- Билимден уллу байлыкъ джокъду.
- Эм ашхы къайын ана мамукъ бла башынгы тешер.
- Ёгюзню мюйюзюнден тутадыла, адамны сёзюнден тутадыла.
- Суугъа – таянма, джаугъа – ийнанма.
- Керилген да, ургъан кибикди.
- Кёб къычыргъандан – къоркъма, тынч олтургъандан – къоркъ.
- Таш бла ургъанны, аш бла ур.
- Гугурук къычырмаса да, тангны атары къалмаз.
- Кёз – сюйген джерде, къол – ауругъан джерде.
- Билим – акъылны чырагъы.
- Ариу сёз – къылычдан джити.
- Къартха ушагъан джаш – акъыллы, джашха ушагъан къарт – тели.
- Джылкъыдан – ат чыгъар, тукъумдан – джаш чыгъар.
- Тюзлюк тас болмайды.
- Халкъны юйю – туугъан джери.
- Насыб бютеу халкъны юлюшюдю.
- Джумушакъ сёз къаты таякъны сындырыр.
- Этек чакъмакълары баш джаргъан, сёлешген сёзлери таш джаргъан.
- Адам къыйынлыгъын кёлтюрюр, зауукълугъун кёлтюрмез.
- Аз сёлешген, къайгъысыз турур.
- Ашарыкъда сайлагъаннга – чий гырджын.
- Бермеген къол, алмайды.
- Кёбге таш атма.
- Ишни аллы бла къууанма да, арты бла къууан.
- Аман адам этегингден тутса, кес да къач.
- Къонакъ аз олтурур, кёб сынар.
- Уллу къазанда бишген эт, чий къалмаз.
- Ана – юйню кюн джарыгъы.
- Ач, тоймам, дейди, тойгъан, ач болмам, дейди.
- Алтыннга тот къонмаз.
- Эринчекге кюн узун.
- Тойгъан джерден туугъан джер игиди.
- Тёрде – темир таякълы, къаяда – чыпчыкъ аякълы.
- Иги – алгъыш этер, аман – къаргъыш этер.
- Эли джокъну – кёлю джокъ.
- Тешигини къатында, чычхан да батыр болур.
- Бастасын ашагъан, хантусун да ичер.
- Керти сёзге тёре джокъ.
- Сагъыш – къартлыкъгъа сюйюмчю.
- Итли къонакъ джарашмаз.
- Сабийни джумушха джибер да, ызындан бар.
- Ачыу алгъа келсе, акъыл артха къалады.
- Къарт айтханны этмеген, къартаймаз.
- Чабар ат – джетген къыз.
- Уруну арты – къуру.
- Аз сёлеш, кёб ишле.
- Джукъу тёшек сайламайды.
- Нёгер болсанг, тенг бол, тенг болмасанг, кенг бол.
- Сакъламагъан затынга джолукъсанг, не бек къууанаса, не бек ачыйса.
- Ат басханны джер билед.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)