- Агъач – джерни чырайы, кийим – эрни чырайы.
- Билим – акъылны чырагъы.
- Кюлме джашха – келир башха.
- Адамны бетине къарама, адетине къара.
- Джуртун къоругъан озар.
- Байлыкъ тауусулур, билим тауусулмаз.
- Джыланны къуйругъундан басарынг келсе, аны башы болгъанын унутма.
- Акъдан къара болмаз.
- Рысхы – сют юсюнде кёмюк кибикди.
- Чарсда алчыны эл кёреди.
- Кесине оноу эте билмеген, халкъына да эте билмез.
- Иги адамны бир сёзю эки болмаз.
- Къатын къылыкъсыз, эр тынчлыкъсыз.
- Тилчи тилден къаныкъмаз.
- Тиширыусуз юй – отсуз от джагъа.
- Къарны аманнга къазан такъдырма, къолу аманнга от джакъдырма.
- Кёб къычыргъандан – къоркъма, тынч олтургъандан – къоркъ.
- Джолунга кёре – джюрюшюнг, джагъанга кёре – юлюшюнг.
- Булут кёкге джарашыу, уят бетге джарашыу.
- Бек ашыкъгъан меннге джетсин, дегенди аракъы.
- Билимден уллу байлыкъ джокъду.
- Къралынгы – душмандан, башынгы от бла суудан сакъла.
- Арпа, будай – ащды, алтын, кюмюш а – ташды.
- Ашхылыкъ джерде джатмайды, аманлыкъ суугъа батмайды.
- Эшекге миннген – биринчи айыб, андан джыгъылгъан – экинчи айыб.
- Ашхы – джыяр, аман – джояр.
- Кийимни бичсенг, кенг бич, тар этген къыйын тюлдю.
- Биреуге аманлыкъны тилеме да, кесинге ашхылыкъны тиле.
- Ишленмеклик адамлыкъды.
- Джашынгы кесинг юретмесенг, джашау юретир.
- Иги адам абынса да, джангылмаз.
- Бек анасы джыламаз.
- Бастасын ашагъан, хантусун да ичер.
- Элиб деген, элге болушур.
- Окъугъанны бети джарыкъ.
- Билим насыб берир, билим джолну керир.
- Бал чибинни ургъаны – ачы, балы – татлы.
- Башсыз урчукъ тюзюне айланмаз.
- Эл ауузу – элек, анга ийнаннган – халек.
- Садакъачыны джаны – къапчыгъында.
- Кёл ашады да, кеси ашады.
- Юй ишлеген балта эшикде къалыр.
- Чомартны къолу берекет.
- Сёз сёзню айтдырыр.
- Къонакъ хазыр болгъанлыкъгъа, къонакъбай хазыр тюлдю.
- Къартха ушагъан джаш – акъыллы, джашха ушагъан къарт – тели.
- Аз сёлешген, къайгъысыз турур.
- Аз сёлеш, кёб ишле.
- Биреу ашаб къутулур, биреу джалаб тутулур.
- Ач къарным, тынч къулагъым.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)