Песен: 4 Создан:
29.01.2018 Обновлен:
29.01.2018
| 30 Мая | 2026 года |
Навигация
- Аман къатын сабий табса, бий болур…
- Азыгъы аз, алгъа къабар, аты аман, алгъа чабар.
- Ишин билген, аны сыйын чыгъарады.
- Тойгъандан сора, ашны сёкме.
- Ариу джол аджал келтирмез.
- Къарнынг ауруса, ауузунгу тый
- Ачылгъан эт джабылыр, кёрген кёз унутмаз.
- Окъуусуз билим – джокъ, билимсиз кюнюнг – джокъ.
- Баргъанынга кёре болур келгенинг.
- Тура эдим джата, къайдан чыкъды хата?
- Джаханимни кёрмей, джандетге кёл салмазса.
- «Ма», - дегенни билмесенг, «бер», - дегенни билмезсе.
- Кютгени беш эчки, сызгъыргъаны уа, джерни джарады.
- Эртде тургъан бла эртде юйленнген сокъуранмаз.
- Алма терегинден кери кетмез.
- Башланнган иш битер, къымылдагъан тиш тюшер.
- Ауругъаннга – кийик саулукъ, джетген къызгъа – чилле джаулукъ.
- Алгъанда – джууукъ, бергенде – джау.
- Ёксюзню тилеги къабыл болур.
- Аман къатын алгъан, арыр, иги къатын алгъан джарыр.
- Тюзню ётмеги тюзде къалса да, тас болмаз.
- Байлыкъ адамны сокъур этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Джол бла сёзню къыйыры джокъ.
- Къалгъан ишге къар джауар.
- Сыфатында болмагъаны, суратында болмаз.
- Бюгюн дуния кибик, тамбла ахыратды.
- Телиге акъыл салгъандан эсе, ёлгеннге джан салырса.
- Ариу сёз джыланны орнундан чыгъарыр.
- Тамырсыз терекге таянма – джыгъылырса.
- Ёлген эшек бёрюден къоркъмайды.
- Эллинг бла джау болсанг да, юйюнг бла джау болма.
- Кёб джашагъан – кёб билир.
- Иги джашны ышаны – аз сёлешиб, кёб тынгылар.
- Бал ашаргъа сюе эсенг, чибин ургъаннга тёз.
- Аман киши кеси юйюнде – къонакъ.
- Уллу атлама – абынырса, уллу къабма – къарылырса.
- Магъанасыз сёз – тауушсуз сыбызгъы.
- Къызны минг тилер, бир алыр.
- Терек ауса, отунчу – кёб.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ач келгенни – тойдур, кеч келгенни – къондур.
- Къолу уллу – асыу, аягъы уллу – джарсыу.
- Чомарт къолда мал къалмаз.
- Суугъа – чабакъ, къаягъа – ыргъакъ.
- Эки къатын алгъан – эки ташны ортасына башын салгъан.
- Къуру гыбыт бек дыгъырдар.
- Байлыкъ тауусулур, билим тауусулмаз.
- Иги адам абынса да, джангылмаз.
- Хар сёзню орну барды.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
