- Ёксюзню тилеги къабыл болур.
- Суу ичген шауданынга тюкюрме.
- Къыз келсе, джумуш эте келеди, къатын келсе, ушакъ эте келеди.
- Ёнгкюч къууана барыр, джылай келир.
- Кёл – къызбай, къол – батыр.
- Тилчи бир сагъатха айлыкъ хата этер.
- Эки ойлашыб, бир сёлешген.
- Джаз бир кюнню джатсанг, къыш талай кюнню абынырса.
- Байлыкъ адамны сокъур этер.
- Къайгъы тюбю – тенгиз.
- Игилик игилик бла сингдирилиучю затды.
- Адамны адамлыгъы къыйынлыкъда айгъакъланады.
- Тилчи тилден къаныкъмаз.
- Биреуню эскиси биреуге джангы болмайды.
- Ач келгенни – тойдур, кеч келгенни – къондур.
- Мал ёлсе, сюек къалыр, адам ёлсе, иши къалыр.
- Джюрекден джюрекге джол барды.
- Юйюнгден чыкъдынг – кюнюнгден чыкъдынг.
- Уллу суу бла уллу ауруудан башынгы сакъла.
- Къозулугъунда тоймагъан, къойлугъунда тоймаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашлыкъ – бюртюкден, джюн – тюкден.
- Билим насыб берир, билим джолну керир.
- Джашда акъыл джокъ, къартда къарыу джокъ.
- Атадан ёксюз – бир ёксюз, анадан ёксюз – эки ёксюз.
- Туз, гырджын аша, тюзлюк бла джаша.
- Айыбны суу бла джууалмазса.
- Аякъларынгы джууургъанынга кёре узат.
- Джети тилни билген джети кишиди.
- Ауурну тюбю бла, дженгилни башы бла джюрюген.
- Чакъырылмагъан къонакъ тёрге атламаз.
- «Ма», - дегенни билмесенг, «бер», - дегенни билмезсе.
- Акъыл сабырлыкъ берир.
- Эм уллу байлыкъ – джан саулукъ.
- Къазанчы аман болса, къазаны къайнамаз.
- Къая джолда джортма, ачыкъ сёзден къоркъма.
- Адамны сыфатына къарама, сёзюне къара.
- Сормай – алма, чакъырылмай – барма.
- Тилчиден кери бол.
- Ашхы болсанг, атынг чыгъар, аман болсанг, джанынг чыгъар.
- Айтылгъан сёз ызына къайтмаз.
- Джырчы ёлсе, джыры къалыр.
- Ётюрюкчюню шагъаты – къатында.
- Кёзюнде тереги болгъан, чёбю болгъаннга кюле эди.
- Къарын къуру болса, джюрек уру болур.
- Ач да бол, токъ да бол – намысынга бек бол.
- Кёбге таш атма.
- Акъыллы башны – тили къысха.
- Босагъа таш юйге кирмей эди, тыбыр таш эшикге чыкъмай эди.
- Керек ташны ауурлугъу джокъ.
