- Олтуруб кёрюнмей эди да, ёрге туруб кёрюне эди.
- Джумушакъ сёз къаты таякъны сындырыр.
- Биреуге кёлтюрген таягъынг, кесинги башынга урур.
- Ишлегенде эринме, ишде чолакъ кёрюнме.
- Таукел адам тау тешер.
- Адам боллукъ, атламындан белгили болур.
- Тик ёргени, тик энгишгеси да болады.
- Къарт айтханны этмеген, къартаймаз.
- Айтхан сёзюне табылгъан.
- Элде адам къалмаса, ит тахтагъа минер.
- Ушамагъан – джукъмаз.
- Адам къаллай бир ишленмесе, аллай бир кесин уллу кёреди.
- «Ма», - дегенни билмесенг, «бер», - дегенни билмезсе.
- Къатын байлыкъны сюер, эр саулукъну сюер.
- Хар сёзню орну барды.
- Ата – баланы уясы.
- Кюн – узун, ёмюр – къысха.
- Мухардан ач ычхынмаз.
- Соргъан айыб тюлдю, билмеген айыбды.
- Джюрекден джюрекге джол барды.
- Ауурну тюбю бла, дженгилни башы бла джюрюген.
- Шапа кёб болса, аш татымсыз болур.
- Харам къарнашдан, халал тенг ашхы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Уллу суу бла уллу ауруудан башынгы сакъла.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёлген эшек бёрюден къоркъмайды.
- Джангыз торгъай джырламаз.
- Ёксюзню къалачы уллу кёрюнюр.
- Ачыкъ джюрекге джол – ачыкъ.
- Келгинчи, къонакъ уялыр, келгенден сора, къонакъбай уялыр.
- Къартны сыйын кёрмеген, къартлыгъында сыйлы болмаз.
- Эли джокъну – кёлю джокъ.
- Мен да «сен», дейме, сен да «кесим», дейсе.
- Кийим тукъум сордурур.
- Аз сёлеш, кёб ишле.
- Сабий болмагъан джерде, мёлек болмаз.
- Адам къыйынлыгъын кёлтюрюр, зауукълугъун кёлтюрмез.
- Джогъун бар этген, барын бал этген.
- Чабакъ башындан чирийди.
- Гырджын – тепсини тамадасы.
- Кёлю джокъну – джолу джокъ.
- Ойнай билмеген, уруб къачар.
- Бал чибинни ургъаны – ачы, балы – татлы.
- Биреуню къыйынлыгъы бла кесинге джол ишлеме.
- Юреннген ауруу къалмаз.
- Сютден ауузу кюйген, суугъа юфгюре эди.
- Аджал соруб келмез, келсе, къайтыб кетмез.
- Ауузу бла къуш тута айланады.
- Юйюнг бла джау болгъандан эсе, элинг бла джау бол.
[ Закрыто ] Притча о двух младенцах
|
эта притча и отрывок уже есть на форуме, поэтому тему закрываю, после же удалю, иншааЛлах
|
||||
|
|
|
|||
Читают тему (гостей: 1)