- Аджалсыз ёлюм болмаз.
- Ишлегенде эринме, ишде чолакъ кёрюнме.
- Джолда аягъынга сакъ бол, ушакъда тилинге сакъ бол.
- Ашарыкъда сайлагъаннга – чий гырджын.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ойнаб айтсанг да, эслеб айт.
- Сабийни джумушха джибер да, ызындан бар.
- Эки къатын алгъанны къулагъы тынгнгаймаз.
- Сабыр джетер муратха, сабырсыз къалыр уятха.
- Адамны сыфатына къарама, сёзюне къара.
- Кесинге джетмегенни, кёб сёлешме.
- Босагъагъа джууукъ орун болса, ашыгъыб тёрге озма.
- Ёзденликни джайгъан – джокълукъ.
- Кёбден умут этиб, аздан къуру къалма.
- Уллу сёлешме да, уллу къаб.
- Ишин билген, аны сыйын чыгъарады.
- Кёл ашады да, кеси ашады.
- Ашыкъгъанны этеги бутуна чырмалыр.
- Мухар, кеси тойса да, кёзю тоймаз.
- Ачылгъан эт джабылыр, кёрген кёз унутмаз.
- Дуния малгъа сатылма, кесингден телиге къатылма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Урама да – ёледи, сатама да – келеди.
- Кимни – тили, тиши онглу, кимни – къолу, иши онглу.
- Ёгюзню мюйюзлери ауурлукъ этмейдиле.
- Алгъанда – джууукъ, бергенде – джау.
- Сагъыш – къартлыкъгъа сюйюмчю.
- Аджаллыгъа окъсуз шкок атылыр.
- Хар ишни да аллы къыйынды.
- Акъыллы айтыр эди, акъылсыз къоймайды.
- Бети бедерден, намыс сакълама.
- Ачлыкъ отха секиртир.
- Башы ишлегенни, ауузу да ишлер.
- Эл ауузу – элия.
- Асхат ашлыкъ сата, юйдегиси ачдан къата.
- Ёмюрлюк шохлукъну джел элтмез.
- Къуру гыбыт бек дыгъырдар.
- Ёксюзню къалачы уллу кёрюнюр.
- Тойгъа алгъа да барма, тойда артха да къалма.
- Баргъанынга кёре болур келгенинг.
- Тилчи тилден къаныкъмаз.
- Терек ауса, отунчу – кёб.
- Кёл – къызбай, къол – батыр.
- Уллу атлама – абынырса, уллу къабма – къарылырса.
- Сибиртки да сыйлы болду, кюрек да кюнлю болду.
- Абынмазлыкъ аякъ джокъ, джангылмазлыкъ джаякъ джокъ.
- Ата – баланы уясы.
- Билмейме деген – бир сёз
- Чомартха Тейри да борчлуду.
- Эринчекни аурууу – кёб.
Келигиз, тил байлыгъыбызны сакълайыкъ!
|
къара
кертида сагъыш этерча затды сора сен сагъышгъа кириб къалдынг болурму  Джазчын бир тёрт-беш назму  |
|
|
|
|
|
Сау эсен джетдик бу багъалы кюнге деричи!
Барыгъызны алгъышлайма!  |
|
|
|
|
|
Акъ_Беленькая
  |
|
|
|
|
|
Девушка Гор
Назмула айтыбмы эришесиз. Мен да къошулайым?  |
|
|
|
|
|
къара
Аламат назму, джаш тёлюбюз аланы окъугъаны, эсин ийгени, джашауунда андан юлгю алгъаны андан да аламат. |
|
|
|
|
|
Эгечим,меннге джууаб берирге тыйыншлы кермединг не эседа....
|
|
|
|
|
|
Мен
Эгечим,меннге джууаб берирге тыйыншлы кермединг не эседа.... Кечериксе, ишим кёб болгъанды да. Кесим да къайсы сорууну юсюнден айтханынгы ангыламай джунчугъанма. |
|
|
|
|
|
Къарачай тилни окъугъан этген болурса деген согъыш келген эди акъылыма...
|
|
|
|
|
|
Миллетчи
Сау бол,  джаш адамма, алай а, тюгел сен махтагъанча бир билимим болмаз. Кесим да, тюз билгенсе, къарачай тилден устазлыкъгъа окъугъанма. |
|
|
|
|
|
Мен
Къарачай тилни окъугъанма, окъурукъма, Аллах буюрса окъугъанлай турлукъма! |
|
|
|
|
|
Айыб этме,менда къарачай институтну филфакда къарачай белюмюн окъугъанма.Сен къайсы джыллада окъугъан эдинг?
|
|
|
|
|
|
Миллетчи
Мен къарачай тил бла журналистика бир бёлме болгъан кёзюуде окъугъанма. Болгъанды 3-джыл андан бери. |
|
|
|
|
|
Карачай форумга ошаб башлады деймеми Джашил Уюбюз ))
|
|
|
|
|
|
кокетка
Эндиден сора менге, билмейме ана тилни деб бир айт  Быллай назмуланы къайдан табаса да сора? |
|
|
|
|
|
ПТЮЧ
Карачай форумга ошаб башлады деймеми Джашил Уюбюз Бизни баш муратыбыз да олду, форумда джаш адамла къарачай-малкъар тилде селешсинле деб. |
|
|
|
|
|
Девушка Гор
Аман арю сёлешесе )) Кайдан ёренгенсе? )) Ата-Ана огасе школ-мол? )) |
|
|
|
|
|
ПТЮЧ
Ата-Ана огасе школ-мол Ата-ана, къарт ата- къарт ана - школ - университет - иш- джашау! |
|
|
|
|
|
ПТЮЧ
Джашил Уюбюз )) Билемисе Бюгюнгю кюнден къаллай хайыр менге эм уллуду? артуржан тынгъылап турады, тилни жутхан кибик....))керти да солугъан этеме |
|
|
|
|
|
Девушка Гор
карачайча завидываю калай боллукту? Къанамат  аман зат Биледи Артурджон карачай тилни )))) |
||||
|
|
|
|||
Читают тему (гостей: 2)