- Мал ёлсе, сюек къалыр, адам ёлсе, иши къалыр.
- Айран тёгюлсе, джугъусу къалыр.
- Къозулугъунда тоймагъан, къойлугъунда тоймаз.
- Акъыллы башны – тили къысха.
- Тюз сёз баргъан сууну тыяр.
- Ашхы болсанг, атынг чыгъар, аман болсанг, джанынг чыгъар.
- Айтылгъан сёз ызына къайтмаз.
- Суу да къайтады чыкъгъан джерине.
- Аман адам этегингден тутса, кес да къач.
- Намысы болмагъанны, сыйы болмаз.
- Ёпкелегенни ашы татлы болады.
- Джыланны къуйругъундан басарынг келсе, аны башы болгъанын унутма.
- Къарт айтханны этмеген, къартаймаз.
- Кёрмегеннге кебек – танг, битмегеннге сакъал – танг.
- Ауругъаннга – кийик саулукъ, джетген къызгъа – чилле джаулукъ.
- Джиби бир къат джетмей эди да, эки къат тарта эди.
- Тенгинг джокъ эсе – изле, бар эсе – сакъла!
- Кёб къычыргъандан – къоркъма, тынч олтургъандан – къоркъ.
- Джангыз торгъай джырламаз.
- Къарыусузгъа кюлме, онгсузгъа тийме.
- Ач къарным, тынч къулагъым.
- Иги – алгъыш этер, аман – къаргъыш этер.
- Эки къатын алгъан – эки ташны ортасына башын салгъан.
- Эллинг бла джау болсанг да, юйюнг бла джау болма.
- Чомарт къонакъ юй иесин сыйлар.
- Джылкъыдан – ат чыгъар, тукъумдан – джаш чыгъар.
- Тюзлюк шохлукъну бегитир.
- Акъдан къара болмаз.
- Ауузу бла къуш тута айланады.
- Келгинчи, къонакъ уялыр, келгенден сора, къонакъбай уялыр.
- Ёлюк кебинсиз къалмаз.
- Тил бла келеди джыр да.
- Билмегенинги, билгеннге сор.
- Ашлыкъны арба юйге келтирир, чана базаргъа элтир.
- Зар адамны насыбы болмаз.
- Кюл тюбюндеги от кёрюнмейди.
- Ашыкъгъан cуу, тенгизге джетмез.
- Атынг аманнга чыкъгъандан эсе, джанынг тамагъынгдан чыкъсын.
- Аллахха ийнаннган кишини, Аллах онгдурур ишин.
- Иесиз малны бёрю ашар.
- Башы джабылгъан челекге, кир тюшмез.
- Бек анасы джыламаз.
- Тойну къарнашы – харс, джырны къарнашы – эжиу.
- Мадар болса, къадар болур.
- Босагъа таш юйге кирмей эди, тыбыр таш эшикге чыкъмай эди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Иги адамны бир сёзю эки болмаз.
- Ханы къызы буюгъа-буюгъа киштик болду.
- Бастасын ашагъан, хантусун да ичер.
- Юй кюйдю да, кюйюз чыкъды, ортасындан тюйюш чыкъды.
Жазыкоев Исхак Магометович, погиб в Афганистане
Читают тему (гостей: 1)