Аудио :: Аудио:: Радиоспектакли / Teatr oyunları

Элге къуллукъ этмеген, элге ие болмаз.
Суугъа – таянма, джаугъа – ийнанма.
Намыс сатылыб алынмайды.
Кюн – узун, ёмюр – къысха.
Ёмюрлюк шохлукъну джел элтмез.
Бир абыннган – минг сюрюнюр.
Кёзню ачылгъаны – иги, ауузну джабылгъаны – иги.
Тура эдим джата, къайдан чыкъды хата?
Ишленмеген джаш – джюгенсиз ат, ишленмеген къыз – тузсуз хант.
Суу да къайтады чыкъгъан джерине.
Эки итни арасына сюек атма, эки адамны арасында сёз чыгъарма.
Байма, деб да, къууанма, джарлыма, деб да, джылама.
Таукелге нюр джауар.
Ариу джол аджал келтирмез.
Аллахдан тилесенг, кёб тиле.
Киштикге къанат битсе, чыпчыкъ къалмаз эди.
Зар адамны насыбы болмаз.
Тойгъанлыкъ къойгъа джарашады.
От этилмеген джерден тютюн чыкъмайды.
Халкъны юйю – туугъан джери.
Азыгъы аз, алгъа къабар, аты аман, алгъа чабар.
Таула не мийик болсала да, аууш табылыр.
Огъурлуну сёзю – суу, огъурсузну сёзю – уу.
Уллу айтханны этмеген – уллаймаз.
Алгъанда – джууукъ, бергенде – джау.
Джаш къарыу бла кючлю, къарт акъыл бла кючлю.
Аман адам этегингден тутса, кес да къач.
Байны къызы баймакъ болса да, юйде къалмаз!
Ишин билген, аны сыйын чыгъарады.
Джыланны къуйругъундан басарынг келсе, аны башы болгъанын унутма.
Адебсиз адам – джюгенсиз ат.
Билмейме деген – бир сёз
Къоркъакъны кёзю экили кёрюр.
Сибиртки да сыйлы болду, кюрек да кюнлю болду.
Аман эсирсе, юйюн ояр.
Ишлемеген – тишлемез.
Ач уят къоймаз.
Бек анасы джыламаз.
Билим ат болуб да чабар, къуш болуб да учар.
Шекер бла туз – бир болмаз, ушамагъан – юй болмаз.
Керилген да, ургъан кибикди.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Акъдан къара болмаз.
Мал тутхан – май джалар.
Кёбге таш атма.
Сабий кёргенин унутмаз.
Кечеси – аяз, кюню – къыш, джарлы къаргъагъа бир аш тюш!
Олтуруб кёрюнмей эди да, ёрге туруб кёрюне эди.
Эшекге миннген – биринчи айыб, андан джыгъылгъан – экинчи айыб.
Иги адам абынса да, джангылмаз.

Логин:	Регистрация

Пароль:	Забыли пароль?

Запомнить меня

Аудио

Радиоспектакли / Teatr oyunları

Скачать

Адрес