- Эшекни не къадар тюйсенг да, ат болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Биреуге кёлтюрген таягъынг, кесинги башынга урур.
- Байлыкъ тауусулур, билим тауусулмаз.
- Уллу къазанда бишген эт, чий къалмаз.
- Къая джолда джортма, ачыкъ сёзден къоркъма.
- Иги – алгъыш этер, аман – къаргъыш этер.
- Къонакъ аман болса, къонакъбай джунчур
- Босагъагъа джууукъ орун болса, ашыгъыб тёрге озма.
- Ариу сёз аурууунгу алыр.
- Ишлерге уял да, ашаргъа табма.
- Аманнга алтын чыдамаз.
- Акъдан къара болмаз.
- Акъыллы башны – тили къысха.
- Айырылмаз джууугъунга, унутмаз сёзню айтма.
- Сютден ауузу кюйген, суугъа юфгюре эди.
- Акъыл аздырмаз, билим тоздурмаз.
- Чакъырылмагъан къонакъ къачан кетерин сормаз.
- Байлыкъ келсе, акъыл кетер.
- Ёзденликни кёбю ётюрюк.
- Уллу сёзде уят джокъ.
- Къатын байлыкъны сюер, эр саулукъну сюер.
- Насыб бютеу халкъны юлюшюдю.
- Эркишиге тары кебек танг кёрюнюр.
- Юре билмеген ит, къонакъ келтирир.
- Бети къызарыучу адамны, джюреги харам болмаз.
- Билимден уллу байлыкъ джокъду.
- Гугук кесини атын айтыб къычыргъанча, мен, мен деб нек тураса?
- Джангыз терек къынгыр ёсер.
- Телиге от эт десенг, юйюнге от салыр.
- Акъыл бла адеб эгизледиле.
- Келгинчи, къонакъ уялыр, келгенден сора, къонакъбай уялыр.
- Таш бла ургъанны, аш бла ур.
- Бир абыннган – минг сюрюнюр.
- Терек ауса, отунчу – кёб.
- Къызбайны юйюне дери сюрсенг, батыр болур.
- Джашны джигитлиги сорулур, къызны джигерлиги сорулур.
- Ата – баланы уясы.
- Ана – юйню кюн джарыгъы.
- Окъуусуз билим – джокъ, билимсиз кюнюнг – джокъ.
- Алгъанда – джууукъ, бергенде – джау.
- Эли джокъну – кёлю джокъ.
- Чомарт къолда мал къалмаз.
- Тойгъанлыкъ къойгъа джарашады.
- Бек анасы джыламаз.
- Аман адамны тепсинге олтуртсанг, къызынгы тилер.
- Ёнгкюч къууана барыр, джылай келир.
- Джети тилни билген джети кишиди.
- Ёгюзню мюйюзлери ауурлукъ этмейдиле.
- Чабар ат – джетген къыз.
Видеостудия Эльбрусоида. Технические вопросы.
|
не голосую, т.к. ни в один из пунктов не ...понимаю)))
|
|
|
|
|
Читают тему (гостей: 1)

