- Асхат ашлыкъ сата, юйдегиси ачдан къата.
- Окъ къызбайны джокълайды.
- Байлыкъ адамны сокъур этер.
- Къуру гыбыт бек дыгъырдар.
- Этни бети бла шорпасы.
- Тилчи бир сагъатха айлыкъ хата этер.
- Аджал соруб келмез, келсе, къайтыб кетмез.
- Иши джокъну, сыйы джокъ.
- Къонагъы джокъну – шоху джокъ.
- Къулакъдан эсе, кёзге ышан.
- Тойгъанлыкъ къойгъа джарашады.
- Хансыз джомакъ болмаз.
- Джарлы тюеге минсе да, ит къабар.
- Окъуу – билимни ачхычы, окъуу – дунияны бачхычы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джигер – джаннга къыйынлыкъ.
- Окъугъан озар, окъумагъан тозар.
- Хата – гитчеден.
- Мал ёлсе, сюек къалыр, адам ёлсе, иши къалыр.
- Байдан умут эте, джарлыдан ёгюз багъасы къорады.
- Ёлюк кебинсиз къалмаз.
- Ёмюрлюк шохлукъну джел элтмез.
- Намысы болмагъанны, сыйы болмаз.
- Тюзлюк тас болмайды.
- Эки къатын алгъанны къулагъы тынгнгаймаз.
- Кёзю сокъурдан – къоркъма, кёлю сокъурдан – къоркъ.
- Элиб деген, элге болушур.
- Келгинчи, къонакъ уялыр, келгенден сора, къонакъбай уялыр.
- Къозулугъунда тоймагъан, къойлугъунда тоймаз.
- Адамны аты башхача, акъылы да башхады.
- Адеб базарда сатылмаз.
- Аякъларынгы джууургъанынга кёре узат.
- Телини эшигин, махтау джабар.
- Насыблы элин сюер, насыбсыз кесин сюер.
- Мал тутхан – май джалар.
- Мухарны эси – ашарыкъда.
- Аджашханны ызындагъы кёреди, джангылгъанны джанындагъы биледи.
- Иги адамны бир сёзю эки болмаз.
- Ургъан суудан башынгы сакъла.
- Байлыкъдан саулукъ ашхыды.
- Минг тенг да азды, бир джау да кёбдю.
- Тулпарлыкъ, билекден тюл – джюрекден.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашыкъгъанны этеги бутуна чырмалыр.
- Бозаны арты дауур болур.
- Ким бла джюрюсенг, аны кёзю бла кёрюнюрсе.
- Ишге юренсин къоллары, халкъ бла болсун джоллары.
- Чакъырылмагъан къонакъ къачан кетерин сормаз.
- Адам сёзге тынгыла, акъыл сёзню ангыла.
- Кийимни бичсенг, кенг бич, тар этген къыйын тюлдю.
[ Закрыто ] Притча о двух младенцах
|
эта притча и отрывок уже есть на форуме, поэтому тему закрываю, после же удалю, иншааЛлах
|
||||
|
|
|
|||
Читают тему (гостей: 1)