- Джолда аягъынга сакъ бол, ушакъда тилинге сакъ бол.
- Къарыусузгъа кюлме, онгсузгъа тийме.
- Къонакъ аз олтурур, кёб сынар.
- Ашына кёре табагъы, балына кёре къалагъы.
- Агъач – джерни чырайы, кийим – эрни чырайы.
- Иги – алгъыш этер, аман – къаргъыш этер.
- Джырчы ёлсе, джыры къалыр.
- Ач бёрюге мекям джокъ.
- Чабакъ башындан чирийди.
- Адам къыйынлыгъын кёлтюрюр, зауукълугъун кёлтюрмез.
- Элиб деген, элге болушур.
- Юйюнгден чыкъдынг – кюнюнгден чыкъдынг.
- Душманны тышы – акъ, ичи – къара.
- Ашхы тенг джолгъа салыр, аман тенг джолдан тайдырыр.
- Эл ауузу – элия.
- Хантына кёре тузу, юйюне кёре къызы.
- Аманны тукъумуна къарама, игини тукъумун сорма.
- Ишге юренсин къоллары, халкъ бла болсун джоллары.
- Ишин билген, аны сыйын чыгъарады.
- Элге къуллукъ этмеген, элге ие болмаз.
- Джашда акъыл джокъ, къартда къарыу джокъ.
- Акъыл неден да кючлюдю.
- Къарнынг ауруса, ауузунгу тый
- Иги болса, тамадама – махтау, аман болса, меннге – айыб.
- Тилчи тилден къаныкъмаз.
- Къар – келтирди, суу – элтди.
- Къызны минг тилер, бир алыр.
- Зар адам ашынгы ашар, кесинги сатар.
- Аманнга игилик этсенг, юйюнге сау бармазса.
- Иги джашны ышаны – аз сёлешиб, кёб тынгылар.
- Къолу уллу – асыу, аягъы уллу – джарсыу.
- Ана къойну – балагъа джандет.
- Ауурну тюбю бла, дженгилни башы бла джюрюген.
- Чыбыкълыкъда бюгюлмеген, къазыкълыкъда бюгюлмей эди.
- Акъыллы эркиши атын махтар, акъылсыз эркиши къатынын махтар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эски джаугъа ышанма.
- Чыкълы кюнде чыкъмагъан, чыкъса къуру кирмеген.
- Къатыны харакетли болса, эри къымсыз болур.
- Джыланны къуйругъундан басарынг келсе, аны башы болгъанын унутма.
- Къуллукъчума, деб махтанма, къуллукъ – хаух джамчыды!
- Чоюнну башы ачыкъ болса, итге уят керекди.
- Насыб бютеу халкъны юлюшюдю.
- Тил бла келеди джыр да.
- Къыз тиширыу кеси юйюнде да къонакъды.
- Окъ къызбайны джокълайды.
- Аш иеси бла татлыды.
- Тил джюрекге джол ишлейди.
- Джаным-тиним – окъуу, билим.
- Иги адамны бир сёзю эки болмаз.
Жазыкоев Исхак Магометович, погиб в Афганистане
Читают тему (гостей: 1)