- Байны оноуу, джарлыгъа джарамаз.
- Сёз садакъдан кючлюдю.
- Ёзденликни кёбю ётюрюк.
- Аллахха ийнаннган кишини, Аллах онгдурур ишин.
- Чыбыкълыкъда бюгюлмеген, къазыкълыкъда бюгюлмей эди.
- Ариу сёзде ауруу джокъ.
- Кёкдеги болмаса, джердегин кёрмейди.
- Эки ойлашыб, бир сёлешген.
- Этни бети бла шорпасы.
- Тенгинг джокъ эсе – изле, бар эсе – сакъла!
- Мен да «сен», дейме, сен да «кесим», дейсе.
- Чабакъ башындан чирийди.
- Aдам боллукъ, сыфатындан белгили.
- Сёз – кюмюш, джыр – алтын.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Мени джылытмагъан кюн, меннге тиймесин!
- Сабыр джетер муратха, сабырсыз къалыр уятха.
- Айран ичген – къутулду, джугъусун джалагъан – тутулду.
- Эринчекни эр алмаз, эр алса да, кёл салмаз, кёл салса да, кёб бармаз!
- Мадар болса, къадар болур.
- Махтаннган къыз, тойда джукълар.
- Баланы адам этген анады.
- Сибиртки да сыйлы болду, кюрек да кюнлю болду.
- Ишленмеклик адамлыкъды.
- Къулакъдан эсе, кёзге ышан.
- Чакъырылмагъан къонакъ къачан кетерин сормаз.
- Къарт айтханны этмеген, къартаймаз.
- Сууда джау джокъ, кёб сёзде магъана джокъ.
- Адам сёзюнден белгили.
- Къатын байлыкъны сюер, эр саулукъну сюер.
- Къарт болгъан джерде, берекет болур, сабий болгъан джерде, оюн болур.
- Билим – акъылны чырагъы.
- Юреннген ауруу къалмаз.
- Айранны сюйген, ийнек тутар.
- Уллу атлама – абынырса, уллу къабма – къарылырса.
- Джарлы тюеге минсе да, ит къабар.
- Къолу уллу – асыу, аягъы уллу – джарсыу.
- Келинни – келгинчи, бёркню кийгинчи кёр.
- Урама да – ёледи, сатама да – келеди.
- Онгсузну – джакъла, тенгликни – сакъла.
- Къаллай салам берсенг, аллай джууаб алырса.
- Чакъырылгъанны аты, чакъырылмагъанны багъасы болур.
- Киштикге къанат битсе, чыпчыкъ къалмаз эди.
- Къарнынг ауруса, ауузунгу тый
- Джерни букъусу кёкге къонмаз.
- Эли джокъну – кёлю джокъ.
- Джашлыкъ этмеген, башлыкъ этмез.
- Гитче джилтин уллу элни джандырыр.
- Кёб джат да, бек чаб.
- Къанны къан бла джуума, аманны аман бла къуума.
