- Эллинг бла джау болсанг да, юйюнг бла джау болма.
- Ёнгкюч къууана барыр, джылай келир.
- Ашына кёре табагъы, балына кёре къалагъы.
- Ариуну – ауруу кёб.
- Тилсиз миллет джокъ болур.
- Рысхы – сют юсюнде кёмюк кибикди.
- Кюн кёрмеген, кюн кёрсе, кюндюз чыракъ джандырыр.
- Ата джурт – алтын бешик.
- Хансыз джомакъ болмаз.
- Элни кючю – эмеген.
- Кеси юйюмде мен да ханма.
- Тюзлюк тас болмайды.
- Джыланны къуйругъундан басарынг келсе, аны башы болгъанын унутма.
- Къая джолда джортма, ачыкъ сёзден къоркъма.
- Ат да турмайды бир териде.
- Нёгер болсанг, тенг бол, тенг болмасанг, кенг бол.
- Тил – кесген бычакъ, сёз – атылгъан окъ.
- Узун джолну барсанг, бюгюн келирсе, къысха джолну барсанг, тамбла келирсе.
- Ёгюзню мюйюзюнден тутадыла, адамны сёзюнден тутадыла.
- От кюйдюрген, сау болса да, тот кюйдюрген, сау болмаз.
- Бек ашыкъгъан меннге джетсин, дегенди аракъы.
- Кёзню ачылгъаны – иги, ауузну джабылгъаны – иги.
- Ашаса, ашамаса да, бёрюню ауузу – къан.
- Иши джокъну, сыйы джокъ.
- Ёлген ийнек сютлю болур.
- Айырылмаз джууугъунга, унутмаз сёзню айтма.
- Тойгъан антын унутур.
- Кюл тюбюндеги от кёрюнмейди.
- Акъыллы – эл иеси, тели – эл баласы.
- Мураты болгъанны джюрек тебюую башхады.
- Айтылгъан сёз ызына къайтмаз.
- Таякъ этден ётер, тил сюекден ётер.
- Уруну арты – къуру.
- Тёрде – темир таякълы, къаяда – чыпчыкъ аякълы.
- Аман къатын алгъан, арыр, иги къатын алгъан джарыр.
- Сууда джау джокъ, кёб сёзде магъана джокъ.
- Эринчекге кюн узун.
- Ач, тоймам, дейди, тойгъан, ач болмам, дейди.
- Чакъырылмагъан къонакъ тёрге атламаз.
- Кёрмегеннге кебек – танг, битмегеннге сакъал – танг.
- Ёлюк кебинсиз къалмаз.
- Иги адамны бир сёзю эки болмаз.
- Къайгъы тюбю – тенгиз.
- Эртде тургъан джылкъычыны эркек аты тай табар.
- Этим кетсе да, сюегим къалыр.
- Эл элде бирер малынг болгъандан эсе, бирер тенгинг болсун.
- Тёгюлген тюгел джыйылмайды.
- Экеулен сёлеше тура эселе, орталарына барыб кирме.
- Аман эсирсе, юйюн ояр.
- Къазанчы аман болса, къазаны къайнамаз.
