- Ёзденликни кёбю ётюрюк.
- Харам къарнашдан, халал тенг ашхы.
- Ханнга да келеди хариблик.
- Джети тилни билген джети кишиди.
- Джюрек кёзден алгъа кёрюр.
- Чомарт джарлы болмаз.
- Джырына кёре эжиую.
- Джашда акъыл джокъ, къартда къарыу джокъ.
- Айныгъанлы алты кюн, тогъайгъанлы тогъуз кюн.
- Акъыл къартда, джашда тюйюлдю – башдады.
- Кимни – тили, тиши онглу, кимни – къолу, иши онглу.
- Ёлюк кебинсиз къалмаз.
- Ата Джуртун танымагъан, атасын да танымаз.
- Нарт сёз – тилни бети.
- Aдам боллукъ, сыфатындан белгили.
- Эринчекни аурууу – кёб.
- Юре билмеген ит, къонакъ келтирир.
- Атынг аманнга чыкъгъандан эсе, джанынг тамагъынгдан чыкъсын.
- Къартны сыйын кёрмеген, къартлыгъында сыйлы болмаз.
- Айранны сюйген, ийнек тутар.
- Сыфатында болмагъаны, суратында болмаз.
- Уллу атлама – абынырса, уллу къабма – къарылырса.
- Баш – акъыл ючюн, акъылман – халкъ ючюн.
- Къартха ушагъан джаш – акъыллы, джашха ушагъан къарт – тели.
- «Ма», - дегенни билмесенг, «бер», - дегенни билмезсе.
- Тенги кёбню джау алмаз, акъылы кёбню дау алмаз.
- Ауругъанны сау билмез, ач къарынны токъ билмез.
- Къазанчы аман болса, къазаны къайнамаз.
- Сёз сёзню айтдырыр.
- Башынга джетмегенни сорма.
- Къыйынлы джети элге оноу этер.
- Ишленмеген джаш – джюгенсиз ат, ишленмеген къыз – тузсуз хант.
- Бичгенде ашыкъма, тикгенде ашыкъ.
- Тойну къарнашы – харс, джырны къарнашы – эжиу.
- Дууулдаса – бал чибин, къонса – къара чибин.
- Тёрени джагъы джокъ.
- Адеб этмеген, адеб кёрмез.
- Кёб ант этген, кёб ётюрюк айтыр.
- Тойгъанлыкъ къойгъа джарашады.
- Хаухну атма, ёнгкючню сатма.
- Джюрекден джюрекге джол барды.
- Ишге юренсин къоллары, халкъ бла болсун джоллары.
- Хар зат кесини орнуна иги.
- Ашхы адам – халкъ байлыгъы, ашхы джер – джашау байлыгъы.
- Шекер бла туз – бир болмаз, ушамагъан – юй болмаз.
- Джырчы ёлсе, джыры къалыр.
- Ётюрюкчюню шагъаты – къатында.
- Термилгенинги табмазса, кюлгенинге тюберсе.
- Терек ауса, отунчу – кёб.
- Кютгени беш эчки, сызгъыргъаны уа, джерни джарады.
Фэнтези с эмегенами и джелмаузом, Наткнулась на Литресе на одну книжку и подумала: автор не кто-то из наших?
) По описанию похожи на просто дикарей, и язык почему-то шипящий.
Читают тему (гостей: 1)