- Ишленмеген джаш – джюгенсиз ат, ишленмеген къыз – тузсуз хант.
- Чабар ат – джетген къыз.
- Окъугъанны бети джарыкъ.
- Бал ашаргъа сюе эсенг, чибин ургъаннга тёз.
- Кюл тюбюндеги от кёрюнмейди.
- Билимден уллу байлыкъ джокъду.
- Къар – келтирди, суу – элтди.
- Кийим тукъум сордурур.
- Тик ёргени, тик энгишгеси да болады.
- Тешик этген тынчды, аны джамагъан къыйынды.
- Мал кёб болса, джууукъ кёб болур.
- Айраннга суу къош, телиге джол бош.
- Тил – кесген бычакъ, сёз – атылгъан окъ.
- Тешигини къатында, чычхан да батыр болур.
- Аджашхан тёгерек айланыр.
- Таш бла ургъанны, аш бла ур.
- Харам къарнашдан, халал тенг ашхы.
- Арбаз къынгырды да, ийнек сауалмайма.
- Джашынгы кесинг юретмесенг, джашау юретир.
- Бети бедерден, намыс сакълама.
- Бёрю да ач къалмасын, эчки да ашалмасын.
- Тиширыусуз юй – отсуз от джагъа.
- Нёгерсизни джолу узун.
- Ата – билек, ана – джюрек!
- Аманнга да, игиге да оноусуз къатышма.
- Джылыгъа джылан илешир.
- Эр сокъур болсун, къатын тилсиз болсун.
- Татлы сёз – балдан татлы.
- Окъуу – билимни ачхычы, окъуу – дунияны бачхычы.
- Телиге акъыл салгъандан эсе, ёлгеннге джан салырса.
- Чомартха хар кюн да байрамды.
- Мураты болгъанны джюрек тебюую башхады.
- Чакъырылгъанны аты, чакъырылмагъанны багъасы болур.
- Чомарт джарлы болмаз.
- Ишленмеклик адамлыкъды.
- Къарт айтханны этмеген, къартаймаз.
- Мадар болса, къадар болур.
- Айтхан – тынч, этген – къыйын.
- Сабийликде юретмесенг, уллу болса – тюзелмез.
- Эм уллу байлыкъ – джан саулукъ.
- Кирсизни – саны таза, халалны – къаны таза.
- Эл элде бирер малынг болгъандан эсе, бирер тенгинг болсун.
- Чоюнну башы ачыкъ болса, итге уят керекди.
- Тамбла алтындан бюгюн багъыр ашхы.
- Тил джюрекге джол ишлейди.
- Ашхы атаны – джашы ашхы, ашхы ананы – къызы ашхы.
- Ёпкелегенни ашы татлы болады.
- Ёлген аслан – сау чычхан.
- Адамны бетине къарама, адетине къара.
- Тил – миллетни джаны.
Жазыкоев Исхак Магометович, погиб в Афганистане
Читают тему (гостей: 1)