- Къая джолда джортма, ачыкъ сёзден къоркъма.
- Тамырсыз терекге таянма – джыгъылырса.
- Джырына кёре эжиую.
- Тенги кёбню джау алмаз, акъылы кёбню дау алмаз.
- Айтылгъан сёз ызына къайтмаз.
- Хансыз джомакъ болмаз.
- Баланы адам этген анады.
- Аджал соруб келмез, келсе, къайтыб кетмез.
- Ач къарным, тынч къулагъым.
- Кёз – сюйген джерде, къол – ауругъан джерде.
- Ата Джуртча джер болмаз, туугъан элча эл болмаз.
- Акъыллы – эл иеси, тели – эл баласы.
- Сёз къанатсыз учар.
- Джаным-тиним – окъуу, билим.
- Хата – гитчеден.
- Халкъны юйю – туугъан джери.
- Байлыкъ келсе, акъыл кетер.
- Олтуруб кёрюнмей эди да, ёрге туруб кёрюне эди.
- Ашлыкъ – бюртюкден, джюн – тюкден.
- Ашхы – джыяр, аман – джояр.
- Къазанчы аман болса, къазаны къайнамаз.
- Джахил болса анасы, не билликди баласы?
- Билгенни къолу къарны джандырыр.
- Айраннга суу къош, телиге джол бош.
- Кюн кёрмеген, кюн кёрсе, кюндюз чыракъ джандырыр.
- Ёксюзню къалачы уллу кёрюнюр.
- Ётюрюкчюню шагъаты – къатында.
- Къызны минг тилер, бир алыр.
- Аджашханны ызындагъы кёреди, джангылгъанны джанындагъы биледи.
- Ётген ёмюр – акъгъан суу.
- Чомарт къолда мал къалмаз.
- Суу да къайтады чыкъгъан джерине.
- Тау башында, тау болмаз, джангыз терек, бау болмаз.
- Кимни – тили, тиши онглу, кимни – къолу, иши онглу.
- Азыкъ аз болса, эртде орун сал.
- Эл ауузу – элек, анга ийнаннган – халек.
- Ат да турмайды бир териде.
- Байны оноуу, джарлыгъа джарамаз.
- Айранны сюйген, ийнек тутар.
- Ашыкъгъан cуу, тенгизге джетмез.
- Ишлемеген – тишлемез.
- Суу кетер, таш къалыр.
- Келинни – келгинчи, бёркню кийгинчи кёр.
- Ауузу аманнга «иги», деме.
- Тойчу джашха къарама, къойчу джашха къара.
- Кёбню кёрген – кёб билир.
- Игилик игилик бла сингдирилиучю затды.
- Тулпарлыкъ, билекден тюл – джюрекден.
- Келинин тута билмеген, къул этер, къызын тута билмеген, тул этер.
- Тюзню ётмеги тюзде къалса да, тас болмаз.
Жазыкоев Исхак Магометович, погиб в Афганистане
Читают тему (гостей: 1)