- Сангырау къулакъ эл бузар.
- Джолда аягъынга сакъ бол, ушакъда тилинге сакъ бол.
- Тюзлюк тас болмайды.
- Къызны минг тилер, бир алыр.
- Чыбыкълыкъда бюгюлмеген, къазыкълыкъда бюгюлмей эди.
- Джети тилни билген джети кишиди.
- Кимни – тили, тиши онглу, кимни – къолу, иши онглу.
- Онгсузну – джакъла, тенгликни – сакъла.
- Эки ойлашыб, бир сёлешген.
- Ёлюк кебинсиз къалмаз.
- Эл ауузу – элия.
- Чомартны къолу берекет.
- Джырына кёре эжиую.
- Таукел адам тау тешер.
- Элиб деген, элге болушур.
- Адамны бетине къарама, адетине къара.
- Байдан умут эте, джарлыдан ёгюз багъасы къорады.
- Башда акъыл болмаса, эки аякъгъа кюч джетер.
- Ашлыкъ – бюртюкден, джюн – тюкден.
- Мал кёб болса, джууукъ кёб болур.
- Айыбны суу бла джууалмазса.
- Тешик этген тынчды, аны джамагъан къыйынды.
- Тойну къарнашы – харс, джырны къарнашы – эжиу.
- Нёгерсизни джолу узун.
- Акъыллы башны – тили къысха.
- Харам къарнашдан, халал тенг ашхы.
- Къазанчы аман болса, къазаны къайнамаз.
- Окъугъан озар, окъумагъан тозар.
- Тёрени джагъы джокъ.
- Таукел тауну аудурур.
- Халкъны джырын джырласанг, халкъ санга эжиу этер.
- Ачылгъан эт джабылыр, кёрген кёз унутмаз.
- Къартха ушагъан джаш – акъыллы, джашха ушагъан къарт – тели.
- Джюрекге ариу – кёзге да ариу.
- Бюгюн дуния кибик, тамбла ахыратды.
- Битмегеннге сакъал – танг.
- Келинни – келгинчи, бёркню кийгинчи кёр.
- Айырылгъанланы айю ашар, бёлюннгенлени бёрю ашар.
- Къая джолда джортма, ачыкъ сёзден къоркъма.
- Тилчиден кери бол.
- Мал ёлсе, сюек къалыр, адам ёлсе, иши къалыр.
- Тёрдеги кюлсе, эшикдеги ышарыр.
- Аш кетер да бет къалыр.
- Босагъагъа джууукъ орун болса, ашыгъыб тёрге озма.
- Джыланны къуйругъундан басарынг келсе, аны башы болгъанын унутма.
- Къарнынг ауруса, ауузунгу тый
- Акъыллы айтыр эди, акъылсыз къоймайды.
- Рысхы джалгъанды: келген да этер, кетген да этер.
- Окъумагъан сокъурду, сокъур ташха абыныр!
- Айныгъанлы алты кюн, тогъайгъанлы тогъуз кюн.
Инженерная тема
(я не архитектор, но знаком с такими)|
Умный дом на связи))))
 |
||||
|
|
|
|||
Читают тему (гостей: 1)