Расширенный поиск
11 Декабря 2025 года
Логин: Регистрация
Пароль: Забыли пароль?
Навигация
Словарь
  • Келинин тута билмеген, къул этер, къызын тута билмеген, тул этер.
  • Аш хазыр болса, иш харам болур.
  • Ашхы болсанг, атынг чыгъар, аман болсанг, джанынг чыгъар.
  • Тиширыусуз юй – отсуз от джагъа.
  • Джюрекден джюрекге джол барды.
  • Джигер – джаннга къыйынлыкъ.
  • Айран тёгюлсе, джугъусу къалыр.
  • Къатын къылыкъсыз, эр тынчлыкъсыз.
  • Танг атмайма десе да, кюн къоярыкъ тюйюлдю.
  • Хазыр ашха – терен къашыкъ.
  • Ач – эснер, ат – кишнер.
  • Окъугъанны бети джарыкъ.
  • Агъач халкъгъа алтынды, иссиликге салкъынды.
  • Орну джокъну – сыйы джокъ.
  • Туз, гырджын аша, тюзлюк бла джаша.
  • Миллетни бойну – базыкъ, аны бла кюрешген – джазыкъ.
  • Адам сёзюнден белгили.
  • Ат да турмайды бир териде.
  • Бир абыннган – минг сюрюнюр.
  • Элиб деген, элге болушур.
  • Тилчиден кери бол.
  • Эл элде бирер малынг болгъандан эсе, бирер тенгинг болсун.
  • Арбаз сайлама да, хоншу сайла.
  • Ауузу аманнга «иги», деме.
  • Айран ичген – къутулду, джугъусун джалагъан – тутулду.
  • Сютден ауузу кюйген, суугъа юфгюре эди.
  • Ёзденликни кёбю ётюрюк.
  • Окъуусуз билим – джокъ, билимсиз кюнюнг – джокъ.
  • Тёрени джагъы джокъ.
  • Магъанасыз сёз – тауушсуз сыбызгъы.
  • Илму – джашауну джолу.
  • Джангыз терек къынгыр ёсер.
  • Нёгерсизни джолу узун.
  • Тюзню ётмеги тюзде къалса да, тас болмаз.
  • Ашыкъгъанны этеги бутуна чырмалыр.
  • Акъыллы эркиши атын махтар, акъылсыз эркиши къатынын махтар.
  • Сёз сёзню айтдырыр.
  • Эте билген, этген этеди, эте билмеген, юретген этеди!
  • Шапа кёб болса, аш татымсыз болур.
  • Башы джабылгъан челекге, кир тюшмез.
  • Ишин билген, аны сыйын чыгъарады.
  • Тили узунну, намысы – къысха.
  • Эрни эр этерик да, къара джер этерик да, тиширыуду.
  • Билимсиз иш бармаз.
  • Суу ичген шауданынга тюкюрме.
  • Ёзденликни джайгъан – джокълукъ.
  • Къралынгы – душмандан, башынгы от бла суудан сакъла.
  • Мен да «сен», дейме, сен да «кесим», дейсе.
  • Кёзню ачылгъаны – иги, ауузну джабылгъаны – иги.
  • Арбаз къынгырды да, ийнек сауалмайма.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии