Аудио :: Аудио:: «Эртде-Эртде…»

Къуру гыбыт бек дыгъырдар.
Баланы адам этген анады.
Ёлюк кебинсиз къалмаз.
Къартны бурнун сюрт да, оноугъа тут.
Къонакъ аман болса, къонакъбай джунчур
Билимсиз иш бармаз.
Ач къарным, тынч къулагъым.
Алтыда кюлмеген, алтмышда кюлмез.
Окъдан джара эртде-кеч болса да бителир, сёз джара, ёмюрге къалыр.
Джашынгы кесинг юретмесенг, джашау юретир.
Тили узунну, намысы – къысха.
Агъач халкъгъа алтынды, иссиликге салкъынды.
Башы ишлегенни, ауузу да ишлер.
Чалманны аллы къалай башланса, арты да алай барады.
Къонакъ болсанг, ийнакъ бол.
Сибиртки да сыйлы болду, кюрек да кюнлю болду.
Хоншуну тауугъу къаз кёрюнюр, келини къыз кёрюнюр.
Айтхан – тынч, этген – къыйын.
Къаллай салам берсенг, аллай джууаб алырса.
Аз сёлешген, къайгъысыз турур.
Уллу айтханны этмеген – уллаймаз.
Гугурук къычырмаса да, тангны атары къалмаз.
Ана къолу ачытмаз.
Биреуню эскиси биреуге джангы болмайды.
От этилмеген джерден тютюн чыкъмайды.
Къыйынлы джети элге оноу этер.
Накъырданы арты керти болур.
Керек ташны ауурлугъу джокъ.
Ашын ашагъанынгы, башын да сыйла.
Ауругъанны сау билмез, ач къарынны токъ билмез.
Къызын тута билмеген, тул этер, джашын тута билмеген, къул этер.
Адеб джокъда, намыс джокъ.
Кеси юйюмде мен да ханма.
Къазанчы аман болса, къазаны къайнамаз.
Баш – акъыл ючюн, акъылман – халкъ ючюн.
Юйлю уругъа ит чабмаз.
Этни да ашады, бетни да ашады.
Ач – эснер, ат – кишнер.
Ашда – бёрю, ишде – ёлю.
Къолунгдан къуймакъ ашатсанг да, атаны борчундан къутулмазса.
Сескекли кесин билдирир.
Насыб бютеу халкъны юлюшюдю.
Джюрек кёзден алгъа кёрюр.
Къарын къуру болса, джюрек уру болур.
Ётген ёмюр – акъгъан суу.
Къанны къан бла джуума, аманны аман бла къуума.
Кёл – къызбай, къол – батыр.
Иги адамны бир сёзю эки болмаз.
Къыйынлы джети элни къайгъысын этер.
Байны оноуу, джарлыгъа джарамаз.

Логин:	Регистрация

Пароль:	Забыли пароль?

Запомнить меня

Аудио

«Эртде-Эртде…»

Скачать

Адрес