- Ким бла джюрюсенг, аны кёзю бла кёрюнюрсе.
- Аджашханны ызындагъы кёреди, джангылгъанны джанындагъы биледи.
- Кесине гебен этелмеген, биреуге черен эте эди.
- Эки ойлашыб, бир сёлешген.
- Зар адамны насыбы болмаз.
- Хар ишни да аллы къыйынды.
- Ач къарным, тынч къулагъым.
- Окъугъан озар, окъумагъан тозар.
- Киштикге къанат битсе, чыпчыкъ къалмаз эди.
- Мен да «сен», дейме, сен да «кесим», дейсе.
- Къайгъыны сюйген, къайгъы табар.
- Сабий болмагъан джерде, мёлек болмаз.
- Эки къатын алгъанны къулагъы тынгнгаймаз.
- Эски джаугъа ышанма.
- Накъырданы арты керти болур.
- Къарнынг бла ёч алма.
- Келинни – келгинчи, бёркню кийгинчи кёр.
- Эринчекни эр алмаз, эр алса да, кёл салмаз, кёл салса да, кёб бармаз!
- Байны оноуу, джарлыгъа джарамаз.
- Билими азны – ауузунда кирит.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Болджал ишни бёрю ашар.
- Тойчу джашха къарама, къойчу джашха къара.
- Аш хазыр болса, иш харам болур.
- Зар адам ашынгы ашар, кесинги сатар.
- Адамны артындан къара сабан сюрме.
- Кеси юйюмде мен да ханма.
- Ауузу аманнга «иги», деме.
- Тойгъандан сора, ашны сёкме.
- Сангырау къулакъ эл бузар.
- Джетген къыз джерли эшекни танымаз.
- Бети бедерден, намыс сакълама.
- Мухарны эси – ашарыкъда.
- Хар зат кесини орнуна иги.
- Джарлы джети элни сёзюн этер.
- Джаралыны джастыгъында сау ёлюр.
- Ёзденликни кёбю ётюрюк.
- Рысхы джалгъанды: келген да этер, кетген да этер.
- Ишин билген, аны сыйын чыгъарады.
- Эрине къаргъыш этген къатын, эрнин къабар.
- Ётюрюкчюню шагъаты – къатында.
- Алгъанда – джууукъ, бергенде – джау.
- Ариу сёз джыланны орнундан чыгъарыр.
- Шайтан алдады, тюзлюк къаргъады.
- Эртде тургъан джылкъычыны эркек аты тай табар.
- Сормай – алма, чакъырылмай – барма.
- Джети тилни билген джети кишиди.
- Ариу сёзде ауруу джокъ.
- Ёмюрлюк шохлукъну джел элтмез.
- Къумурсхала джыйылсала, пилни да джыгъадыла.
