- Аманнга игилик этсенг, юйюнге сау бармазса.
- Таш ата билмеген, башына урур.
- Адам къаллай бир ишленмесе, аллай бир кесин уллу кёреди.
- Таукел тауну аудурур.
- Айтханы чапыракъдан ётмеген.
- Къызын тута билмеген, тул этер, джашын тута билмеген, къул этер.
- Джолунга кёре – джюрюшюнг, джагъанга кёре – юлюшюнг.
- Аманны къуугъан, аманлыкъ табар.
- Айраннга суу къош, телиге джол бош.
- Эрине къаргъыш этген къатын, эрнин къабар.
- Джангыз терек къынгыр ёсер.
- Аш берме да, къаш бер.
- Ачыкъ джюрекге джол – ачыкъ.
- Дуния малгъа сатылма, кесингден телиге къатылма.
- Ёлмесенг да, къарт дамы болмазса?
- Кеси юйюмде мен да ханма.
- Азыгъы аз, алгъа къабар, аты аман, алгъа чабар.
- Ишлерге уял да, ашаргъа табма.
- Малны кют, джерни тюрт.
- Чабакъ башындан чирийди.
- Харам къарнашдан, халал тенг ашхы.
- Кёзю сокъурдан – къоркъма, кёлю сокъурдан – къоркъ.
- Джангызны оту джарыкъ джанмаз!
- Джол бла сёзню къыйыры джокъ.
- Тойгъан джерден туугъан джер игиди.
- Тёрени джагъы джокъ.
- Ариу – кёзге, акъыл – джюрекге.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёлген ийнек сютлю болур.
- Ачны эсинде – аш.
- Кёл – къызбай, къол – батыр.
- Кёпюр салгъан кеси ётер, уру къазгъан кеси кетер.
- Аманны тукъумуна къарама, игини тукъумун сорма.
- Тойгъа барсанг, тоюб бар, эски тонунгу къоюб бар.
- Айранын берсенг, челегин да къызгъанма.
- Бермеген къол, алмайды.
- Душманны тышы – акъ, ичи – къара.
- Урама да – ёледи, сатама да – келеди.
- Халкъгъа джарагъан, джарлы къалмаз.
- Къыз чыгъаргъан – къызыл къымжа.
- Телиге от эт десенг, юйюнге от салыр.
- Сабийликде юретмесенг, уллу болса – тюзелмез.
- Ачлыкъда тары гырджын халыуадан татлы.
- Ариу сёз аурууунгу алыр.
- Юй ишлеген балта эшикде къалыр.
- Къан бла кирген, джан бла чыгъар.
- Джырчы джырчыгъа – къарнаш.
- Айтылгъан буйрукъ, сёгюлмез
- Суугъа – таянма, джаугъа – ийнанма.
- Чалманны аллы къалай башланса, арты да алай барады.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)