- Узун джолну барсанг, бюгюн келирсе, къысха джолну барсанг, тамбла келирсе.
- Ётюрюкден тюбю джокъ, кёлтюрюрге джиби джокъ.
- Элге къуллукъ этмеген, элге ие болмаз.
- Бал ашаргъа сюе эсенг, чибин ургъаннга тёз.
- Башсыз урчукъ тюзюне айланмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Азыкъ аз болса, эртде орун сал.
- Джылкъыдан – ат чыгъар, тукъумдан – джаш чыгъар.
- Хар сёзню орну барды.
- Джеринден айырылгъан – джети джылар, джуртундан айырылгъан – ёлгюнчю джылар.
- Тил – миллетни джаны.
- Эр сокъур болсун, къатын тилсиз болсун.
- Намысы джокъну – дуниясы джокъ.
- Кийиминг бла танылма, адамлыкъ бла таныл.
- Ашарыкъда сайлагъаннга – чий гырджын.
- Арбаз къынгырды да, ийнек сауалмайма.
- Аууздан келген, къолдан келсе, ким да патчах болур эди.
- Къая джолда джортма, ачыкъ сёзден къоркъма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Экеулен сёлеше тура эселе, орталарына барыб кирме.
- Керек ташны ауурлугъу джокъ.
- Чыкълы кюнде чыкъмагъан, чыкъса къуру кирмеген.
- Аш иеси бла татлыды.
- Ачлыкъ отха секиртир.
- Тура эдим джата, къайдан чыкъды хата?
- Аджашханны ызындагъы кёреди, джангылгъанны джанындагъы биледи.
- Ханы къызы буюгъа-буюгъа киштик болду.
- Накъырданы арты керти болур.
- Ашыкъгъанны этеги бутуна чырмалыр.
- Аман эсирсе, юйюн ояр.
- Эринчекни эр алмаз, эр алса да, кёл салмаз, кёл салса да, кёб бармаз!
- Къалгъан ишге къар джауар.
- Иги сеники эсе да, сюйген кесимикин этеме.
- Айран ичген – къутулду, джугъусун джалагъан – тутулду.
- Дженгил джетерикме деб, узун джолну къоюб, къысхасын барма.
- Аманны къуугъан, аманлыкъ табар.
- Ургъан суудан башынгы сакъла.
- Айырылмаз джууугъунга, унутмаз сёзню айтма.
- Къыз тиширыу кеси юйюнде да къонакъды.
- Насыблы элин сюер, насыбсыз кесин сюер.
- Ачлыкъда тары гырджын халыуадан татлы.
- Эрине къаргъыш этген къатын, эрнин къабар.
- Таукел адам тау тешер.
- Сабийни джумушха джибер да, ызындан бар.
- Къонагъы джокъну – шоху джокъ.
- Билимсиз иш бармаз.
- Билим насыб берир, билим джолну керир.
- Айран тёгюлсе, джугъусу къалыр.
- Джол бла сёзню къыйыры джокъ.
- Окъуу – билимни ачхычы, окъуу – дунияны бачхычы.
[ Закрыто ] Притча о двух младенцах
|
эта притча и отрывок уже есть на форуме, поэтому тему закрываю, после же удалю, иншааЛлах
|
||||
|
|
|
|||
Читают тему (гостей: 1)