Войти на сайт
24 Июня 2026 года

 

  • Джумушакъ сёз къаты таякъны сындырыр.
  • Юреннген ауруу къалмаз.
  • Ауузу бла къуш тута айланады.
  • Алим болгъандан эсе, адам болгъан къыйынды.
  • Тай асырагъан, атха минер.
  • Къатын байлыкъны сюер, эр саулукъну сюер.
  • Кёб джат да, бек чаб.
  • Кёзюнде тереги болгъан, чёбю болгъаннга кюле эди.
  • Эки элинги тыйсанг, джети элде махталырса.
  • Мухардан ач ычхынмаз.
  • Бойнуму джети джерден кессенг да, мен ол ишни этеллик тюлме.
  • Атлыны кёрсе, джаяуну буту талыр.
  • Ачылгъан эт джабылыр, кёрген кёз унутмаз.
  • Зарда марда джокъ.
  • Башынга джетмегенни сорма.
  • Рысхысына кёре, джаш ёсер, къышлыгъына кёре, мал ёсер.
  • Борчунг бар эсе, хурджунунга ойлаб узал.
  • Къарын къуру болса, джюрек уру болур.
  • Игилик игилик бла сингдирилиучю затды.
  • Аманнга игилик этсенг, юйюнге сау бармазса.
  • От кюйдюрген, сау болса да, тот кюйдюрген, сау болмаз.
  • Къонакъ болсанг, ийнакъ бол.
  • Къарт айтханны этмеген, къартаймаз.
  • Чакъырылмагъан джерге барма, чакъырылгъан джерден къалма.
  • Къолунгдан къуймакъ ашатсанг да, атаны борчундан къутулмазса.
  • Джырчы ёлсе, джыры къалыр.
  • Урунуу – насыбны анасы.
  • Тешик этген тынчды, аны джамагъан къыйынды.
  • Азыкълы ат арымаз, къатыны аман джарымаз.
  • Бир абыннган – минг сюрюнюр.
  • Эшекге миннген – биринчи айыб, андан джыгъылгъан – экинчи айыб.
  • Аш иеси бла татлыды.
  • Сагъыш – къартлыкъгъа сюйюмчю.
  • Эте билген, этген этеди, эте билмеген, юретген этеди!
  • Кёб къычыргъандан – къоркъма, тынч олтургъандан – къоркъ.
  • Сабыр джетер муратха, сабырсыз къалыр уятха.
  • Малны кют, джерни тюрт.
  • Чомартны къолу берекет.
  • Джаханимни кёрмей, джандетге кёл салмазса.
  • Къоркъакъны кёзю экили кёрюр.
  • Алтыннга тот къонмаз.
  • Окъдан джара эртде-кеч болса да бителир, сёз джара, ёмюрге къалыр.
  • Ач уят къоймаз.
  • Рысхы джалгъанды: келген да этер, кетген да этер.
  • Чабакъ башындан чирийди.
  • Сагъышы джокъ – джукъучу, акъылы джокъ – къаугъачы.
  • Окъ къызбайны джокълайды.
  • Джарлы джети элни сёзюн этер.
  • Байлыкъдан саулукъ ашхыды.
  • Окъугъан – асыу, окъумагъан – джарсыу.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 4 5 ... 62 След.
RSS
Келигиз, тил байлыгъыбызны сакълайыкъ!
 
#26
Джаратама0
21.02.2008 01:18:05
къара
кертида сагъыш этерча затды
сора сен сагъышгъа кириб къалдынг болурму Джазчын бир тёрт-беш назму
 
 
 
#27
Джаратама0
21.02.2008 09:52:45
Сау эсен джетдик бу багъалы кюнге деричи! Барыгъызны алгъышлайма!
 
 
 
#28
Джаратама0
21.02.2008 13:10:28
Ана тилим ? тауларымы къадау ташы
Намысымы, насыбымы сыйлы башы,
Ана тилим ? джюрегими булбул джыры,
Миллетими нюр чырагъы, сыйы, сыры.

Таугъа-тюзге таб джарашхан ана тилим,
Кёб джер суу да кёре келген ана тилим,
Ташча ауур, тюкча дженгил ана тилим,
Дарман-дары бола билген ана тилим.

Туздам кибик, кирсиз, таза ана тилим,
Кёкча мийик, кёлча тюбсюз ана тилим.
 
 
 
#29
Джаратама0
21.02.2008 13:14:31
Акъ_Беленькая
 
 
 
#30
Джаратама0
21.02.2008 13:21:48
Бюгюн ана тилибизни кюнюдю. Къайда джашаса да адам улу, тилин унутмазгъа, аны ёргеде тутаргъа борчлуду! Ана тил халкъны чырагъыды, сёз къабчыгъыды! Багъалы джамагъат, Ана Тилни кюню бла алгъышлайма! Ата джуртубузгъа керек кюн чемер тилибизни, тау намысыбызны да тутарыгъыбызгъа ышанама!
 
 
 
#31
Джаратама0
21.02.2008 14:01:19
Девушка Гор
Назмула айтыбмы эришесиз. Мен да къошулайым?
 
 
 
#32
Джаратама0
21.02.2008 14:23:21
Бюгюн ана тилибизни кюнюдю. Къайда джашаса да адам улу, тилин унутмазгъа, аны ёргеде тутаргъа борчлуду! Ана тил халкъны чырагъыды, сёз къабчыгъыды! Багъалы джамагъат, Ана Тилни кюню бла алгъышлайма! Ата джуртубузгъа керек кюн чемер тилибизни, тау намысыбызны да тутарыгъыбызгъа ышанама!
Алан,айыб этме сен джаш адаммыса?Не себебден сорама десенг,джаш телюню ичинде сенича таза эмда халатсыз джаза билген адамгъа кебден бери тюбемеген эдим.Экинчиси,сен ана тилибизни белюгюн бошагъан филологлардан тюйюлмюсе?
 
 
 
#33
Джаратама0
21.02.2008 14:26:02
Ана тилим ана сютюмдю мени

Хар халкъны да, хар джуртну да сюеме,
Адам улу бирди, джангызды дунияда.
Къайсы халкъны джарсыса да кюеме,
Тюб болгъанча мен джаратылгъан уя.

Хар тилни да сейирлиги алайды,
Ана сютню джылыуу бла татыуу.
Кёкде къушча, къанат кериб джашайды
Ана тилде джаз тангланы атыуу.

Ана тилни тау чучхуру саркъады,
Джюрегими ёзенлерин къандыра.
Букъу къонуб къалыр да, деб къоркъады,
Къой Джолну джулдузларын джандыра.

Ана тил бла туугъан джерни сюеме,
Бир-биринден айырмайма аланы.
Ана тилде джылайма мен, кюеме,
Харам эсе ана сютю ананы.

Ахыр заман келмей, дуния чайкъалмай,
Туруб турсун, бузоу этмей ёгюзлюк.
Ана тилле джашасынла таркъаймай,
Сынгар бир халкъ сынамасын ёксюзлюк!

Бушуу келсе, ана тилде джылайма,
Кёз джашларым джылытыб туугъан джерни.
Къууанч кюнде ана тилде джырлайма,
Ана тилим ана сютюмдю мени!
 
 
 
#34
Джаратама0
21.02.2008 14:33:40
Чип
эки сезню бири - бирине къоша бильгенден сорада, ариу селе билиргеда керекди, ташны ташха ургъанча этмей
Тюз айтаса! сёзлени билгенден сора да, аланы къачан, къалайда хайырландырыргъа кереклисин да билирге керекди. Ол заманда болады тил бай, кирсиз.
 
 
 
#35
Джаратама0
21.02.2008 14:36:45
къара
Аламат назму, джаш тёлюбюз аланы окъугъаны, эсин ийгени, джашауунда андан юлгю алгъаны андан да аламат.
 
 
 
#36
Джаратама0
21.02.2008 14:46:40
Эгечим,меннге джууаб берирге тыйыншлы кермединг не эседа....
 
 
 
#37
Джаратама0
21.02.2008 15:04:25
Мен
Эгечим,меннге джууаб берирге тыйыншлы кермединг не эседа....
Кечериксе, ишим кёб болгъанды да. Кесим да къайсы сорууну юсюнден айтханынгы ангыламай джунчугъанма.
 
 
 
#38
Джаратама0
21.02.2008 15:09:16
Къарачай тилни окъугъан этген болурса деген согъыш келген эди акъылыма...
 
 
 
#39
Джаратама0
21.02.2008 15:10:02
Миллетчи
Сау бол, джаш адамма, алай а, тюгел сен махтагъанча бир билимим болмаз. Кесим да, тюз билгенсе, къарачай тилден устазлыкъгъа окъугъанма.
 
 
 
#40
Джаратама0
21.02.2008 15:11:16
Мен
Къарачай тилни окъугъанма, окъурукъма, Аллах буюрса окъугъанлай турлукъма!
 
 
 
#41
Джаратама0
21.02.2008 15:13:50
Айыб этме,менда къарачай институтну филфакда къарачай белюмюн окъугъанма.Сен къайсы джыллада окъугъан эдинг?
 
 
 
#42
Джаратама0
21.02.2008 15:14:05
Ана тилинг

Хар кимген да багъалыды ана тили,
Хар кимни да ана тили - батмаз кюню.

Анангдан ичген сютюнгдю ана тилинг,
Белляуунгду эм юйюнгдю ана тилинг.

Бу шоркъулдаб баргъансуула - ана тилинг,
Бу сюелген мийик таула - ана тилинг.

Джерден чыкъгъан бу къудрет - ана тилинг,
Кюнден кюннге джашнаб келед ана тилинг.

Пушкинни ол бай тили да тёгед билим,
Ол да сеннге экинчиге ана тилинг.

Аны ючюн сен кёресе узакъдагъын,
Кенгден-кенгнге эштиледи хар айтханынг.

Ол себебден хар къайда да кёбдю къарнаш,
Хар аллынга тюбеген да - сеннге джолдаш.

бу эки тил бир - бирине бек аламат,
Ала сеннге экиси да - эки къанат.
 
 
 
#43
Джаратама0
21.02.2008 15:23:06
Миллетчи
Мен къарачай тил бла журналистика бир бёлме болгъан кёзюуде окъугъанма. Болгъанды 3-джыл андан бери.
 
 
 
#44
Джаратама0
21.02.2008 15:24:09
Карачай форумга ошаб башлады деймеми Джашил Уюбюз ))
 
 
 
#45
Джаратама0
21.02.2008 15:25:00
кокетка
Эндиден сора менге, билмейме ана тилни деб бир айт Быллай назмуланы къайдан табаса да сора?
 
 
 
#46
Джаратама0
21.02.2008 15:27:30
ПТЮЧ
Карачай форумга ошаб башлады деймеми Джашил Уюбюз
Бизни баш муратыбыз да олду, форумда джаш адамла къарачай-малкъар тилде селешсинле деб.
 
 
 
#47
Джаратама0
21.02.2008 15:29:13
Девушка Гор
Аман арю сёлешесе )) Кайдан ёренгенсе? )) Ата-Ана огасе школ-мол? ))
 
 
 
#48
Джаратама0
21.02.2008 15:38:54
ПТЮЧ
Ата-Ана огасе школ-мол
Ата-ана, къарт ата- къарт ана - школ - университет - иш- джашау!
 
 
 
#49
Джаратама0
21.02.2008 15:41:41
ПТЮЧ

Джашил Уюбюз ))

Билемисе Бюгюнгю кюнден къаллай хайыр менге эм уллуду? артуржан тынгъылап турады, тилни жутхан кибик....))керти да солугъан этеме
 
 
 
#50
Джаратама0
21.02.2008 15:49:55
Девушка Гор
карачайча завидываю калай боллукту?

Къанамат
аман зат Биледи Артурджон карачай тилни ))))
 
 
 
Страницы: Пред. 1 2 3 4 5 ... 62 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.