- Мен да «сен», дейме, сен да «кесим», дейсе.
- Аджаллыгъа окъсуз шкок атылыр.
- Аз айтсам, кёб ангылагъыз.
- Билмейме деген – бир сёз
- Тулпарлыкъ, билекден тюл – джюрекден.
- Къалгъан ишге къар джауар.
- Эки къатын алгъан – эки ташны ортасына башын салгъан.
- Юйюнг бла джау болгъандан эсе, элинг бла джау бол.
- Къызны минг тилер, бир алыр.
- Джаным-тиним – окъуу, билим.
- Къарнынг бла ёч алма.
- Чалманны аллы къалай башланса, арты да алай барады.
- Адам сёзге тынгыла, акъыл сёзню ангыла.
- Башсыз урчукъ тюзюне айланмаз.
- Бек анасы джыламаз.
- Алим болгъандан эсе, адам болгъан къыйынды.
- Кёзюнде тереги болгъан, чёбю болгъаннга кюле эди.
- Аджашханны ызындагъы кёреди, джангылгъанны джанындагъы биледи.
- Эл элде бирер малынг болгъандан эсе, бирер тенгинг болсун.
- Байны оноуу, джарлыгъа джарамаз.
- Ишни ахырын ойламай, аллын башлама.
- Берекет берсин деген джерде, берекет болур.
- Минг тенг да азды, бир джау да кёбдю.
- Къайгъыны сюйген, къайгъы табар.
- Сагъыш – къартлыкъгъа сюйюмчю.
- Кимни – тили, тиши онглу, кимни – къолу, иши онглу.
- Аш хазыр болса, иш харам болур.
- Ач бёрюге мекям джокъ.
- Эл ауузу – элек, анга ийнаннган – халек.
- Ёксюзню къалачы уллу кёрюнюр.
- Чабакъсыз кёлге къармакъ салгъанлыкъгъа, чабакъ тутмазса.
- Эшекни не къадар тюйсенг да, ат болмаз.
- Намыс сатылыб алынмайды.
- Таш ата билмеген, башына урур.
- Тойчу джашха къарама, къойчу джашха къара.
- Телиге акъыл салгъандан эсе, ёлгеннге джан салырса.
- Эркиши – от, тиширыу – суу.
- Аманны эки битли тону болур, бирин сеннге кийдирир, бирин кеси киер.
- Кёбню кёрген – кёб билир.
- Къоркъакъны кёзю экили кёрюр.
- Ышармагъан – кюлмез, кюлмеген – къууанчны билмез.
- Чакъырылгъанны аты, чакъырылмагъанны багъасы болур.
- Ашхы атаны – джашы ашхы, ашхы ананы – къызы ашхы.
- Дууулдаса – бал чибин, къонса – къара чибин.
- Билимсиз иш бармаз.
- Айтхан – тынч, этген – къыйын.
- Окъуу – билимни ачхычы, окъуу – дунияны бачхычы.
- Бир абыннган – минг сюрюнюр.
- Кесинге джетмегенни, кёб сёлешме.
- Мухар, кеси тойса да, кёзю тоймаз.
Келигиз, тил байлыгъыбызны сакълайыкъ!
|
Салам алейкум!
 Али-Мурат Хасанович, мени сизге бир сорууум барды. Къарачай-Малкъар миллетни къалай къуралгъаныны юсюнден научно-практический конференцияла этилемидиле институтда? |
|
|
|
|
|
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!!
|
|
|
|
|
|
мелек
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!! Соруунг тюппе-тюздю! Биз айтхан да олду  |
|
|
|
|
|
Сау болугъуз!
|
|
|
|
|
|
Батчаланы Али Мурат
Къарачай тилни бюгюн болумун алыб къарасакъ, кесибизни тилибизде, башхаладан сёз къатышдырмай сёлеширге бармыды мадар? Сау болугъуз!  |
|
|
|
|
|
Батчаланы Али Мурат
Мен ана тилими иги билмейме, керек заманда хайырландырыргъа биргеме сёзлюк джюрютюрге излейме, къайсы сёзлюкню хайырландырайым бир айтсагъыз а? |
|
|
|
|
|
Батчаланы Али Мурат
Сау болугъуз, джууаб бергенигизге |
|
|
|
|
Читают тему (гостей: 3)