- Сыфатында болмагъаны, суратында болмаз.
- Ариу сёз – къылычдан джити.
- Эркиши – от, тиширыу – суу.
- Уллу атлама – абынырса, уллу къабма – къарылырса.
- Ата джурт – алтын бешик.
- Тилчи тилден къаныкъмаз.
- Эшекни не къадар тюйсенг да, ат болмаз.
- Ашхы тенг джолгъа салыр, аман тенг джолдан тайдырыр.
- Ханнга да келеди хариблик.
- Ёгюзню мюйюзюнден тутадыла, адамны сёзюнден тутадыла.
- Сибиртки да сыйлы болду, кюрек да кюнлю болду.
- Ач отунчуну ачыуу – бурнунда.
- Таукел адам тау тешер.
- Къарнынг бла ёч алма.
- Арбаз сайлама да, хоншу сайла.
- Къайгъыны сюйген, къайгъы табар.
- Мал тутхан – май джалар.
- Харам къарнашдан, халал тенг ашхы.
- Иги – алгъыш этер, аман – къаргъыш этер.
- Тюкюрюк баш джармаз, налат кёз чыгъармаз!
- Бети – къучакълар, джюреги – бычакълар.
- Кёб джат да, бек чаб.
- Эринчекни аурууу – кёб.
- Акъыл къартда, джашда тюйюлдю – башдады.
- Чабакъгъа акъыл, табагъа тюшсе келеди.
- Ана къойну – балагъа джандет.
- Джюрек кёзден алгъа кёрюр.
- Бал – татлы, балдан да бала – татлы.
- Биреуню тёрюнден, кесинги эшик артынг игиди.
- Тенгинг джокъ эсе – изле, бар эсе – сакъла!
- Ёгюзню мюйюзлери ауурлукъ этмейдиле.
- Ишин билген, аны сыйын чыгъарады.
- Джырына кёре эжиую.
- Билим ат болуб да чабар, къуш болуб да учар.
- Намысы джокъну – дуниясы джокъ.
- Дууулдаса – бал чибин, къонса – къара чибин.
- Билген билмегенни юретген адетди.
- Ёлген ийнек сютлю болур.
- Телиге от эт десенг, юйюнге от салыр.
- Къарт бла баш аша, джаш бла аякъ аша.
- Мен да «сен», дейме, сен да «кесим», дейсе.
- Аманны тукъумуна къарама, игини тукъумун сорма.
- Эл ауузу – элия.
- Чомартха Тейри да борчлуду.
- Хазыр ашха – терен къашыкъ.
- Къыз келсе, джумуш эте келеди, къатын келсе, ушакъ эте келеди.
- Элни кючю – эмеген.
- Сабыр джетер муратха, сабырсыз къалыр уятха.
- Ёмюрлюк шохлукъну джел элтмез.
- Джылар джаш, атасыны сакъалы бла ойнар.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)