Расширенный поиск
3 Января 2026 года
Логин: Регистрация
Пароль: Забыли пароль?
Навигация
Словарь
  • Бети бедерден, намыс сакълама.
  • Бичгенде ашыкъма, тикгенде ашыкъ.
  • Хантына кёре тузу, юйюне кёре къызы.
  • Аманны къуугъан, аманлыкъ табар.
  • Аманны эки битли тону болур, бирин сеннге кийдирир, бирин кеси киер.
  • Сууда джау джокъ, кёб сёзде магъана джокъ.
  • Магъанасыз сёз – тауушсуз сыбызгъы.
  • Халкъны джырын джырласанг, халкъ санга эжиу этер.
  • Ашхы атаны – джашы ашхы, ашхы ананы – къызы ашхы.
  • Чомарт бергенин айтмаз.
  • Арбаз къынгырды да, ийнек сауалмайма.
  • Кёб ант этген, кёб ётюрюк айтыр.
  • Кёкдеги болмаса, джердегин кёрмейди.
  • Мал ёлсе, сюек къалыр, адам ёлсе, иши къалыр.
  • Эли джокъну – кёлю джокъ.
  • Эркишини аманы тиширыуну джылатыр.
  • Ёлген эшек бёрюден къоркъмайды.
  • Дууулдаса – бал чибин, къонса – къара чибин.
  • Абынмазлыкъ аякъ джокъ, джангылмазлыкъ джаякъ джокъ.
  • Кимни – тили, тиши онглу, кимни – къолу, иши онглу.
  • Билген билмегенни юретген адетди.
  • Ана къолу ачытмаз.
  • Агъач – джерни чырайы, кийим – эрни чырайы.
  • Башланнган иш битер, къымылдагъан тиш тюшер.
  • Аман эсирсе, юйюн ояр.
  • Кюн кёрмеген, кюн кёрсе, кюндюз чыракъ джандырыр.
  • Мухарны эси – ашарыкъда.
  • Тойгъа алгъа да барма, тойда артха да къалма.
  • Булут кёкге джарашыу, уят бетге джарашыу.
  • Сёз – кюмюш, джыр – алтын.
  • Билимден уллу байлыкъ джокъду.
  • Дуния аламаты сен эсенг да, игиме деб айтма.
  • Суугъа – чабакъ, къаягъа – ыргъакъ.
  • Чомарт джарлы болмаз.
  • Гугурук къычырмаса да, тангны атары къалмаз.
  • Экиндини кеч къылсанг, чабыб джетер ашхам.
  • Ана кёлю – балада, бала кёлю – талада.
  • Оюмсуз атлагъан, аджалсыз ёлюр.
  • Ат басханны джер билед.
  • Къууут – джелге, берне – бошха.
  • Татлы сёз – балдан татлы.
  • Джолунга кёре – джюрюшюнг, джагъанга кёре – юлюшюнг.
  • Джангызны оту джарыкъ джанмаз!
  • Кёзден кетген, кёлден да кетеди.
  • Урама да – ёледи, сатама да – келеди.
  • Малны кют, джерни тюрт.
  • Ашха уста, юйюнде болсун
  • Иги сёз – джаннга азыкъ, аман сёз башха – къазыкъ.
  • Рысхысына кёре, джаш ёсер, къышлыгъына кёре, мал ёсер.
  • Сёз садакъдан кючлюдю.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии