- Ачны эсинде – аш.
- Агъач халкъгъа алтынды, иссиликге салкъынды.
- Джаз бир кюнню джатсанг, къыш талай кюнню абынырса.
- Бек анасы джыламаз.
- Босагъагъа джууукъ орун болса, ашыгъыб тёрге озма.
- Билген билмегенни юретген адетди.
- Окъумагъан сокъурду, сокъур ташха абыныр!
- Ургъан суудан башынгы сакъла.
- Бетинги сатма, малынгы сат.
- Джангызны оту джарыкъ джанмаз!
- Ашлыкъ – бюртюкден, джюн – тюкден.
- Тойчу джашха къарама, къойчу джашха къара.
- Адам сёзге тынгыла, акъыл сёзню ангыла.
- Ашхы адам – халкъ байлыгъы, ашхы джер – джашау байлыгъы.
- Адамны сыфатына къарама, сёзюне къара.
- Онгсузну – джакъла, тенгликни – сакъла.
- Байлыкъ келсе, акъыл кетер.
- Таукелге нюр джауар.
- Эртде тургъан джылкъычыны эркек аты тай табар.
- Билимли ёлмез, билимсиз кёрмез.
- Суугъа – таянма, джаугъа – ийнанма.
- Бир онгсуз адам адет чыгъарды, деб эштирик тюлсе.
- Биреуню къыйынлыгъы бла кесинге джол ишлеме.
- Насыб бютеу халкъны юлюшюдю.
- Ханнга да келеди хариблик.
- Башынга джетмегенни сорма.
- Иги адам абынса да, джангылмаз.
- Тенгни тенглиги джашай барсанг билинир.
- Хазыр ашха – терен къашыкъ.
- Келлик заман – къартлыкъ келтирир, кетген заман – джашлыкъ ёлтюрюр.
- Кенгеш болса, уруш болмаз.
- Терек ауса, отунчу – кёб.
- Адамны адамлыгъы къыйынлыкъда айгъакъланады.
- Билим къая тешер.
- Алтыннга тот къонмаз.
- Эки элинги тыйсанг, джети элде махталырса.
- Баланы адам этген анады.
- Ётюрюкден тюбю джокъ, кёлтюрюрге джиби джокъ.
- Башы ишлегенни, ауузу да ишлер.
- Иги – алгъыш этер, аман – къаргъыш этер.
- Байлыкъдан саулукъ ашхыды.
- Бир абыннган – минг сюрюнюр.
- Аман адамны тепсинге олтуртсанг, къызынгы тилер.
- Джылар джаш, атасыны сакъалы бла ойнар.
- Байны оноуу, джарлыгъа джарамаз.
- Аууз сакълагъан – джан сакълар.
- Айырылгъанланы айю ашар, бёлюннгенлени бёрю ашар.
- Кюл тюбюндеги от кёрюнмейди.
- Aдам боллукъ, сыфатындан белгили.
- Халкъгъа джарагъан, джарлы къалмаз.
