Расширенный поиск
11 Октября 2025 года
Логин: Регистрация
Пароль: Забыли пароль?
Навигация
Словарь
  • Тик ёргени, тик энгишгеси да болады.
  • Орундукъ тюбюнде атылсам да, орта джиликме, де да айлан.
  • Таш бла ургъанны, аш бла ур.
  • Эшекни не къадар тюйсенг да, ат болмаз.
  • Адамны сабийин сюйген джюреги, бычакъча, джитиди.
  • Къыз тиширыу кеси юйюнде да къонакъды.
  • Джукъу тёшек сайламайды.
  • Адеб базарда сатылмаз.
  • Тилде сюек болмаса да, сюек сындырыр.
  • Джетген къыз джерли эшекни танымаз.
  • Кийимни бир кюнню аясанг, минг кюннге джарар.
  • Джашда акъыл джокъ, къартда къарыу джокъ.
  • Тёгюлген тюгел джыйылмайды.
  • Огъурлуну сёзю – суу, огъурсузну сёзю – уу.
  • Аманны къуугъан, аманлыкъ табар.
  • Намыс болмагъан джерде, насыб болмаз.
  • Хансыз джомакъ болмаз.
  • Таукелге нюр джауар.
  • Билеги кючлю, бирни джыгъар, билими кючлю, мингни джыгъар.
  • Зар адамны насыбы болмаз.
  • Рысхы – насыбха къор.
  • Джахил болса анасы, не билликди баласы?
  • Ашлыкъ – бюртюкден, джюн – тюкден.
  • Нафысынгы айтханын этме, намысынгы айтханын эт.
  • Сакъалы текени да бар, мыйыгъы киштикни да бар.
  • Ата джурт – алтын бешик.
  • «Ма», - дегенни билмесенг, «бер», - дегенни билмезсе.
  • Бетинги сатма, малынгы сат.
  • Ашхы – джыяр, аман – джояр.
  • Ёзденликни джайгъан – джокълукъ.
  • Тамбла алтындан бюгюн багъыр ашхы.
  • Тынгылагъан тынгы бузар.
  • Джерни букъусу кёкге къонмаз.
  • Бал чибинни ургъаны – ачы, балы – татлы.
  • Бастасын ашагъан, хантусун да ичер.
  • Эртде тургъан джылкъычыны эркек аты тай табар.
  • Тилчи тилден къаныкъмаз.
  • Ариу сёз – джаннга азыкъ, аман сёз – башха къазыкъ.
  • Тойгъан антын унутур.
  • Тюз сёз баргъан сууну тыяр.
  • Эки ойлашыб, бир сёлешген.
  • Адам туугъан джеринде, ит тойгъан джеринде.
  • Адамны джюреги нени кёрюрге сюйсе, кёзю да аны кёрюрге ёч болады.
  • Чакъырылмагъан къонакъ тёрге атламаз.
  • Къалгъан ишге къар джауар.
  • Игини сыйлагъан адетди.
  • Кимни – тили, тиши онглу, кимни – къолу, иши онглу.
  • Болджал ишни бёрю ашар.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Акъыллы башны – тили къысха.

Статьи

Статьи: культура, история, современность

Случайные Лучшие Рекомендуемые

Новые статьи

следующие 5 предыдущие 5

Популярные

за неделю за месяц

Последние комментарии