- Эки къатын алгъан – эки ташны ортасына башын салгъан.
- Биреу ашаб къутулур, биреу джалаб тутулур.
- Игиге айтсанг – билир, аманнга айтсанг – кюлюр.
- Тюз сёз баргъан сууну тыяр.
- Эринчекни эр алмаз, эр алса да, кёл салмаз, кёл салса да, кёб бармаз!
- Хаухну атма, ёнгкючню сатма.
- Кёкдеги болмаса, джердегин кёрмейди.
- Джашлыкъ этмеген, башлыкъ этмез.
- Ач къарным, тынч къулагъым.
- Хар сёзню орну барды.
- Адеб базарда сатылмаз.
- Къаллай салам берсенг, аллай джууаб алырса.
- Халкъгъа джарагъан, джарлы къалмаз.
- Эринчекни аурууу – кёб.
- Мухардан ач ычхынмаз.
- Эр сокъур болсун, къатын тилсиз болсун.
- Къар – келтирди, суу – элтди.
- Чёбню кёлтюрсенг, тюбюнден сёз чыгъар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эринчекге кюн узун.
- Кёбню кёрген – кёб билир.
- Джукъу тёшек сайламайды.
- Ёгюзню мюйюзлери ауурлукъ этмейдиле.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бермеген къол, алмайды.
- Джарлыны тону джаз битер.
- Айранны сюйген, ийнек тутар.
- Гитче джилтин уллу элни джандырыр.
- Ашхы сёз таш тешер.
- Чомартха хар кюн да байрамды.
- Къонагъы джокъну – шоху джокъ.
- Ашаса, ашамаса да, бёрюню ауузу – къан.
- Ётюрюк хапар аякъ тюбю бла джюрюйдю.
- Чыбыкълыкъда бюгюлмеген, къазыкълыкъда бюгюлмей эди.
- Гыдай эчки суугъа къараб, мюйюзле кёрмесе, джашма алкъын, дегенди.
- Тёзген – тёш ашар!
- Хата – гитчеден.
- Адеб джокъда, намыс джокъ.
- Туз, гырджын аша, тюзлюк бла джаша.
- Эски джаугъа ышанма.
- Тёрдеги кюлсе, эшикдеги ышарыр.
- Тёрде – темир таякълы, къаяда – чыпчыкъ аякълы.
- Урама да – ёледи, сатама да – келеди.
- Ишленмеген джаш – джюгенсиз ат, ишленмеген къыз – тузсуз хант.
- Ойнаб айтсанг да, эслеб айт.
- Къулакъдан эсе, кёзге ышан.
- Азыкъ аз болса, эртде орун сал.
- Аман хансны – урлугъу кёб.
- Чакъырылмагъан джерге барма, чакъырылгъан джерден къалма.
- Сабий болмагъан джерде, мёлек болмаз.
Инженерная тема
(я не архитектор, но знаком с такими)|
Умный дом на связи))))
 |
||||
|
|
|
|||
Читают тему (гостей: 1)