- Акъыл сабырлыкъ берир.
- Ойнаб айтсанг да, эслеб айт.
- Тойчу джашха къарама, къойчу джашха къара.
- Дуния малгъа сатылма, кесингден телиге къатылма.
- Къартны сыйын кёрмеген, къартлыгъында сыйлы болмаз.
- Билим къая тешер.
- Этек чакъмакълары баш джаргъан, сёлешген сёзлери таш джаргъан.
- Джюз элде джюз ёгюзюм болгъандан эсе, джюз джууугъум болсун.
- Тин – байлыгъынг, терен саулугъунг.
- Эшекге миннген – биринчи айыб, андан джыгъылгъан – экинчи айыб.
- Джангыз терек къынгыр ёсер.
- Ашхы атаны – джашы ашхы, ашхы ананы – къызы ашхы.
- Джарлы эскисин джамаса, къууаныр.
- Тилчи тилден къаныкъмаз.
- Джарашыу сюйген – джалынчакъ.
- Ёпкелегенни ашы татлы болады.
- Къатын къылыкъсыз, эр тынчлыкъсыз.
- Къарт айтханны этмеген, къартаймаз.
- Бал чибинни ургъаны – ачы, балы – татлы.
- Сакъ юйюне сау барыр.
- Ёгюзню мюйюзюнден тутадыла, адамны сёзюнден тутадыла.
- Мал кёб болса, джууукъ кёб болур.
- Эл элде бирер малынг болгъандан эсе, бирер тенгинг болсун.
- Мураты болгъанны джюрек тебюую башхады.
- Арпа, будай – ащды, алтын, кюмюш а – ташды.
- Бир абыннган – минг сюрюнюр.
- Джукъу тёшек сайламайды.
- Эркишини аманы тиширыуну джылатыр.
- Тёрдеги кюлсе, эшикдеги ышарыр.
- Огъурлуну сёзю – суу, огъурсузну сёзю – уу.
- Этим кетсе да, сюегим къалыр.
- Кюн кёрмеген, кюн кёрсе, кюндюз чыракъ джандырыр.
- Аз айтсам, кёб ангылагъыз.
- Адамны аманы адамны бети бла ойнар.
- Эки элинги тыйсанг, джети элде махталырса.
- Ачлыкъ отха секиртир.
- Адамгъа аман кюн соруб келмейди.
- Джети тилни билген джети кишиди.
- Босагъа таш юйге кирмей эди, тыбыр таш эшикге чыкъмай эди.
- Джаралыны джастыгъында сау ёлюр.
- Окъугъан озар, окъумагъан тозар.
- Къыйынлы джети элни къайгъысын этер.
- Таукел адам тау тешер.
- Ишин билген, аны сыйын чыгъарады.
- Бетинги сатма, малынгы сат.
- Тойгъандан сора, ашны сёкме.
- Аман къатын алгъан, арыр, иги къатын алгъан джарыр.
- Сангырау къулакъ эл бузар.
- Башы ишлегенни, ауузу да ишлер.
- От этилмеген джерден тютюн чыкъмайды.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)