- Кеси юйюмде мен да ханма.
- Билим насыб берир, билим джолну керир.
- Кёб къычыргъандан – къоркъма, тынч олтургъандан – къоркъ.
- Магъанасыз сёз – тауушсуз сыбызгъы.
- Бети къызарыучу адамны, джюреги харам болмаз.
- Гугук кесини атын айтыб къычыргъанча, мен, мен деб нек тураса?
- Окъуусуз билим – джокъ, билимсиз кюнюнг – джокъ.
- Татлы тилде – сёз ариу, чемер къолда – иш ариу.
- Къатын байлыкъны сюер, эр саулукъну сюер.
- Джигер – джаннга къыйынлыкъ.
- Ач къарынны, токъ билмез
- Элде адам къалмаса, ит тахтагъа минер.
- Аман эсирсе, юйюн ояр.
- Арбаз сайлама да, хоншу сайла.
- Сёз садакъдан кючлюдю.
- Къарнынг бла ёч алма.
- Джети тилни билген джети кишиди.
- Къызын тута билмеген, тул этер, джашын тута билмеген, къул этер.
- Джолунга кёре – джюрюшюнг, джагъанга кёре – юлюшюнг.
- Сёз – кюмюш, джыр – алтын.
- Таукел адам тау тешер.
- Арыгъан къош чамчы болур.
- Адам къаллай бир ишленмесе, аллай бир кесин уллу кёреди.
- Биреуге кёлтюрген таягъынг, кесинги башынга урур.
- Болджал ишни бёрю ашар.
- Акъыл неден да кючлюдю.
- Сакъалы текени да бар, мыйыгъы киштикни да бар.
- Телиге акъыл салгъандан эсе, ёлгеннге джан салырса.
- Къазанны башы ачыкъ болса, итге уят керекди.
- Къызбайны юйюне дери сюрсенг, батыр болур.
- Къарыусузгъа кюлме, онгсузгъа тийме.
- Байны оноуу, джарлыгъа джарамаз.
- Байма, деб да, къууанма, джарлыма, деб да, джылама.
- Башда акъыл болмаса, эки аякъгъа кюч джетер.
- Иги адамны бир сёзю эки болмаз.
- Орну джокъну – сыйы джокъ.
- Къумурсхала джыйылсала, пилни да джыгъадыла.
- Бастасын ашагъан, хантусун да ичер.
- Ач къарным, тынч къулагъым.
- Джангыз торгъай джырламаз.
- Накъырданы арты керти болур.
- Айранны сюйген, ийнек тутар.
- Билимсиз иш бармаз.
- Юй ишлеген балта эшикде къалыр.
- Кесинг сынамагъан затны, адамгъа буюрма.
- Аман киши кеси юйюнде – къонакъ.
- Харам къарнашдан, халал тенг ашхы.
- Иги джашны ышаны – аз сёлешиб, кёб тынгылар.
- Адебни адебсизден юрен.
- Тёрде – темир таякълы, къаяда – чыпчыкъ аякълы.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)