- Шекер бла туз – бир болмаз, ушамагъан – юй болмаз.
- Биреуге кёлтюрген таягъынг, кесинги башынга урур.
- Акъыл аздырмаз, билим тоздурмаз.
- Къарнынг тойгъунчу аша да, белинг талгъынчы ишле.
- Адамны сыфатына къарама, сёзюне къара.
- Билими азны – ауузунда кирит.
- Ачыу алгъа келсе, акъыл артха къалады.
- Магъанасыз сёз – тауушсуз сыбызгъы.
- Къарыусузгъа кюлме, онгсузгъа тийме.
- Бюгюн дуния кибик, тамбла ахыратды.
- Зар адамны насыбы болмаз.
- Ышармагъан – кюлмез, кюлмеген – къууанчны билмез.
- Этим кетсе да, сюегим къалыр.
- Ана къолу ачытмаз.
- Мен да «сен», дейме, сен да «кесим», дейсе.
- Къыз чыгъаргъан – къызыл къымжа.
- Итли къонакъ джарашмаз.
- Юйюнгден чыкъдынг – кюнюнгден чыкъдынг.
- Тюзлюк шохлукъну бегитир.
- Иги бла джюрюсенг, джетерсе муратынга, аман бла джюрюсенг, къалырса уятха.
- Орундукъ тюбюнде атылсам да, орта джиликме, де да айлан.
- Юй ишлеген балта эшикде къалыр.
- Эки къатын алгъанны къулагъы тынгнгаймаз.
- Хар ишни да аллы къыйынды.
- Ёгюзню мюйюзюнден тутадыла, адамны сёзюнден тутадыла.
- Адам къыйынлыгъын кёлтюрюр, зауукълугъун кёлтюрмез.
- Харам къарнашдан, халал тенг ашхы.
- Таукел тауну аудурур.
- Насыб бютеу халкъны юлюшюдю.
- Кёб джашагъан – кёб билир.
- Хаухну атма, ёнгкючню сатма.
- Ач отунчуну ачыуу – бурнунда.
- Сёз сёзню айтдырыр.
- Татлы сёз – балдан татлы.
- Мал ёлсе, сюек къалыр, адам ёлсе, иши къалыр.
- Ишге юренсин къоллары, халкъ бла болсун джоллары.
- Кёбден умут этиб, аздан къуру къалма.
- Акъыл бла адеб эгизледиле.
- Сыфатында болмагъаны, суратында болмаз.
- Айранны сюйген, ийнек тутар.
- Аллахха ийнаннган кишини, Аллах онгдурур ишин.
- Аджал соруб келмез, келсе, къайтыб кетмез.
- Окъугъан – асыу, окъумагъан – джарсыу.
- Кюлме джашха – келир башха.
- Тенгни тенглиги джашай барсанг билинир.
- Экеу тутушса, биреу джыгъылыр.
- Туз, гырджын аша, тюзлюк бла джаша.
- Къозулугъунда тоймагъан, къойлугъунда тоймаз.
- Билмейме деген – бир сёз
- Тойгъа барсанг, тоюб бар, эски тонунгу къоюб бар.
