- Азыгъы аз, алгъа къабар, аты аман, алгъа чабар.
- Кирсизни – саны таза, халалны – къаны таза.
- Алим болгъандан эсе, адам болгъан къыйынды.
- Татлы тилде – сёз ариу, чемер къолда – иш ариу.
- От этилмеген джерден тютюн чыкъмайды.
- Эски джаугъа ышанма.
- Чакъырылмагъан къонакъ – орунсуз.
- Ариуну – ауруу кёб.
- Тенгинг джокъ эсе – изле, бар эсе – сакъла!
- Чабар ат – джетген къыз.
- Эр абынмай, эл танымаз.
- Эте билген, этген этеди, эте билмеген, юретген этеди!
- Нёгер болсанг, тенг бол, тенг болмасанг, кенг бол.
- Олтуруб кёрюнмей эди да, ёрге туруб кёрюне эди.
- Айырылгъанланы айю ашар, бёлюннгенлени бёрю ашар.
- Эринчекни эр алмаз, эр алса да, кёл салмаз, кёл салса да, кёб бармаз!
- Ач отунчуну ачыуу – бурнунда.
- Биреуню тёрюнден, кесинги эшик артынг игиди.
- Садакъачыны джаны – къапчыгъында.
- Ата Джуртун танымагъан, атасын да танымаз.
- Айыбны суу бла джууалмазса.
- Намысы болмагъанны, сыйы болмаз.
- Акъыл къартда, джашда тюйюлдю – башдады.
- Джетген къыз джерли эшекни танымаз.
- Сабийликде юретмесенг, уллу болса – тюзелмез.
- Ариу сёз – джаннга азыкъ, аман сёз – башха къазыкъ.
- Джашда акъыл джокъ, къартда къарыу джокъ.
- Ишленмеклик адамлыкъды.
- Джырына кёре эжиую.
- Этек чакъмакълары баш джаргъан, сёлешген сёзлери таш джаргъан.
- Аманны эки битли тону болур, бирин сеннге кийдирир, бирин кеси киер.
- Ауузу аманнга «иги», деме.
- Чакъырылмагъан джерге барма, чакъырылгъан джерден къалма.
- Къайгъы тюбю – тенгиз.
- Къанны къан бла джуума, аманны аман бла къуума.
- Уллу къашыкъ эрин джыртар.
- Биреуню къыйынлыгъы бла кесинге джол ишлеме.
- Арбаз къынгырды да, ийнек сауалмайма.
- Чалманны аллы къалай башланса, арты да алай барады.
- Узун джолну барсанг, бюгюн келирсе, къысха джолну барсанг, тамбла келирсе.
- Къыз тиширыу кеси юйюнде да къонакъды.
- Акъылсызны джууукъгъа алма, акъыллыны кенгнге салма.
- Ариу джол аджал келтирмез.
- Эллинг бла джау болсанг да, юйюнг бла джау болма.
- Аман къатын сабий табса, бий болур…
- Кёпюр салгъан кеси ётер, уру къазгъан кеси кетер.
- Сабийни джумушха джибер да, ызындан бар.
- Ёнгкюч къууана барыр, джылай келир.
- Борчунг бар эсе, хурджунунга ойлаб узал.
- Джангызны оту джарыкъ джанмаз!
Жазыкоев Исхак Магометович, погиб в Афганистане
Читают тему (гостей: 1)