- Аурууну келиую тынч, кетиую – къыйын.
- Кёзюнде тереги болгъан, чёбю болгъаннга кюле эди.
- Тин – байлыгъынг, терен саулугъунг.
- Окъугъан озар, окъумагъан тозар.
- Бал чибинни ургъаны – ачы, балы – татлы.
- Атлыны ашхысы, ат тизгининден билинир
- Эрни эр этерик да, къара джер этерик да, тиширыуду.
- Эринчекге кюн узун.
- Чомарт джарлы болмаз.
- Дууулдаса – бал чибин, къонса – къара чибин.
- Адеб джокъда, намыс джокъ.
- Ётюрюкден тюбю джокъ, кёлтюрюрге джиби джокъ.
- Сёлеш деб шай берген, тохта деб, сом берген.
- Иги болса, тамадама – махтау, аман болса, меннге – айыб.
- Баргъанынга кёре болур келгенинг.
- Тенгинг джокъ эсе – изле, бар эсе – сакъла!
- Мал тутхан – май джалар.
- Терек ауса, отунчу – кёб.
- Татлы тилде – сёз ариу, чемер къолда – иш ариу.
- Къазанда болса, чолпугъа чыгъар.
- Тойну къарнашы – харс, джырны къарнашы – эжиу.
- Айтылгъан сёз ызына къайтмаз.
- Аман къатын алгъан, арыр, иги къатын алгъан джарыр.
- Джашда акъыл джокъ, къартда къарыу джокъ.
- Тил джюрекге джол ишлейди.
- Ашатыргъа иш – ашхы, ишлетирге аш – ашхы.
- Сабыр джетер муратха, сабырсыз къалыр уятха.
- Сыфатында болмагъаны, суратында болмаз.
- Къарын къуру болса, джюрек уру болур.
- Къарнынг ауруса, ауузунгу тый
- Кимни – тили, тиши онглу, кимни – къолу, иши онглу.
- Тил – кесген бычакъ, сёз – атылгъан окъ.
- Ёзденликни джайгъан – джокълукъ.
- Къызбайны юйюне дери сюрсенг, батыр болур.
- Мадар болса, къадар болур.
- Келинни – келгинчи, бёркню кийгинчи кёр.
- Къууут – джелге, берне – бошха.
- Акъыл неден да кючлюдю.
- Акъыллы – эл иеси, тели – эл баласы.
- Ач, тоймам, дейди, тойгъан, ач болмам, дейди.
- Ханнга да келеди хариблик.
- Кёзден кетген, кёлден да кетеди.
- Насыб бютеу халкъны юлюшюдю.
- Тыш элде солтан болгъандан эсе, кесинги элде олтан болгъан игиди!
- Сёз – кюмюш, джыр – алтын.
- Малны кют, джерни тюрт.
- Ойнаб айтсанг да, эслеб айт.
- Кюн кёрмеген, кюн кёрсе, кюндюз чыракъ джандырыр.
- Дуния аламаты сен эсенг да, игиме деб айтма.
- Къайгъыны сюйген, къайгъы табар.
Келигиз, тил байлыгъыбызны сакълайыкъ!
|
Салам алейкум!
 Али-Мурат Хасанович, мени сизге бир сорууум барды. Къарачай-Малкъар миллетни къалай къуралгъаныны юсюнден научно-практический конференцияла этилемидиле институтда? |
|
|
|
|
|
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!!
|
|
|
|
|
|
мелек
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!! Соруунг тюппе-тюздю! Биз айтхан да олду  |
|
|
|
|
|
Сау болугъуз!
|
|
|
|
|
|
Батчаланы Али Мурат
Къарачай тилни бюгюн болумун алыб къарасакъ, кесибизни тилибизде, башхаладан сёз къатышдырмай сёлеширге бармыды мадар? Сау болугъуз!  |
|
|
|
|
|
Батчаланы Али Мурат
Мен ана тилими иги билмейме, керек заманда хайырландырыргъа биргеме сёзлюк джюрютюрге излейме, къайсы сёзлюкню хайырландырайым бир айтсагъыз а? |
|
|
|
|
|
Батчаланы Али Мурат
Сау болугъуз, джууаб бергенигизге |
|
|
|
|
Читают тему (гостей: 2)