- Ашхылыкъ джерде джатмайды, аманлыкъ суугъа батмайды.
- Мураты болгъанны джюрек тебюую башхады.
- Аджашханны ызындагъы кёреди, джангылгъанны джанындагъы биледи.
- Суугъа – чабакъ, къаягъа – ыргъакъ.
- Башы ишлегенни, ауузу да ишлер.
- Кёлю джокъну – джолу джокъ.
- Билим – акъылны чырагъы.
- Ауузу аманнга «иги», деме.
- Ишин билген, аны сыйын чыгъарады.
- Аджаллыгъа окъсуз шкок атылыр.
- Тилчи бир сагъатха айлыкъ хата этер.
- Атадан ёксюз – бир ёксюз, анадан ёксюз – эки ёксюз.
- Байлыкъ тауусулур, билим тауусулмаз.
- Иесиз малны бёрю ашар.
- Дуния мал дунияда къалады.
- Джыгъылгъанны сырты джерден тоймаз.
- Чомартны къолун джокълукъ байлар.
- Бал – татлы, балдан да бала – татлы.
- Ач отунчуну ачыуу – бурнунда.
- Абынмазлыкъ аякъ джокъ, джангылмазлыкъ джаякъ джокъ.
- Иги адамны бир сёзю эки болмаз.
- Байны къызы баймакъ болса да, юйде къалмаз!
- Тойчу джашха къарама, къойчу джашха къара.
- Бал чибинни ургъаны – ачы, балы – татлы.
- Садакъачыны джаны – къапчыгъында.
- Таш ата билмеген, башына урур.
- Джети тилни билген джети кишиди.
- Къазанны башы ачыкъ болса, итге уят керекди.
- Хар сёзню орну барды.
- Ариу сёз – къылычдан джити.
- Чомартны къолу берекет.
- Тау башында, тау болмаз, джангыз терек, бау болмаз.
- Акъыл сабырлыкъ берир.
- Джашлыкъ этмеген, башлыкъ этмез.
- Хар зат кесини орнуна иги.
- Адамны артындан къара сабан сюрме.
- Арпа, будай – ащды, алтын, кюмюш а – ташды.
- Насыблы элин сюер, насыбсыз кесин сюер.
- Рысхы – сют юсюнде кёмюк кибикди.
- Экеу тутушса, биреу джыгъылыр.
- Ауузу бла къуш тута айланады.
- Ана къолу ачытмаз.
- Суу кетер, таш къалыр.
- Тойгъандан сора, ашны сёкме.
- Эллинг бла джау болсанг да, юйюнг бла джау болма.
- Аллахдан тилесенг, кёб тиле.
- Джиби бир къат джетмей эди да, эки къат тарта эди.
- Къарт болгъан джерде, берекет болур, сабий болгъан джерде, оюн болур.
- Зар адам ашынгы ашар, кесинги сатар.
- Бети къызарыучу адамны, джюреги харам болмаз.
