме, намысынгы айтханын эт.
  • Джаш къарыу бла кючлю, къарт акъыл бла кючлю.
  • Тенгни тенглиги джашай барсанг билинир.
  • Гитче джилтин уллу элни джандырыр.
  • Чакъырылмагъан джерге барма, чакъырылгъан джерден къалма.
  • Адамны бетине къарама, адетине къара.
  • Кёбню кёрген – кёб билир.
  • Эрине къаргъыш этген къатын, эрнин къабар.
  • Эллинг бла джау болсанг да, юйюнг бла джау болма.
  • Ёмюрлюк шохлукъну джел элтмез.
  • Къартны сыйын кёрмеген, къартлыгъында сыйлы болмаз.
  • Чабакъгъа акъыл, табагъа тюшсе келеди.
  • Ханнга да келеди хариблик.
  • Биреуню эскиси биреуге джангы болмайды.
  • Ач – эснер, ат – кишнер.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Дуния малгъа сатылма, кесингден телиге къатылма.
  • Къозулугъунда тоймагъан, къойлугъунда тоймаз.
  • Чакъырылмай келген къонакъ сыйланмай кетер.
  • Джетген къыз джерли эшекни танымаз.
  • Ойнай билмеген, уруб къачар.
  • Баргъанынга кёре болур келгенинг.
  • Бек ашыкъгъан меннге джетсин, дегенди аракъы.
  • Сёз – кюмюш, джыр – алтын.
  • Накъырда – кертини келечиси.
  • Юре билмеген ит, къонакъ келтирир.
  • Эртде тургъан бла эртде юйленнген сокъуранмаз.
  • Хоншуну тауугъу къаз кёрюнюр, келини къыз кёрюнюр.
  • Айран тёгюлсе, джугъусу къалыр.
  • Кёзюнде тереги болгъан, чёбю болгъаннга кюле эди.
  • Кёлсюзден сёзсюз тууар.
  • Адеби болмагъан къыз – тузсуз хант.
  • Ашын ашагъанынгы, башын да сыйла.
  • Рысхы – сют юсюнде кёмюк кибикди.
  • Тойну къарнашы – харс, джырны къарнашы – эжиу.
  • Байлыкъдан саулукъ ашхыды.
  • Татлы тилде – сёз ариу, чемер къолда – иш ариу.
  • Атлыны кёрсе, джаяуну буту талыр.
  • Тёрени джагъы джокъ.
  • Хатерли къул болур.
  • От этилмеген джерден тютюн чыкъмайды.
  • Къонакъны къачан кетерин сорма, къачан келлигин сор.
  • Ач отунчуну ачыуу – бурнунда.
  • Уллу къашыкъ эрин джыртар.
  • Ышармагъан – кюлмез, кюлмеген – къууанчны билмез.