- Мал тутхан – май джалар.
- Элни кючю – эмеген.
- Ойнай билмеген, уруб къачар.
- Джашлыкъ этмеген, башлыкъ этмез.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашхы атаны – джашы ашхы, ашхы ананы – къызы ашхы.
- Джаш болсун, къыз болсун, акъылы, саны тюз болсун.
- Ата Джуртун танымагъан, атасын да танымаз.
- Кёз – сюйген джерде, къол – ауругъан джерде.
- Ётюрюкню башын керти кесер.
- Ач къарынны, токъ билмез
- Чыбыкълыкъда бюгюлмеген, къазыкълыкъда бюгюлмей эди.
- Итли къонакъ джарашмаз.
- Ариуну – ауруу кёб.
- Мураты болгъанны джюрек тебюую башхады.
- Эртде тургъан джылкъычыны эркек аты тай табар.
- Эм уллу байлыкъ – джан саулукъ.
- Ач келгенни – тойдур, кеч келгенни – къондур.
- Эрине къаргъыш этген къатын, эрнин къабар.
- Уллу къазанда бишген эт, чий къалмаз.
- Терек ауса, отунчу – кёб.
- Тил джюрекге джол ишлейди.
- Гугук кесини атын айтыб къычыргъанча, мен, мен деб нек тураса?
- Билгенни къолу къарны джандырыр.
- Нёгер болсанг, тенг бол, тенг болмасанг, кенг бол.
- Эл тойса, тоймагъан, эл къойса, къоймагъан.
- Азыкълы ат арымаз, къатыны аман джарымаз.
- Экеулен сёлеше тура эселе, орталарына барыб кирме.
- Ата Джуртуму башы болмасам да, босагъасында ташы болайым.
- Мен да «сен», дейме, сен да «кесим», дейсе.
- Суугъа – чабакъ, къаягъа – ыргъакъ.
- Сютден ауузу кюйген, суугъа юфгюре эди.
- Насыб бютеу халкъны юлюшюдю.
- Кесине оноу эте билмеген, халкъына да эте билмез.
- Байлыкъ адамны сокъур этер.
- Чомарт къолда мал къалмаз.
- Аманнга игилик этсенг, юйюнге сау бармазса.
- Азыгъы аз, алгъа къабар, аты аман, алгъа чабар.
- «Ёгюз, джаргъа джууукъ барма, меннге джюк боллукъса», - дегенди эшек.
- Садакъачыны джаны – къапчыгъында.
- Акъыл бла адеб эгизледиле.
- Биреуге кёлтюрген таягъынг, кесинги башынга урур.
- Тёрдеги кюлсе, эшикдеги ышарыр.
- Къолунгдан къуймакъ ашатсанг да, атаны борчундан къутулмазса.
- Ашда – бёрю, ишде – ёлю.
- Бети бедерден, намыс сакълама.
- Къонагъынгы артмагъын алма да, алгъышын ал.
- Ата джурт – алтын бешик.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аман адам элни бир-бирине джау этер.
