- Гыдай эчки суугъа къараб, мюйюзле кёрмесе, джашма алкъын, дегенди.
- Билмезни кёзю кёрмез, этмезни къулагъы эшитмез.
- Келгинчи, къонакъ уялыр, келгенден сора, къонакъбай уялыр.
- Къонагъы джокъну – шоху джокъ.
- Тилчи тилден къаныкъмаз.
- Таукелге нюр джауар.
- Баш – акъыл ючюн, акъылман – халкъ ючюн.
- Бойнуму джети джерден кессенг да, мен ол ишни этеллик тюлме.
- Къаллай салам берсенг, аллай джууаб алырса.
- Ёлген эшек бёрюден къоркъмайды.
- Къарнынг тойгъунчу аша да, белинг талгъынчы ишле.
- Джашынгы кесинг юретмесенг, джашау юретир.
- Ишге юренсин къоллары, халкъ бла болсун джоллары.
- Башы ишлегенни, ауузу да ишлер.
- Элни кючю – эмеген.
- Сескекли кесин билдирир.
- Къобан да къуру да къобханлай турмайды, адам да къуру да патчахлай турмайды.
- Тау башында, тау болмаз, джангыз терек, бау болмаз.
- Иесиз малны бёрю ашар.
- Ачыу алгъа келсе, акъыл артха къалады.
- Ашда уялгъан – мухар, ишде уялгъан – хомух.
- Киштикге къанат битсе, чыпчыкъ къалмаз эди.
- Огъурлуну сёзю – суу, огъурсузну сёзю – уу.
- Алгъанда – джууукъ, бергенде – джау.
- Адамны адамлыгъы къыйынлыкъда айгъакъланады.
- Хата – гитчеден.
- Джогъун бар этген, барын бал этген.
- Бозанг болмагъан джерге, къалагъынгы сукъма.
- Тойгъан джерге джети къайт.
- Аманнга игилик этсенг, юйюнге сау бармазса.
- Кесинг сынамагъан затны, адамгъа буюрма.
- Орну джокъну – сыйы джокъ.
- Экеулен сёлеше тура эселе, орталарына барыб кирме.
- Уруну арты – къуру.
- Малны кют, джерни тюрт.
- Ариу – кёзге, акъыл – джюрекге.
- Къарт айтханны этмеген, къартаймаз.
- Чакъырылмагъан джерге барма, чакъырылгъан джерден къалма.
- Атлыны ашхысы, ат тизгининден билинир
- Мухар, кеси тойса да, кёзю тоймаз.
- Ач къарным, тынч къулагъым.
- Джырына кёре эжиую.
- Чомартха Тейри да борчлуду.
- Кёзю сокъурдан – къоркъма, кёлю сокъурдан – къоркъ.
- Тамырсыз терекге таянма – джыгъылырса.
- Оюмсуз атлагъан, аджалсыз ёлюр.
- Минг тенг да азды, бир джау да кёбдю.
- Окъумагъан сокъурду, сокъур ташха абыныр!
- Тынгылагъан тынгы бузар.
- Окъуу – билимни ачхычы, окъуу – дунияны бачхычы.
Земля людей. Балкарцы. Дети гор., Передача про балкарцев!
Читают тему (гостей: 1)