- Азыкъ аз болса, эртде орун сал.
- Адамны аты башхача, акъылы да башхады.
- Аякъларынгы джууургъанынга кёре узат.
- Шайтан алдады, тюзлюк къаргъады.
- Хоншуну тауугъу къаз кёрюнюр, келини къыз кёрюнюр.
- Ач, тоймам, дейди, тойгъан, ач болмам, дейди.
- Билимли ёлмез, билимсиз кёрмез.
- Чомарт къолда мал къалмаз.
- Уллу сёзде уят джокъ.
- Джырчы ёлсе, джыры къалыр.
- Джумушакъ терекни къурт ашар.
- Адам сёзге тынгыла, акъыл сёзню ангыла.
- Чабакъ башындан чирийди.
- Хар сёзню орну барды.
- Махтаннган къыз, тойда джукълар.
- Ауругъан – джашаудан умутчу.
- Гугук кесини атын айтыб къычыргъанча, мен, мен деб нек тураса?
- Тас болгъан бычакъны сабы – алтын.
- Эртде тургъан бла эртде юйленнген сокъуранмаз.
- Тамбла алтындан бюгюн багъыр ашхы.
- Келинни – келгинчи, бёркню кийгинчи кёр.
- Ойнаб айтсанг да, эслеб айт.
- Ашлыкъ – бюртюкден, джюн – тюкден.
- Аман къатын сабий табса, бий болур…
- Къайтырыкъ эшигинги, къаты уруб чыкъма.
- Магъанасыз сёз – тауушсуз сыбызгъы.
- Сабий болмагъан джерде, мёлек болмаз.
- Ат да турмайды бир териде.
- Тойгъан антын унутур.
- Биреуге аманлыкъ этиб, кесинге игилик табмазса.
- Эте билген, этген этеди, эте билмеген, юретген этеди!
- Ханнга да келеди хариблик.
- Аман адам этегингден тутса, кес да къач.
- Мени джылытмагъан кюн, меннге тиймесин!
- Аш берме да, къаш бер.
- Билим насыб берир, билим джолну керир.
- Ётюрюкден тюбю джокъ, кёлтюрюрге джиби джокъ.
- Бет бетге къараса, бет да джерге къарар.
- Джаралыны джастыгъында сау ёлюр.
- Джыйырма къойну юч джыйырма эбзе кюте эди.
- Алгъанда – джууукъ, бергенде – джау.
- Акъыл бла адеб эгизледиле.
- Гырджын – тепсини тамадасы.
- Байма, деб да, къууанма, джарлыма, деб да, джылама.
- Башы ишлегенни, ауузу да ишлер.
- Ойнай-ойнай кёз чыгъар.
- Игини сыйлагъан адетди.
- Рысхы джалгъанды: келген да этер, кетген да этер.
- Ана кёлю – балада, бала кёлю – талада.
- Ана – юйню кюн джарыгъы.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)